¹ Nan petero luyokie lo yesu kristo ko ŋutu ti ŋun logon kere toreaji, a monundye i ponto, ko i Galatia, ko i kapodokia, ko i Asia, ko i Bitunia kilo. ² Ta koju kere wulwe ko yeyeet na ŋun monye anyen tokela ko mulokotyo loyit, anyen twoju yesu kristo, ko anyen gogota ko rima kayit. Nan roman ko ta adi, ti ‘busan ko taliŋ gwe ko ta bia parik. ³ Ti ŋun monye matat likaŋ yesu kristo purani pura. Lepeŋ ko yatet nayit duma a tindu yi i yuŋwe a naluduk kogwon nye a toŋiju yesu kristo i twan. ⁴ Yenet nagon yi a yuŋwoki kata na kweja adi yi molu muju lomore. Yina lomore a’delaki ta ki yu, a molu gwe nyo bulo ‘buron, kode koro kode toriŋo. ⁵ Nyena kogwon ta ko riŋit nayit tajo ko lwoko nasu. Yina lwokit nondu kweye kaŋo i diŋit na ‘dutet. ⁶ Ko yina kuwe lyoŋi ta lyoŋon ma’di tianana ta ŋoŋoŋga moriesi ka’de ka’de ko diŋit a na’dit, ⁷ Anyen yupesi kasu tetema kode a gwak. Dakap kakarju ma’di nagon se a tema ko kimaŋ. Yubbo nasu ko a tema gwon ko ‘bulit lwolwoŋ dakap, a molu jakindi ta pupuresi ko kwelen, se ko bula i lor lo kwiyani yesu kristo lu. ⁸ Ta nyanyar lepeŋ ma’di kodo ta a ko met lepeŋ; ta yuyup lepeŋ ma’di kodo ta a ko met lepeŋ, a ta lyoŋi lyoŋon ko lyoŋon a duma parik nagon kulya kayit a bulo jama, ama gwon ko bullet a duma nagon po ki, ⁹ A ta wuji lwokit na kodudwolon kasu nagon a tutuŋet na yubbo nasu. ¹⁰ Nebijin logon koju kere keju adi ŋun molu ‘dogga ta kilo kere ga’yu yina lwokit a ke piyunda kulya kayit ko tirikwet. ¹¹ Mulokotyo lo kristo lo gwon kasu i mugunya lo ‘beron tuggo ŋoŋesi ti kristo ko ŋo nakwekwelen nagon popo i mukok, a se morji denunda kaŋo ko yilo mulokotyo yutakinda ko kine ŋo gwon i nan diŋit, kode ko se po ada. ¹² A kwekindi koko adi ŋo nagon se a keju kune se a kikindu ‘borik ama kikindu ta. Ŋo na kiun se koju kunu tianana ŋutu lo jakinda ta loge lo’but i riŋit na mulokotyo loke logon a sunyue ki yu lo kere tukokin ta. Ma’di malaikajin mimindi galunda kine kulya kaŋo. ¹³ Gwe ta ajo kasu i yeyeesi gwoso ŋuto lo kukundkinda mugun i kita. Tiji ta ‘borik. Tuŋ yendi ta ‘doket nagon yesu kristo molu jokin tan a pondi nye nu. ¹⁴ Gwe ta a ŋutu kayiŋak ti kulya, ma ta a gwon gwoso i konesi kasu ti ‘beron nagon ta ‘bak ko nyuŋ den kulya nu. ¹⁵ Nye lo luŋgu ta lo a loke, nyena ama gwe ta a loke i ŋo liŋ. ¹⁶ Kogwon a wuro adi, ta kodo gwon a loke kogwon nan a loke. ¹⁷ Ko ta kwakwaddu nye logon ‘duŋokindo ŋutu liŋ gwoso i konesi kase ‘bak nyunumbo lo, a ta ‘dindye lepeŋ adi baba, nyena kugge ta lepeŋ na monundi ta i na kak ni na. ¹⁸ Kogwon ta deden adi ŋo na ‘bu’buron gwoso podo kode dakap a ko dakunda ta i gwiliŋit lo’bak ‘bulit logon ta a mirun ko merenyesjin kasu, ¹⁹ Ama ta a dakwe ko rima ti kristo nagon ko ‘bulit a duma parik. Kine rima gwoso ti kiloloŋ logon ‘bak yuyuket kode moriko. ²⁰ Lepeŋ a wuloki kine kulya a kokwe na gweya na kak, ko kere kweya i kulo perok ‘dutesi kogwon kulya kasu. ²¹ Ta a yubbo ŋun kogwon lepeŋ. Ŋun a toŋiju lepeŋ i twan a tindu lepeŋ i bula, anyen ta yuyubboa yendi ŋun. ²² Ta tianana kere toke’ya ‘borik i twoju nasu na kulya’diri, a ta nyarji luŋasirik lo yubbo kilo ko tugwakan, nyena nyare ta nyar ‘borik ko toiliyrt kasu liŋ. ²³ Ta kere yuŋwe a loludk. Yuŋwe nasu a gwon a na na mugun nagon ‘bu’buron na, ama a na yeyeŋon. Ta kere yuŋwe kogwon kulyaet lo ŋun logon gwon jorun lo ko yeyeŋon. ²⁴ Kogwon adi, ŋutu liŋ gwon gwoso doru, a kwelen nase liŋ kwe gwoso koturon ti mu’diŋ. Doru teteyon, a koturon ‘do’done kak; ²⁵ Ama kulyaet lo matat yeyeŋon ŋupi. Yilo kulyaet a loŋe lo’but logon kere tkuki ta lo.