¹ Nyena ‘dok, taw ate rugge ta sura ko lalian kasu, anyen ko kodo kulye kase kata logon a ruk kulyaet lo ŋun, a ta wate kase kodo jikundi koko ko gwiliŋesi kasu lo’but, ‘bak jambu nene ŋo. ² Kogwon lalian kasu molu memet adi ta teŋgu ‘borik i woro abur I kulye kuwen, a tag we a kakukak. ³ Ti kwelen nasu koŋe gwon a na kaŋo kana gwoso taka na kupir, kode jumu na minyojin logon a dakap, kode jumu na boŋgwot; ⁴ Ama ti kwelen nasu gwe i lukata na toilyet, anyen ta jumbo minyojin logon a toilyet lo lilik ko tokoyok kilo minyojin gwon ko ‘bulit a duma ko ŋun i komoŋ. ⁵ Nyena gwon tina koju ‘beron, adi wate nagon a katwoyok ti ŋun nagon a yendu lepeŋ kine, totokwelen ‘borik kogwon se ruruk sara ko laian kase. ⁶ Nyena gwoso nagon sara a two Abarayama nu a luŋgi lepeŋ a matat loyit, ta tianana gwe a ŋwajik ti sara ko ta konda ‘bura a keŋge kujen nene ŋo. ⁷ ‘Dok ta lalian, si’dani ta ko wate kasu i pirit na geleŋ ‘bak ridiet. Bu’ye taw ate nagon a mamunyak ko ta kine, kogwon ta ŋarju ‘busan na ŋun nagon tindu tar u na, an kwakwasesi kasu koŋe teŋo. ⁸ Kune gwe a kulya ti ‘dutet adi, ta liŋ kodo gwon ko toili geleŋ, i ŋarju na delyaesi ko lyoŋesi i pirit na geleŋ ko kulye ŋutu, tunyare ta tunyar ko ‘borik gwoso luŋasirik, gwe ta ko won na kuwen se ko toilyet lokoyokak. ⁹ Ko ropakinda ta toron ko toron, ko ŋutu a morju ta ko ropakinda ta se ko morju, ama kolumbo luŋgi ta’boriet ko ŋun kogon. Kulya kase, kogwon ta kere luŋuki i kine kulya anyen ta boŋo wuju ‘boriet. ¹⁰ Kogwon a wuro adi, ŋuto logon nyanyar gwon jorun, logon mimindi si’da’bura lo, kodo teŋe teŋ ŋedep loyit i kulya narok, ‘dok teŋe teŋ kutuk i jambu i kulya narok, ‘dok teŋe ten kutuk nayit i jambu na momolukesi. ¹¹ Ko ‘ben kodo woriŋundi kaŋo i kulya narok anyen koda ŋo na’but, tin ye ga’yi gwon taliŋ a kebbi mukok nayit. ¹² Kogwon matat medda ŋutu lo rigwo, a lepeŋ gwe ajo i yiŋga na kwakwasesi kase; ama komoŋ na matat gwon a natun ko ŋuto lo konda arabat. ¹³ Nyena ŋa lo konda ta arabat ko ta tidda kulya na’but? ¹⁴ Ama ko ta kodo ŋoŋga kogwon ta konda kulya na’but, a ta kodo gwe a kalyoŋok ko kukugen ta se, an ta ko delya ta, ¹⁵ Ama twoji ta kristo a matat kasu i toilyet. Gwe ta ajo ŋupi i nyonyokindo na ŋutu liŋ logon pija ta i ŋo na yen ta kine ama tukuruki ta se ko tokoyokan se ko twoju. ¹⁶ Gwe ta ko toilyet lo rigwo, anyen ŋutu lo liŋinkindo gwon nasu na’but ko kristo i mugun kulo boŋo wuju yu na kusik i ŋo na ‘do’doji se ta kune. ¹⁷ Ama ko kodo gwon a mindi na ŋun adi ta kodo ŋoŋonga, bia ta ŋoŋga kogwon ta a konda ŋo na’but lwolwoŋ ŋoŋga kogwon ŋo naron. ¹⁸ Kogwon kristo ‘dok a twan daŋ geleŋ a’dutet kogwon torojin kaŋ; lepeŋ a ŋuto yu. Lepeŋ a totua i mugun ama a toruoni i kodudo. ¹⁹ A kodudo nayit iti i tokukindo na kodudolon nagon a rereka kunu, ²⁰ Kine kodudolon a ti ŋutu logon koju a renye twoju ŋun, na mondi nye madaŋ i kulya kase i perok ti Noa na tetenani ki’bo nu, ŋutu ku’dik, kweja adi bu’dok ka’de lo lwokwe i pioŋ i ki’bo lukata. ²¹ Kine pioŋ a kwiyet na Batisimu nagon lwoggu ta tianana. Batisimu ti gwon a lalayi na lut ti mugun, ama a milye logon milyeki ŋun ko toili lo’but. Batisimu lwoggu ta kogwon ŋien na yesu kristo i twan. ²² Yesu kere tu ki, a gwe ko ŋun i konin lutaten, a malaikajin, ko tokimakan se ko riŋiton a tiki kayit i mukok.