¹ "Kemudian, Kerajaan Surga akan diumpamako dengan sepuluh muli se ngusung pelita-pelitani hik lijung untuk tegah mempelai bakas. ² Lima di antara tian jadodo bugu, hik lima barihni jadodo bijaksana. ³ Ketika se bugu hena ngusung pelita-pelitani, tian at ngusung minyak barongni. ⁴ Namun, se bijaksana ngusung minyak lom guci renik barong kantik pelita-pelitani. ⁵ Ganta, ketika mempelai bakas hena menunda keratonganni, tian unyin kedugok hik pedom. ⁶ Namun, pada tengah bingi wat teriakan, 'Mempelas bakas ratong! luahdo untuk menyambutni!' ⁷ Kemudian, unyin muli hena miah hik ngerapiko pelita-pelita tian. ⁸ Hik, se bugu cawa guk se bijaksana, 'Ejukido guk hikam cutik minyakmu karena pelita-pelita hikam kok haga padom." ⁹ Akan tetapi, se bijaksana ngejawab, 'At, at akan genok untuk hikam kantik kuti. Lebih helau, lijungdo guk se njual minyak hik belido untuk dirimu diwik.' ¹⁰ Sementara tian lijung untuk beli, mempelai bakas hena ratong, hik tian se siap, kuruk barong kantik ia guk perjamuan kawin, hik rangok ditutup. ¹¹ Seradu hena, ratong munih muli-muli se barihni hik cawa, "Tuan, tuan! Bukado bagi hikam.' ¹² Akan tetapi, ia ngejawab, 'Sesungguhni, nyak cawa guk niku, nyak at mengenalmu.' ¹³ Oleh karena hena, berjaga-jagado karena niku at pandai hari atau waktuni." Perumpamaan tentang Telu Pelayan ¹⁴ "Sebab, Kerajaan Surga gohgoh nawak sai jelma se akan lijung guk luah negeri, se ngeharuh hamba-hambani hik menyerahko milikni guk tian. ¹⁵ Guk se sai, ia ngejuki 5 talenta. guk se barihni, 2 talenta, hik guk se barihni lagi, 1 talenta, masing-masing sesuai kemanpuanni. kemudian ia lijung. ¹⁶ Jelma se nerima 5 talenta hena langsung lijung, hik ngejalanko talenta hena, dan ia menghasilko 5 talenta lagi. ¹⁷ Demikiando munih jelma se nerima 2 talenta, ia menghasilko 2 talenta lagi. ¹⁸ Akan tetapi, jelma se nerima 1 talenta hena lijung, menggali lobang ditanoh, hik nyegokko duit tuanni. ¹⁹ Uni seradu hena, tuan jak hamba-hamba hena ratong hik mengadako perhitungan kantik tian. ²⁰ Jelma se kok nerima 5 talenta hena menghadap hik ngusung 5 talenta lagi, cawani, 'Tuan, gusi menyerahko 5 talenta guk nyak. Enahdo, nyak kok menghasilko 5 talenta lagi." ²¹ Tuanni cawa guk ia, 'Helau benor, hamba se baik hik setia. niku akan hal-hal renik, nyak akan mengangkat nuku atas lok hal, kurukdo guk lom sukacita tuanmu.' ²² Hik, jelma se menerima 2 talenta menghadap hik cawa munih, 'Tuan, gusi nyerahko 2 talenta guk nyak. Enah, nyak kok menghasilko hua talenta lagi.' ²³ Tuanni ngejawab, 'Helau benor, hamba se helau hik setia. Niku setia dengan hal-hal renik, nyak akan mengangkat niku lambung lok hal, kurukdo guk lom sukacita tuanmu.' ²⁴ Kemudian, jelma se menerima 1 talenta menghadap hik cawa munih, 'Tuan, nyak pandai gusi jelma se kejam, menuai dijengan gusi at menabur, hik mengumpulko di jengan se gusi at menyebarko benih. ²⁵ Karena hena, nyak rabai, hik lijung nyegokko talentamu dilom