¹ Nyenagon paji ta manesi liŋ, ko momolukesi liŋ, ko ‘burono, ko yulon, se ko jamesi lorok liŋ. ² Gwe ta gwoso lupudiet lo pete ta’dure logon yoŋo noggu le. Nyena mindi ta kinyo logon mulokotyo loke lo tindu logon ‘bak momoluket, anyen ta boŋo durundo ki i lwoko kogwon nye. ³ Kogwon ta kere waŋ ‘busan na matat adi nye a lobut. ⁴ Lepeŋ a ŋurupit lo gwon jorun logon ŋutu a renye lepeŋ, ama ŋun a wulun lepeŋ a’bulit nayit duma. Po ta ko lepeŋ ni, ⁵ Anyen ta ‘duko gwoso ŋurupo lo gwon jorun a kadi na mulokotyo anyen tag won a koanejin loke, i wukinda na rubaŋgajin ti toilyet kasu logon ŋun a ruk kogwon yesu kristo. ⁶ Kogwon a wuro adi, meddi nan lo petakinda ŋurupit tina, ŋurupit lo goŋet logon a wulwe a gwe ko’bulit a duma. Ŋuto logon a yubbo lepeŋ lo molu a tyuo kuwe. ⁷ Nyenagon ta logon a yubbo lepeŋ kilo, yilo ŋurupit gwon kasu ni a’bulit duma, ama i ŋutu logon a ko yubbo kilo, ŋurupit logon ka’dukok a renya lo, kere wora a ŋurupit tutuŋut lo goŋet lo kadi; ⁸ ‘dok adi, nye a ŋurupit kopuket ko a luritot to’dorowet. Koko kopuko kogwon se a renya lo kulyaet. Koko a wuloki i konda tina. ⁹ Ama ta a kotumit na wulwe, a koanejin ti mor. A jur lo gelwe a loke, ko a ŋutu lomoriot ti ŋun, anyen ta boŋo tokuoddu konesi na’but parik nakwekwelen ti lepeŋ logon kere luŋunda ta kaŋo i mude anyen po i parara nayit sorit lo. ¹⁰ Ta koju ‘ban ŋutu, ama tianana tag we a ŋutu ti ŋun; ta koju a ko yataki, ama tianana ta kere yataki. ¹¹ Julin kuwe lo nyanyara, nan mamandu ta ko konesi murek adi, ta a lelelok ko a lo momonundo nyen paji ta ŋo ti mugun nagon momoro ko kodudo kine. ¹² Gwe ta ko gwiliŋet lo’but ko paganajin i komoŋ, anyen na ŋokindi se adi ta a katoronyak na, a se boŋo meddi konesi kasu na’but a pupurji ŋun i lor lo ppondi nye lu. ¹³ Nyena kogwon kulya ti matat likaŋ, kuŋgi ta saresi liŋ logon tetejik ti jur a teten kilo kuŋgi tam or logon a duma lo ŋutu liŋ lo, ¹⁴ ‘dok kuŋgi ta midiron logon lepeŋ a sunyun anyen riŋga katoronyak ko anyen pupurja ŋutu logon konda ‘bura kilo. ¹⁵ Kogwon ŋun mimindi adi tit a kondi ‘bura anyen ŋutu lo’boŋ logon a denda kulya kilo boŋo yiŋa taliŋ. ¹⁶ Gwe ta a luuji; ama ko kitani ta tolien nasu a moket na toron, ama gwe ta a’dupi ti ŋun. ¹⁷ Kuŋgi ta ŋutu liŋ. Nyare ta nyar luŋasirik lo yubbo kilo. Kugge ta ŋun kuŋgi ta mor. ¹⁸ Ta kaliponok, rugge ta sara komonye kita ko twoyit. Gwon adi ta kugga ŋutu logon a lo’but ko logon loilyet lilik tuŋ, ama dok kuŋgi ta ŋutu logon a kaŋajin kilo. ¹⁹ Kogwon kodo na a ŋo no’but ko ŋuto ŋoŋga taliŋ kogwon lepeŋ yeyeju ŋun, ma’di nagon nye a tomio bak kuwe na kulya. ²⁰ Kogwon built a nyo ko ta ŋoŋga taliŋ i diŋit nagon ta a konda arabat a ta ‘bitoni ‘bito? Ama ko ta ŋoŋga taliŋ i diŋit nagon ta a konda ‘bura a ta tomieni tomie, yina a ŋo na’but nagon tulyoŋgu ŋun. ²¹ Kogwon ta kere luŋuki i kine kulya, kogwon kristo ‘dok kere ŋoŋga kogwon kulya kasu, a kolokindi ta miret ta anyen ta kodo kepoddu mokosi kayit. ²² Lepeŋ a ko konda toron kwoŋ, a momolukesi gwe a ko rye kayit i kutuk. ²³ Ko ŋutu a morju lepeŋ a nye konye ropakinda morju; na ŋoŋgi nye nu, a nye gwe a ko tokujenda ŋutu, ama a nye yinikindi mugun ko lepeŋ logon lilija kulya rigwo lo. ²⁴ Nye lepeŋ lo ‘doggu torojin kaŋ kayit i mugun ikodini, anyen yi boŋo twatwa i kulya ti toron ko anyen ruru i kulya ti loti lo rigwo. Ta kere tobiala kogwon ‘dikasin kayit na ‘bitoki kune. ²⁵ Ta koju kere gigiri gwoso yidin, ama tianana ta kere yite ko kayukunit ni logon a kame tanit lo kodudwolon kasu lo.