¹ A i ŋinu diŋit a ŋutu kajujumuk poŋdi ko Yesu ni, a pije adi, ŋa logon a duma i Tumatyan na Ki? ² A nye lupundye ŋuro lo ’dit kanyit ni, a togwi ’dikiŋdye lepeŋ kase i komor, ³ a kulyani adi, ’Diri nan takiŋdya ta adi, ko ta a ko löpuggö a worani gwoso lupudiet, a ta kwöŋ mo tine lupö i Tumatyan na Ki. ⁴ Nyena dutu logon tokoyogga mugun gwoso lo diro lepeŋ a duma I Tumatyan na ki. ⁵ Ko da lowuju lele ŋiro gwoso lo I Karin kuwe wuju nan. ⁶ A ko ŋutu logon a lokunda lele lo kulo dwajik lodidik logon a yubbo nan kulo roronda kodo a nabut ko lepeŋ a toraki kijo duma kayit murut anyen todirodu lepeŋ I tor nagulu. ⁷ Wöidiö na kak, i kulya ti ŋo nagon lokuŋdya ŋutu i toroŋdya! ’Diri ŋo nagon lokuŋdya ŋutu i toroŋdya agu ködyö popo, ama wöidiö i ŋuto logon kine ŋo po ko lepeŋ! ⁸ A ko könin ilot kode moköt ilot lo lokuŋdya do i toroŋdya, ’duŋu lepeŋ kaŋo ko gubara nye pajo; bia a na ’but ko do lupö ko ŋun yu i ru ko mugun inot a köŋu, kode a ŋöde, lwölwöŋ do gubaji ko könisi murek kode mokosi murek i kimaŋ nagon ti peŋa. ⁹ A ko kode lelut lo lokunda doi toronda wonyoro nye kado ko gubara nye pajo bia a nabut ko do lubbo I ru ko kado geled lwolwod do gubaji ko kuwen merek I Geena nagon a kimad. ¹⁰ Meddi ta ’bura an ta lauŋdya lele lo kilo ŋwajik lo ’di ’dik; kogwon nan takiŋdya ta adi malaikajin kase ki yu ŋupi memeddya komor na Baba lo gwon ki lu. ¹¹ Kogwon nan ŋuro lo ŋuto aje po i lwöggu na ŋutu logon aje likin kulo. ¹² Ta yeyeju ada? Ko lele ŋuto gwon ko köbilu mia geleŋ, a nene nase geleŋ iŋge lyaŋan, nye ŋona ti kölökin merya buŋwan wot buŋwan kune i merya a galaddi na nagon aje lyaŋan na? ¹³ Ko lepeŋ ködyö a ryö, ’diri nan takiŋdya ta adi, lepeŋ lyölyöŋön parik ko ŋina kobilityo lwölwöŋ kunie merya buŋwan wot buŋwan nagon kwöŋ a ko lyaŋan kune. ¹⁴ Köti gwon sona adi Monye losu lo gwon ki lu ködyö ti ’dekan lele lo kilo ŋwajik lo ’di ’dik lilikin. ¹⁵ A ko luŋösur a konakiŋdya do arabat, iti ko lepeŋ yu ko kweki lepeŋ toron nanyit, ta ko lepeŋ murek. A ko lepeŋ a yiŋ do kweja adi do aje ’bolun luŋösur. ¹⁶ Ama ko nye ti yiŋ do, joŋgi ŋuto geleŋ kode murek i pirit na geleŋ ko do, a kulya liŋ mo ririkine gwogwo i tökoresi ti katökorok murek kode musala. ¹⁷ A ko nye a renya yiŋga lepeŋat, tuköki kine kulya i kanisa; ko nye a renya ma ’di kanisa koti, konaki lepeŋ gwoso lepetyo kode kapepenanit lo usur. ¹⁸ Diri na takiŋdya ta adi, ko ta mo toŋa nyo i kak ni, ki yu a mo torani tora, ko ta laggu nyo i kak ni, ki yu a mo lakani laka. ¹⁹ Koti nan takiŋdya ta adi, ko kulye kasu murek i kak ni a ruggö piyuŋdya nene ŋo, a Baba lo gwon ki lu mo rukökiŋdye se. ²⁰ Kogwon ko ŋutu murek kode musala a momora i karin kwe a nan gwe kata kase kiden.'' ²¹ A kirut a Petero poŋdi po a pije Yesu adi, matat, nan ködyö pitökiŋdyo luŋaser liŋ daŋin muda ko nye a konakiŋdya nan arabat? ŋona tojo ko daŋin buryo? ²² a Yesu waddi adi, Nan a ko rukökin do adi do ködyö pitökiŋdyö tojo ko daŋin buryo, ama adi do ködyö pitökiŋdyö tojo ko daŋin merya buryo daŋin buryo. ²³ Nyenagon Tumatyan na Ki tojuki i lele mor logon ’de ’dekan deŋdya möriöt ti kölipönök kanyit. ²⁴ a na suluje nye denuŋdya kaŋo nu, a lele ŋuto jweni kanyit ni logon a kuŋö ginejin alipan jore parik. ²⁵ a nye gwe ’bak ŋo nagon nye robbi möri na ŋilo duma, nyena a duma lonyit sarakiŋdye adi ti lepeŋ gwöröjine gwöröji i pirit na geleŋ ko nakwan nanyit, ko ŋwajik kanyit, se ko ŋo kanyit liŋ, anyen ropari möri. ²⁶ Nyena a kölipönit lo ’dojone rupu ko duma lonyit i mokosi, a mamaŋdi lepeŋ adi, Böŋö pon matat, kölöki nan ko diŋit a na ’dit, nan mo roröŋ ŋo kunök liŋ. ²⁷ a duma lo ŋilu kölipönit wone konyen ko lepeŋ, nyena a nye pitökiŋdye möri na, a kölöddi lepeŋ. ²⁸ Ama a na tiri ŋilo kölipönit nu, a nye rume ko lele lo köliponok logon se kita i pirit na geleŋ lo, logon a kuŋö ginejin kanyit ku ’dik. A nye to ’yi lepeŋ i murut kulya adi, Rope ŋo nagon do a kurörö köyö kune. ²⁹ Nyena a kölipönit logon se kita i pirit na geleŋ lo, ’dorone kak ko lepeŋ i mokosi, a mamaŋdi lepeŋ adi, Böŋö kölöki nan ko diŋit a na ’dit, nan mo roröŋ do. ³⁰ Ama a nye tine ’bön, a kölumbö tiŋdi lepeŋ i kadi rereket tojo lepeŋ ködyö a robba möri na. ³¹ A na meddi kulye kölipönök logon se kita i pirit na geleŋ kulo ŋo na kona kunu nu, a se delyani delya parik, a iti ko duma lose yu, a nyönyökökiŋdye lepeŋ ŋo liŋ nagon aje kona kunu. ³² Nyena a duma loyit ludundi leped kayit ni a kulyani adi do kalipuonit loron I nana je pitokin mori nenut liŋ na mamandi do nan nu. ³³ do koti kodo a won kuwen ko kalipuont logon ta kita I pirit na geleŋ lo gwoso nagon nana je won kuwen kodo na re? ³⁴ Aduma lo wore worad parik a pakindi lepeŋ ko kasaanyak I konisi tojo ko lepeŋ kodo a robba mori na lid nena. ³⁵ koti a Baba lo gwon ki lu molu konakindi ta lid geleŋ tina ko ta bak ko pitokinda ludasirik ko loiliyot kasu liŋ.