¹ A Yesu köti jambi ko lepeŋat i lilimön adi, ² Tumatyan na Ki gwon gwoso mor logon konakiŋdya ŋuro lonyit budu yemet. ³ A nye soŋdi kölipönök kanyit i luŋgu na ŋutu logon a luŋu kulo, ama a se tine ’bön po. ⁴ Köti a nye soŋdi kulye kölipönök, a kulyani adi, Taki ta ŋutu lo luŋwe kulu adi, Mete ta, nan aje teteŋdya kinyo liŋ ajo, dwönin kwe se ko kaja kwe lopir aje ’duŋö, ŋo liŋ gwe ajo. Po ta i budu yemet. ⁵ Ama a lepeŋat yiŋe kine kulya a ŋo kana, a iti tu, lele tu kanyit i melesen, a lele iti kanyit i kita. ⁶ A kulye momorgi kölipönök kanyit kulo, a konakiŋdye se arabat, a tatuje se. ⁷ A mowore woran parik; a nye soŋdi kamörök kanyit jore, a tatuje kilu katatuak, a ’yuŋe köji nase. ⁸ A kirut lepeŋ kulyani ko kölipönök kanyit adi, Budu yemet aje tetena, ama ŋutu lo luŋwe kulo ti jukin kogwon se a lorok. ⁹ Nyenagon iti ta i keresi ti kikolin ko luŋu ta ŋutu liŋ logon ta a ryö anyen po i budu. ¹⁰ A kirut kulu kölipönök iti i kikolin a momori ŋutu liŋ logon se a ryö kulu, lo ’but ko lorok; a kadi na budu iŋge jore ko kömu. ¹¹ Ama a mor ko lupöni kadi i meddya na kömu, a nye meddi lele ŋuto logon a ko jupukiŋdya boŋgo na budu yemet. ¹² A nye pije lepeŋ. adi, Ju liŋ, do lupe ni ada ’bak boŋgo na budu yemet? A nye yiŋani talip. ¹³ Nyena a mor kulyani ko kölipönök adi, Toŋi ta lepeŋ. i könisi ko i mokosi, gubara ta lepeŋ. kapo i mudwe. A ŋutu mo gwine gwien a mo pije kala nyu. ¹⁴ Kogwon ŋutu jore a luŋwe, ama ku ’dik lo wulwe. ¹⁵ A Parusijin iti tu, a galuŋdye kapo kiko logon se lorgi Yesu i jamesi kanyit. ¹⁶ A se soŋdi ŋutu kase kajujumuk ko lepeŋ. yu i pirit na geleŋ ko ŋutu lo juŋdyö Erode kulo, a kulyani adi, Katodinönit, yi a den adi do a ŋuto lo to ’diri, a todiŋdye kiko lo ŋun ko to ’diri, a tine kujönö lele ŋuto, kogwon do ti yeyeju todumalan na ŋutu. ¹⁷ Nyena do yeyeju ada? Taki yi. Saret ŋona a ruk adi Kaisar bubulö ropaki usur, kode ti bulö ropaki? ¹⁸ Ama Yesu a den dumba nase, a nye pije adi, Ta kamumulukak, nyo ta möŋu nan? ¹⁹ Kweki ta nan gurusutöt n ’a usur. A se jakiŋdye lepeŋ gurusutöt ²⁰ a Yesu pije se adi, pöjinöti se ko kilo wuresi a ti pa? ²¹ A se waddi adi, A ti Kaisar. A nye kulyani ko se adi, Nyena ropaki ta Kaisar po nagon a ti Kaisar, köti ropaki ta ŋun po nagon a ti ŋun. ²² a na yiŋge se kine kulya nu, a se söŋi söŋu, a se kö ’yi lepeŋ a iti tu. ²³ A i pilu lor lo geleŋ lu, a kulye Sadokejin poŋdi