¹ A nagon se gwe nyona ko ’durökin Yerusalema nu, a se poŋdi Betepage, a ’dure i Mere lo Jeitun, a Yesu ’deke soŋdu ŋutu kanyit kajujumuk murek ŋerot, ² a yökije se adi, Iti ta i tur lo gwon kasu ŋerot lu, a ’de ’de ta de ryeji kaine a munuki kak, se ko kolojityo; yokone ta se ko jo ta se köyö ni. ³ A ko lele ŋuto a kulya ko ta ko nene ŋo, ruŋge ta adi, nan matat ’de ’dekan se, a ŋilo ŋuto de rukökiŋdye ta ’de ’de i joŋdya. ⁴ Kine kulya pokin anyen ŋo na jam nebi köju kunu kokona, adi, ⁵ Taki ta köji na Siöna adi, Mete ta, Mor losu ŋilo popo kasu ni, a lokoyok i si ’da ’e i kaine, i kolojityo tore lo kaine. ⁶ Nyena a ŋutu kajujumuk kulo iti tu, a koŋdi gwoso na sarakiŋdye Yesu se nu. ⁷ A se joŋdi kaine se ko kolojityo, a se peddi boŋgwat kase i loki na lepeŋat, a Yesu si ’dakine kata. ⁸ A ŋutu jore parik peddi boŋgwat kase i kiko, a kulye tutukuŋdye kenia ti kaden, a peddi se i kiko. ⁹ A ŋutu jore logon tu kanyit ŋerot, se ko se lo kipuŋdyö lepeŋ kulo woŋe parik adi, ösana i ur ŋo lo Dawidi! ŋuto lo po i karin ti matat lo, ti ’boriani ’boria! ösana i piritön ti ki yu! ¹⁰ A Yesu ko tulöddi Yerusalema, a ŋutu liŋ ti köji dyadyaŋgi dyadyaŋgu. A se pije adi, ŋilö a ŋa? ¹¹ A ŋutu kulo waddi adi, ŋilo a nebi Yesu lo po Najareta na Galilaya. ¹² A Yesu lupöni i Kadi na Ŋun, a riŋge ŋutu liŋ kaŋo logon tugwöŋu ko logon gwögwörö i Kadi na Ŋun lukata; a nye sösöpuŋge misajin ti ŋutu lo löpuggö gurut se ko si ’daesi ti katugwörök ti gureki. ¹³ a nye kulyani ko se adi, A wurö adi, Kadi nio mo luŋu a kadi kwakwaset; ama ta aje kon nye a pirit ’danaet na karyakak. ¹⁴ A ŋutu mo ’dokeno se ko ŋodeki poŋdi ko lepeŋ ni i Kadi na Ŋun, a nye toke ’yi se. ¹⁵ A kiŋanejin temejik se ko katodinök ti Saresi ti Mose iŋge woran na meddi se lepeŋ i koŋdya na ŋo sörösi, ko na meddi se ŋwajik i woŋoro ki i Kadi na ŋun adi, ösana i ŋuro lo Dawidi! ¹⁶ A se pije lepeŋ adi, Do a yiŋ ko kilo ŋwajik kulya adi nyo? A Yesu waddi se adi, lye, nan a yiŋ; ta kwöŋ a ko keŋdya le adi, ŋun a tiŋdu pupuresi na ’but bia parik i kutusen ti ŋwajik lo ’di ’dik ko i kutusen ti lupudiet lo nönöggu? ¹⁷ A nye kö ’yi se, a iti kaŋo köji kata a iti Betania, a dotoni nyu. ¹⁸ A i ko ’bure, na yitwene Yesu bot i köji nu, a nye gwe ko magor. ¹⁹ A nye meddi ki ’bi i merete lo kiko, a iti nyin, a nye gwe a ko ryö nene ŋo kata ama ka ’de koropo. A nye kulyani ko ŋilu ki ’bi adi, Ti do gwe ti radan ludweki köti kwöŋ! A ’de ’de ki ’bi lo teteyone teteyon. ²⁰ a na meddi ŋutu kajujumuk nu, a se söŋi söŋu, a totopine ko ’börik adi, Lo ki ’bi teteyon ’de ’de sona ada? ²¹ A Yesu waddi lepeŋat adi, ’Diri nan takiŋdya ta adi ko ta gwon ko yupet a tine dyadya ’yu, a ta mo bulöni bulö koŋdya ŋo nagon aje konaki ŋilu ki ’bi na, ama bia parik ko ta kulya ko lo mere adi, Gwunyu mugun kaŋo ko gubara mugun i tör, a kine ŋo mo konani kona. ²² Ko ta gwon ko yupet ta mo wuwu ŋo liŋ nagon ta a piyun i kwakwaddu nasu kine.'' ²³ A Yesu lupöni i Kadi na Ŋun, a na todiŋdye nye nu, a koanejin temejik se ko ŋutu temejik ti jur poŋdi ko lepeŋ ni, a se pije lepeŋ adi, Do ryö kido ya nagon do koŋdi kine ŋo? Ŋa lo tiŋdu do kido anyen koŋdi se? ²⁴ a Yesu waddi lepeŋat adi, Nan köti gwon ko piyet nagon nan pije ta; ko ta a nyoŋ nan, a nan de takiŋdye ta ko nan koŋdya kine ŋo ko nan riŋit. ²⁵ ŋiŋa batisimo nagon