¹ A i mukök na perok buker a Yesu joŋgi Petero, ko Yakobo, ko Yoane luŋaser Yakobo, a nyömöddi lepeŋat ki i mere lojo anyen se gwon ka ’de kulye ŋutu ’bayin. ² a Yesu worani ka ’de kase i komor, a komor nanyit kobbi kobbu gwoso kolor, a boŋgwat kanyit kune kwekweji kwekweja, a gwe a nake gwoso parara. ³ Mete, a Mose se ko Eliya puköki ko lepeŋat; a se gwe i Tambu ko Yesu. ⁴ A Petero kulyani ko Yesu adi, matat, a na ’but i gwon nikao ni; ko do ’de ’dekan, nan de teteŋdya murugujin musala ni, nene a inot, nene a na Mose, ko nenea na Eliya.'' ⁵ A nagon nye nyuŋ jajambu nu, a ’diko na kokobbu muŋge lepeŋat, a gworo lo kuuiŋina ’dikijadi, Ŋilo apilili liŋ loruro lo nyanyara, logon nan a lyöŋgi parik lo; yiŋge ta kulya kanyit. ⁶ A na yiŋge ŋutu kanyit kajujumuk kine kulya nu, a se iŋge kujöno parik, a ’dorone kak rupu. ⁷ A Yesu poŋdi ko lepepat ni, a taŋdi lepeŋat, a kulyani adi, ŋine ta ki, ko kujonö ta. ⁸ A se ko ’biluŋdye kusik kase ki a tine met lele ŋuto kwöŋ ama tuŋ a Yesu. ⁹ A na luluruŋdye se kak i mere nu, a Yesu saŋi lepeŋat adi, An ta ko tukökin ta lele ŋuto kine kulya na met ta kine tojo nan Ŋuro lo ŋuto a toŋiyu i twan. ¹⁰ A ŋutu kajujumuk pije lepeŋ adi, Ko nyo katodinok ti Saresi ti Mose kulya adi Eliya ködyö lo po a kokwe?'' ¹¹ A nye waddi adi, Eliya ’diri popo, a nye mo teteŋdi go liŋ. ¹² Ama nan takiŋdya ta adi, Eliya aje ’beron po a ŋutu tine den lepeŋ, ama kölumbö a se iŋge konakin lepeŋ arabat gwoso na ’deggi se na. Nyena köti nan ŋuro lo ŋuto mo ŋoŋoŋga kase i könisi. ¹³ a kirut ŋutu kajujumuk iŋge kurun adi nye jambu ko se i kulya ti Yoane Kabatisanit. ¹⁴ A nagon se aje yitwe ko ŋutu kulo ni nu, a lele ŋuto poŋdi ko Yesu ni, a rugwuŋökine ko lepeŋ i komor, ¹⁵ kulya adi, Pon duma, wone konyen ko ŋuro liŋ, kogwon lepeŋ a moka ko lomerya, lepeŋ ŋoŋoga parik; i kunie diŋitan nye ’do ’dorotu i kimaŋ ko i pioŋ. ¹⁶ A nan iŋge jakin ŋutu kulök kajujumuk, ama a se tine bulö toke ’ya lepeŋ. ¹⁷ A Yesu waddi adi, Ta ŋutu ti na toberon logon ’bak yupet ko a karenyak, diŋit ŋornan nagon nan si ’da ko ta? Diŋit ŋornan nagon nan dara ko kulya kasu? Jo ta ŋilo ŋuro köyö ni. ¹⁸ A Yesu riŋge lepeŋ, a mulökötyo loron poŋdi kaŋo ko lepeŋ i mugun, a ŋuro lo iŋge tokela i ŋinu diŋit gwak. ¹⁹ A ŋutu kajujumuk poŋdi ko Yesu ni a lwön, a pije lepeŋ adi, Ko nyo yi ti bulö riköddu ŋilo mulökötyo kaŋo? ²⁰ A nye waddi lepeŋat adi, Ta ti bulö riköddu kogwon ta gwon ko yupet a na ’dit. Kogwon ’diri nan takiŋdya ta adi ko ta gwon ko yupet nagon a duma gwoso nyomotti lo kiteta, ta bubulö kulya ko lo mere adi, Mijörö kaŋo ni tojo ko yu, a nye ködyö mijörö mijörö. Nene ŋo ’bayin nagon ta mo ti bulö koŋdya. ²¹ Ama mulökötyo gwoso ŋilo ti po kaŋo, ama tuŋ ko ŋutu a kwakwaddu ko a miŋdya. ²² na wöröri se i pirit na geleŋ Galilaya nu, a Yesu kulyani ko se adi, Nan ŋuro lo ŋuto mo papaki ko ŋutu i könisi, ²³ a se mo tatuje nan, a nan mo toŋiyuni toŋiyu i lor tomusala lonyit. A se delyani delya parik. ²⁴ A se ko dure kaparanauma, a kapepe nak ti gurut nagon a saraki ropaki kadi na dun kulo iti ko Petero yu, a piji adi katodinonit losu a ropakinda gurut I kadi na dun re ²⁵ A Petero ruggi adi ee leped roropakinda. A nye ko lupoddi kadi a kokuwe nagon nye ‘bak ko nyu jambu nu, a Yesu piji leped adi gimona yeyeet nenut a nyo? Moran ti kak pependa gunit ti usw kode dakesi kak koko a kuda? Se pependa I dutu kase kode I lwoka? ²⁶ A Petero ruggi adi se pependa I lwaka. A Yesu kulyani ko adi nyenagon dutu kase a robba. ²⁷ Ama ti yi gwe a kopuggo kulo ŋutu nyena iti gubaddi jabado I tok a kirud dumundi sumuti togeled logon do a’bitun kodo lo ko dane kutuk nayit a do de ryeji gurusutot. duma nye kotiki se a ropet nagon nan se ko do lo ropakinda.