ko Yesu ni. Kilo ŋutu jambu adi ŋutu ti bulö pien i twan. A se pije lepeŋ adi, ²⁴ Katodinönit, Mose a kulya adi, ko ŋuto logon ’bak ŋwajik a twan, a luŋaser lonyit ködyö ruddye karu ’be na anyen yuŋwekiŋdyö luŋaser lonyit ŋwajik. ²⁵ Nyenagon luŋasirik buryo köju kata kayaŋ kiden. A kayu lo iŋge yemba nakwan, a ŋilo ŋuto twane twan ’bak ŋwajik, a kölökiŋdye nakwan nanyit ko luŋaser i könin. ²⁶ Nyena a loponi gwe sona, a tomusala köti gwe sona tojo ko toburyo lo. ²⁷ A i ’dutet na se liŋ a ŋina ŋuto köti iŋge twan. ²⁸ Nyena i topiyu na ŋutu lo twatwa a ŋina ŋuto mo gwe a nakwan na lon lo kilo ŋutu liŋ buryo? Kogwon se liŋ aje ’debba lepeŋ''. ²⁹ A Yesu waddi lepeŋat adi, Ta a lyaŋan kogwon ta a ko den kulya ti Ŋun na wurö kune ma ’di riŋit nanyit. ³⁰ Kogwon i topiyu na ŋutu lo twatwa, a se tine yemba, kode yema, ama a se gwe gwoso malaikajin ki yu. ³¹ Nyena i kulya ti topiyu na ŋutu lo twatwa, ta kwöŋ a ko keŋdya po nagon ŋun a takin ta kune le? Adi, ³² Nan a ŋun lo Abarayama, ko a ŋun lo Yisaka, ko a ŋun lo Yakobo. Lepeŋ ti gwon a ŋun lo ŋutu lo twatwa, ama a ŋun lo ŋutu lo gwon jörun. ³³ a na yiŋge lodir lo ŋutu kine kulya nu, a se söŋi söŋu ko todiŋdyö nanyit. ³⁴ A Parusijin ko yiŋge adi Yesu aje te Sadokejin a gwe taliŋ nu, a se momor ji i pirit na geleŋ. ³⁵ A lele lose logon a bodo lo Saresi ti Mose pije lepeŋ ko piyet, möŋu lepeŋ adi, ³⁶ Katodinönit, lon saret logon a duma i saresi? ³⁷ A nye waddi lepeŋ. adi, Do ködyö nyanyar matat ŋun ilot ko töili ilot liŋ, ko ködudwö inot liŋ, ko yeyeesi kunök liŋ. ³⁸ ŋilo a saret duma ko a togeleŋ. ³⁹ Tomurek malo gwoso lepeŋ., adi, Do ködyö nyanyar marate ilot gwoso mugun inot. ⁴⁰ Saresi liŋ ti Mose se ko po na wur nebijin kune gwi ’dikin i kulo saresi murek. ⁴¹ A na momoruŋdye Parusijin i pirit na geleŋ nu, a Yesu pije se adi, ⁴² Ta yeyeju nyo i kulya ti Masia, lepeŋ a ŋuro liŋ a? A se waddi adi, Lepeŋ a ŋuro lo Dawidi. ⁴³ a nye pije se adi, Nyo nagon Dawidi a kulya ko riŋit na Mulökötyo Loke a luŋgi lepeŋ a matat? Adi, ⁴⁴ MatatŊun a kulya ko matat liŋ adi, Si ’dakine köyö i könin lutaten, tojö ko nan a tin do i ryokakiŋdya na merok kulök kak. ⁴⁵ A ko Dawidi luŋgu Masia a matat lonyit, a Masia gwe a ŋuro lonyit ada? ⁴⁶ A ŋuto gwe ’bayin logon bubulö waddu lepeŋ ko lele kulyaet; suluja i ŋilu lor tojo ko ŋerot a lele ŋuto gwe ’bayin logon pija lepeŋ ko nene piyet kogwon se kukujönö.