Yoane babatiddye na po ya? Po ki kode po ko ŋutu? Ama a lepeŋat rerenyani ko ’börik adi, Koyi de ruggö adi, ŋina batisimo po ki, a nye de pije yi adi, Ko sona, nyo ta ti yuŋ Yoane? ²⁶ Ama koyi de ruggö adi, ŋina batisimö po ko ŋutu, yi kukujönö ŋutu, kogwon ŋutu liŋ a yuŋ adi Yoane a nebi. ²⁷ A kirut a lepeŋat renyakiŋdye Yesu adi, Yi ti den. A nye kulyani ko se adi, A ma ’di nan lo köti tine tukökin ta kö nan köŋdya kine ŋö ko kido niŋa. ²⁸ Nyena ta yeyeju nyo? Lele ŋuto gwon ko ŋwajik lyan murek. A nye iti ko ŋuro kayu yu, a kulyani adi, ŋuro liŋ, iti i kita i lo lor i luköbi na kaden ti binyo. ²⁹ a ŋuro lo renyani adi, Nan ti ’bön. Ama i mukök a nye löpuŋge yeyeesi kanyit, a iti tu. ³⁰ a ŋuto lo iti ko loponi lo yu, a kulyani gwoso na dika na. A loponi lo ruŋge adi, Nan tutu pon baba. Ama a tine ko tu. ³¹ Kilo ŋwajik murek lon logon aje koŋdya ŋo nagon monye ’de ’dekan? A se waddi adi, ŋuro kayu lo logon aje koŋdya. A Yesu kulyani ko se adi, ’Diri nan takiŋdya ta adi, Kapepenak ti usur se ko kalupejin lupö i Tumatyan na ŋun kasu ŋerot. ³² Kogwon Yoane aje po i kwekiŋdya na ta na gwiliŋit lo rigwo ko ta ködyö gwolor ada, a ta tine ’bön yubbö lepeŋ; ama a kölumbö kapepenak ti usur se ko kalupejin iŋge yuŋ lepeŋ. Ma ’di ködyö ta aje met kine kulya, a i mukök a ta tine löpuggö töilyet anyen yuyuŋ lepeŋ. ³³ Yidge ta lele lilim malo manye kak kata logon a yuddu kaden ti binyo I lukoti, a rikiji rikija ko marin a boggi dili ryoket na ludweki ti binyo I lukata nayit, a tete nakindi takaka a nye sarakindi ko kule kakuruki konisi a nye iti I lele jur. ³⁴ A didit na butun ko gwe nyona a nye sondi kaluponik kayit ko kakuruk yu anyen jakinda nye luweki. ³⁵ A kakuruk kulo moggi kalipunok kayit a bidda lele a tatuji lele a gugubuji lele ko durupo. ³⁶ Koti a nye sondi kule kalipunok lwolwon ti ko kuwe kilu a se koti konakindi se jojo. ³⁷ A I mukok a nye sondi diro loyit kase koko yu, yeyeju adi se dona de twotwo dir olio. ³⁸ Ama a kakuruk kulo ko meddi ŋuro, a se tokulyaki ko ’börik adi, Malo ŋuto logon mo ruddya luköbi na monye lo. Po ta, ti yi tatune ta tatu lepeŋ, anyen joŋga na luköbi a nikaŋ. ³⁹ A se morgi lepeŋ, a gubaddi lepeŋ kaŋo i luköbi na kaden ti binyo, a tatuje lepeŋ. ⁴⁰ Nyena ko monye lukobi na kaden ti binyo lo po leped molu konakin kilo kakuruk nyo. ⁴¹ A se ruggi adi leped molu tatatu kilo dutu ko twan naron a molu sarakindi nu lukobi ko kule kakuruk logon molu tindu nye ludweki I diditan kase ⁴² A Yesu pije lepeŋat adi, Ta ŋona a ko ken kulya ti ŋun na wurö kune le? Adi: ŋurupit logon ka ’dukök a renya lo aje wora a ŋurupit tutuŋet lo goŋet lo kadi. ŋina ŋo matat lo kita a yi mete a ŋo sörit'? ⁴³ Nyenagon nan takiŋdya ta adi, Tumatyan na ŋun mo ’du ’dumaji kaŋo kasu, a mo tikine i jur logon ŋutu kanyit raradan ludweki kanyit. ⁴⁴ ŋutu liŋ logon a ’doro i ŋilo ŋurupit kulo mo giginya ka ’de ka ’de, ama ŋuto logon ŋilo ŋurupit a muju lepeŋ lo mo pasakani pasaka. A kiŋanejin temejik se ko Parusijin ko yiŋge lilimön kanyit, a se iŋge kurun adi nye jambu kilo lilimön i kulya kase. ⁴⁵ A koanijin temejik se ko parusijin ko yidgi lilimon kayit, a se ke kurun adi nye jambu kilo lilimon ko kulya kase. ⁴⁶ Nyena a se gayi kiko logon se moggi Yesu, ama a se kujononi lodit lo dutu kogwon dutu kulo a yup adi leped logon a nebi.