¹ Nan gwon ko kulya na jamaki ŋutu kasu logon a temejik kilo. Nan jambu ko ta kogwon nan ‘dok a lele temejiktyo. Nan a ŋuto logon ‘diri a met kristo i ŋoŋga, a nan yendi ŋarundo na bullet nagon molu kwikwiya nu. ² Yugge ta yidin ti ŋun nag won kasu kiden kine. Tiji ta se, a gwon ko riŋaki, ama kogwon ta a wokun gwoso nagon ŋun mimindi na. tiji ta se ko pusok ko’ben gwon kogwon gurut. ³ Ko tutumatyan ta ko ŋutu logon a wuloki ta anyen ta titi kilo, ama gwe ta a miresi ti teŋ na yidin. ⁴ A na pukindi kagukunit duma nu, a ta molu wuji loguya telet logon a bullet lo a riŋon. ⁵ ‘Dok ta teton kodo twotwo temejik kasu. Ta liŋ kodo jumukinda tokoyok gwoso boŋgo anyen tokitakin ko ‘borik kogwon a wuro adi, ŋun rerenya ŋutu kabulak ti kusik, ama kwekinda ‘busan i ŋutu lokoyokak. ⁶ Tokoyoke ta ‘borik i mukok na konin lo ŋun lo riŋit anyen nye boŋo ‘biyu ta ki i diŋit nayit. ⁷ Gubara ta wiwinyesi kasu liŋ ko lepeŋ loki kogwon lepeŋ lo medda ta. ⁸ Tiji ta tiju, ti kuwen kasu gwe ŋa, kogwon miriku losu kaŋoonit gwon gwoso komeru lo wuwuŋi gaga’yu ko nye koja ŋa. ⁹ Gwe ta a logo i yupet i renye na lepeŋ, kogwon ta a den adi luŋasirik kasu lo yubbo i kak ‘bukuluŋ kilo ŋoŋoŋga kine ŋoŋesi na geleŋ kine. ¹⁰ A i mukok nagon ta kere ŋoŋga ko diŋit a na’dit nu, a togo’yi ta, a togwi’dikindi ta go. Lepeŋ a ŋun logon ‘busan na nyarju liŋ gwon ko lepeŋ, logon a luŋunda ta i ŋarunda na bullet na yeŋ nyin ko kristo i mugun lo. ¹¹ Ti tumatyan gwe ko lepeŋ ŋupi ŋupi, Amin. ¹² Nan a wurokin na yina leta na’dit ko ŋaret na siliwano logon a luŋaser lo yubbo logon nan yiyinkin i kita lo. Nan wurokindo ta anyen togo’yu ta ‘dok ma tukurukindo adi kine ŋo liŋ ‘diri a’busan na nyarju gwak na ŋun. Gwe’de ta ŋo i na ‘busan. ¹³ Teŋ na kayupok lo gwon Babela yu logon ŋun a wulun gwoso ta kulu a roman ko ta. ‘Dok marako ŋiro lio roman ko ta. ¹⁴ Rome ta ko ‘borik ko ‘bi’biyet na nyarju. Ta liŋ logon gwon ko kristo i mugun kilo, nan roman ko ta adi, ti taliŋ gwe ko ta.