tanoh. Enah, gusi kedau lani se menjadi kedaumu.' ²⁶ Namun, tuanni ngejawab hik cawa guk ia, 'Niku hamba se jahat hik malas! Niku pandai bahwa nyak menuai di jengan se nyak at menabur hik mengumpulko di jengan se nyak at menyebarko benih. ²⁷ Karena hena, seharusni niku nyegokko duitku di bank hik pas nyak muloh, nyak akan nerima milikku luwot kantik bungani. ²⁸ Akukdo 1 talenta hena jak ia hik ejukko guk ia, se kedau 10 talenta hena. ²⁹ Sebab, setiap jelma se wat akan di ejuki lagi, hik ia akan berkelimpahan. Akan tetapi, jak jelma se atmik, bahkan lani se ia miliki akan diakuk. ³⁰ Betakkedo hamba se at berguna hena guk lom kegelapan se paling manom. Di jengan hena akan wat tangisan hik kertak ipon."' Penghakiman oleh Anak Manusia ³¹ "Ketika Anak Manusia ratong lom kemuliaan-Ni, hik para malaikat barong-Ia, lalu Ia akan mejong ditahta kemuliaan-Ni. ³² Unyin bangsa akan dikumpulko di hadapan-Ni, hik Ia akan memisahko tian sai jak se barih, nawak gembala se memisahko domba jak kambing-kambing. ³³ Hik, Ia akan menempatko domba-domba di kebelah kanan-Ni, hik kambing-kambing di kebelah kiri. ³⁴ Kemudian Raja akan cawa guk tian se di kebelah kanan-Ni,'Marido, niku se diberkati oleh Bapa-Ku, warissido Kerajaan se disediako untukmu jak permulaan dunia. ³⁵ Karena ketika Nyak betoh, niku ngejuki Nyak mengan. Nyak mahhu hik niku ngejuki Nyak nginum. Nyak jelma asing, hik niku ngundang Nyak kuruk. ³⁶ Nyak bitung hik niku makaiko Nyak pulungan. Nyak mehandok hik nuku jengguk Nyak. Nyak di penjara hik niku ratong guk-Nyak.' ³⁷ Lalu, jelma-jelma benor hena akan ngejawab-Ni, 'Tuhan, serampa hikam ngenah Gusi betoh hik ngejuki-Mu mengan, atau mahhu hik ngejuki-Mu nginum? ³⁸ serampa hikam ngenah Gusi jelma asing hik ngundang Gusi kuruk, atau bitung hik makaiko Gusi pulungan? ³⁹ Idan hikam ngenah Gusi sakik atau di penjara hik hikam ratong guk-Gusi?' ⁴⁰ Raja hena akan ngejawab, 'Nyak ngumungko se sebenorni guk niku, sejikpa niku ngelakukoni terhadap sai jak puari-puari-Ku se paling renik henji, niku ngelakukeni untuk-Nyak.' ⁴¹ Kemudian, Ia akan cawa munih guk tian se dikebelah kiri-Ni,'Lijungdo jak hadapan-Ku, niku se terkutuk, guk lom apui abadi se kok disiapko untuk Iblis hik malaikat-malaikatni. ⁴² Sebab, Nyak betoh hik niku at ngejuki-Nyak mengan. Nyak mahhu hik niku at ngejuki-Nyak nginum. ⁴³ Nyak jelma asing hik niku at mengundang-Nyak kuruk; bitung hik niku at memakaiko Nyak pulungan; sakik hik dipenjara, hik niku at ngunjungi Nyak.' ⁴⁴ Kemudian, tian akan ngejawab munih, 'Tuhan, idan hikam ngenah Gusi betoh hik mahhu, atau sejelma asing, atau sakik, atau bitung, atau dipenjara, hik at melayani-Mu?' ⁴⁵ Kemudian, Ia akan ngejawab tian, "Nyak ngumungko se sebenorni guk niku , sejikpa niku ngelakuko terhadap sai jak tian se paling renik henji, niku at ngelakuko guk-Nyak.' ⁴⁶ Hik, tian henji akan lijung guk lom penghukuman kekal, tetapi jelma-jelma benor guk lom kehidupan kekal."