1 Zol al ligo taadib ketir lakin huwo lakin ragabta tou gowi bi kasuru towali wa ma indu elaj. 2 Kan nas al kwesin zidu .nas bi kun moksutin, lakin kan nas al ashrar fi sulta, nas fi taab. 3 Zol al bi hibu hikma bi kutu abu tou kun farahan, lakin zol al bi douru ma nusuwan zina mali tou bi kalasu. 4 Melik bi sabit ard be Adala, lakin al bi asalu roshuwa bi demeru doula tou. 5 Zol al bi seitar le sabi tou be wazau shabaka le kura tou. 6 Fi katiya ta zol al Sherir huwo sherek, lakin zol al kwes be guna wa bi afrah. 7 Zol al kwes be arufu huguk ta masakin; zol al sherir ma be fahim sikil marafa de. 8 Nas al hagariin be amulu fitna fi Medina, lakin nas al hukama bi shilu zalan bara. 9 kan zol hakim indu nikash ma zol belit, zalan wa taliis, wa ma be kun salam . 10 Nas ta katulu bi aba nas al kwesin , wa bi fetisu ashan katulu nas al adilin. 11 Zol al belit bi zaheir kulu zalan tou , lakin zol al hakim bi amsuku wa be rija nefsa tou tehet . 12 Kan hakim be asuma le kalam kizib kulu kadamin tou bataliin. 13 Zol al meskin wa mozlum kulu sawa, Yahwa wodi nur fi ena tomon kulu. 14 Melik al bi hakimu bi hag le nas al masakin kursi tou bi sabit ila abad. 15 Asaya wa towibig bi wodi hikma, jena al ma bi adibu bi jibu fadiya le uma tou . 16 Kan Nas al ashrar fi sulta , Mashakil bi kun ketir, Nas al kwesin bi aiynu waga tomon. 17 Adibu jena taki huwo bi wodi le inta raha, wa bi jibu farah le inta. 18 Bidun ruuya ,Shab be sibu dabt al nefs ; lakin Baraka le del al be hafisu ganun. 19 Abid ma bi adibu ma kalam, leanu huwo bi asuma wa ma bi fahim, hata kan huwo bi asuma huwo ma bi juwab. 20 Hal inta aiynu zol al seri fi kalam tou? , fi raja le belit aktar min huwo. 21 Zol al woduru kadam tou ligo huwo suker , huwo bi kun anid kan huwo tala kebir. 22 Insan al bi zalan bi amulu mashakil , wa zol al bi zalan shdid bi amulo katiya. 23 Takabur ta insan bi nezil mustawa tou, lakin zol al indu roho ta tawadu bi ehtaramu huwo. 24 Zol al bi sharik harami bi akrah nefsa tou, bi asuma le laana wa ma bi wonusu hagiga. 25 Kafu ta insan be amulu sherik, lakin zol al bi teke le Yahwa bi hafizu huwo. 26 Ketir bi rudu nas al fi sulta, lakin hag ta insan min Yahwa. 27 Zol al zalim bi akrahu ma nas al kwesin, lakin nas al adilin bi akrahu ma nas al batalin.