¹ Nyena kogwon kristo a ŋoŋga i mugun na, jumukindi ta toili lo geleŋ anyen ta gali ‘borik, kogwon ko ŋuto kere ŋoŋga i mugun kere ko’yu torojin. ² Nyena ta kodo joŋga pitono na diŋit nasu i na kak anyen sara ko mindi na ŋun koye gwon ko ‘dekesi ti mugun. ³ Diŋit na lwoŋgu kere temakinda ta i konda na ŋo nagon paganojin mimindi. Ta kere gwon i konda na ŋo ti yu na kuwe, ko i ‘dekesi ti mugun, ko i memeri, ko i to’betan ka gawa ko i momojuto na gawa roriot, ko yi konda na ŋo na mamana nagon a twoju na nyomuejin logon a ŋunyen. ⁴ Paganojin sosoriju kogwon ta a ko morakinda ko se i gwiliŋet lose abur logon se konda abur kana, a se liŋikindi ta. ⁵ Se molu wawasakin kulya na kon se kine i nye logon gwe ajo i duŋokindo na kulya ti ŋutu lo gwon jorun se ko kilo twatwa lo. ⁶ Kogwon yina kuwe, loŋe lo’but a tokukin i ŋutu lo twatwa. Ŋutu lo twatwa a ‘duŋoki putet na gwondi se i na kak gwoso na ‘duŋoki’e ŋutu liŋ na. loŋe lo’but a tokuki se anyen kodudwolon kase boŋo ruru gwoso na gwondi ŋun na. ⁷ ‘Dutet na ŋo liŋ gwe nyona, nyena gwe ta ajo kasu i yeyeesi. Tiji ta ‘borik anyen ta kwakwaddu. ⁸ Lwolwoŋ ŋo liŋ ta kodo tutunyar ko ‘borik ko toilyet liŋ, kogwon nyarju muggo torojin jore. ⁹ Wuji ta ‘borik a komu kasu i midijik ‘bak wiwinya. ¹⁰ Ŋun a ‘dogga yi liŋ ko ‘dokesi ka’de ka’de, nyena ti yi gwe a kametak lo’but ti kine ‘dokesi, anyen tutuŋarakin ko ‘borik ko kine ‘dokesi. ¹¹ Ko lele ŋuto totokujo tin ye tokujo kulyaesi gwoso lo lupe ko ŋun i kutuk; ko lele ŋuto kikitakinda, ti nye kitani i riŋit nagon po ko ŋun, anyen ŋun pupura i ŋo liŋ kogwon yesu kristo. Ti bullet ko riŋit gwe ko lepeŋ ŋupi ŋupi. Amin. ¹² Julin kuwe lo nyanyara, ko soriju ta i ŋo pokin i temba na ta gwoso na tembi kimaŋ na, adi yina ŋo a ŋo sorit nagon a pokin kasu ki. ¹³ Nyena gwoso na narundi ta ŋoŋesi ti kristo na lyoŋi ta lyoŋon anyen molu na kwiyani lepeŋ ko minyo loyit nu a ta molu nyolani nyola ko lyoŋon a duma. ¹⁴ Ta a kalyoŋok ko ŋutu a momoraju ta kogwon Karen ti kristo, kogwon mulokotyo lo bubula logon a mulokotyo lo ŋun lo gwon ko ta. ¹⁵ Ko ta ŋoŋoŋga, ko ‘ben gwon kogwon ta a tajuja ŋutu, kode ta a koko’ya, kode ta a konda arabat, kode ta a ŋutu logon pokin i kulya nagon ‘bayin a kasu; ¹⁶ Ama ko lele ŋuto a ŋoŋga kogwon nye a kristianityo ti kuwe nayit ko nye yu, ama tin ye bu’yi ŋun kogwon kine Karen. ¹⁷ Kogwon diŋit kere po nagon ‘duŋoki putet; a ŋutu ti mede na ŋun ‘duŋokini putet a kokwe. Nyena ko yi lo ‘duŋoki putet a kokwe, a ‘dutet nase molu gwe adiŋyo se logon rerenya loŋe lo’but lo ŋun kilo? ¹⁸ A wuro adi, ko ŋutu lo rigwo a lwoko go, a nyo molu na paki i ŋutu logon a twoju ŋun ko i katoronyak kilo? ¹⁹ Nyenagon ti se logon a ŋoŋga gwoso na mindi ŋun na, ti se yeŋe konda ‘bura ko ti se yinikindi ‘borik i kagwiyanit lose logon bubulo yiniki ti tilopuggo lo.