¹ Habib taki ruwa wen, ya beniya al jemil fi nus ta nusuwan? Habib taki ruwa fi yato itijah, ashan nina bi fetisu huwo ma inta sawa. ² Habib tai ruwa fi jinena tou, fi serir al riha tou giafa, ashan bi geni fi jinena wa bi limu zuhur susan al fi jinena. ³ Ana le habib tai, wa habib tai le ana, al bi harisu fi nus to zuhurot bi farah. ⁴ Inta jemila ze Tirzah, habib tai giafa ze Urshelim, inta kutu ana kafu, ze ana aino jesh be alam tumon. ⁵ Shellu uyon taki beid min ana, leanu umon gilubu ana. Shaar taki ze ganamayat al bi nenzil tehet min jebel ta Gilead. ⁶ Asnan taki ze korufan al bi jaa min mahal ta kasil. Kulu wahid indu teman wa mafi fi nus tumon al ma bi weledo. ⁷ Bangiri taki be wara hijab taki ze rumman. ⁸ Iza kan fi hinak 60 melikat wa 80 jariyat wa ketir min banat al azra . ⁹ Hamam tai, al ma indu eab, de yao wahid bes; hiya yao beniya al wahid le umma tou. Hiya yao beniya al azra ainu hiya, wa kelimu gali hiya mubarak; kaman melikat wa jariyat ainu hiya, wa umon sukuru hiya. ¹⁰ De yao munu al bi zahir ze sabah, jemil ze gamar, bi wala ze shemis, wa mukhif ze jesh al arofa lafitat tumon?" ¹¹ Ana ruwa fi jenena ta joz ashan bi ainu wadi al akhadar wa ashan bi ainu hal karam del tala zuhur wa iza kan zuhur ta nurmman fatah, ¹² Ana ma arufu bes ana ligo nefsa tai fi ras karlo ta nas al sherifiin, ¹³ Rija wara, rija wara, ya mara al Shulemmit! Rija wara, rija wara ashan nina bi ainu le inta! Lee intum bi ainu fi mara al Shulemmit, ze jesh al bi alabu fi itniin saaf?