1 Nas al sheririn be jere hata kan mafi zol be turudu umon, laki nas al adilin gowiyin ze ased al suker. 2 Ashan tamorud ruwasa bikun kutar wa. Lakin zol al indu faham wa maarafa be geni zaman towil. 3 Zol al meskin al bi zulumu masakin tanin huwo ze motoro al be nezil wa ma bi sibu akil. 4 Nas al sibu ganuun be shukuru nas sheririn, wa del al be hafisu ganuun be shakila umon. 5 Nas al ashrar ma be faim hagiga. Wa nas al be fetisu Allah be fahim kulu haja 6 Al meskin al be douru adil ,aksen min sika ta gani al ma adil . 7 Zol al be hafisu ganuun huwo jena al fahim, wa sabi al kwes abu tou be indu fadia 8 Zol al be limu Gurush be faida ziyada, ma be kun kwes ma nas al masakin. 9 Zol al sibu adana tou aba asuma ganuun, salawat tou be kun mukroh. 10 Zol al be kabasu nas al kwesin fi sika batal huwo be waga fi hufura al huwo hafura de. Ama nas al kamilin umon bi worisu kher. 11 Zol al ganiyian hakim fi ena tou , lakin zol al meskin be arufu hagiga tou. 12 Kan Nas al kwesin entisir farah kebir, kan nas al batalin gum Nas be woduru. 13 Zol al be dusu katiya tou ma be naja, lakin zol al be ehterif wa sibu be rahamu huwo. 14 Baraka le zol al be asuma kulu yom, lakin zol al gilba tou gowi be waga fi mushkila. 15 Zol al batal al bi hakim nas al masakin , Ze sot ta Ased au Duub al zalan. 16 Hakim al ma be fahim beiazibu nas shedid, lakin zol al bi akrah adam amana ayam tou bekun towil . 17 Zol al indu tegila ta dom ta nas taniin , bi jery ila hawiya mafi zol bi amsuku huwo. 18 Zol al be douru adil bi kalisu, lakin al ma adil bi waga. 19 Zol al bi zarah Ard tou akil tou bi kun ketir, ama zol al bi rua wara kalam farik bi kun meskin shediid. 20 Zol al muumin bi indu barakat ketir, lakin zol al estajil fi shokol ganiyan ma bi rua bidun taadib. 21 Ma kwes ashan inta bi wori kan inta bi meyilu wen ,lakin bi sabab esh suker insan bi amulu galat. 22 Zol al ena tou batal bi jere wara ganiyan, wa ma bi arufu gali shokol meskin bi ja le huwo. 23 Zol al bi adibu insan baad dak huwo be ligo rahama ketir min huwo kaman min zol al kalam tou jemil. 24 Zol al nahabu abu wa uma tou wa bi kelim, “ De ma katiya,” huwo sherik ta zol al bi demiru. 25 Insan al anani be amolu mashakil , lakin zol al indu sika le Yahwa be naja. 26 Zol al bi indu sigha fii geliba tou huwo belit , lakin zol al bi douru be hikma bi hariru. 27 Zol al bi wodi le meskin ma bi kun indu haja, lakin zol al bi gofulu ena min umon bi ligo laana ketir. 28 Iza kan nas sheririn gum, nas bi dusu badun tomon ; lakin kan hakimu umon, Adad ta Nas al kwesin bi zidu.