¹ De kelmat ta agur jena ta Jakeh- min nas masa le Ithel wa Ucal: ² Hagiga ana ze haiwan min ai zol wa ana ma indu faham ta insan, ³ Ana ma alimu hikma, ana ma arufu ai haja an al kudus. ⁴ Munu yau rua le sama wa nezil tehet? Munu limu hawa fi ida tou? Munu limu moyo fi gumash tou? Munu yau asisu nihaya ta Ard? Isim tou munu, wa isim ta jena tou munu? Hagiga inta arufu! ⁵ Kulu kelma min Allah nedif. Huwo daraga le nas al be ehtaam ma huwo. ⁶ Mata zidu fi kelimat tou, au huwo be adibu wa inta be kun kazab. ⁷ Itniin haja ana asalu min inta mata aba le ana Gabli ana ma mutu: ⁸ Shilu haja batal wa kedib min ana. Mata wodi le ana shokol meskin wa le ganiyan. Wodi le ana akil al ana deer. ⁹ Momkin ana bi akulo shedid, wa aba inta wa bi kelimu “Yehwa de Munu” au kan ana biga meskin, ana bi serigu wa karabu isim ta Allah. ¹⁰ Mata esteky kadam le said tou, momkin huwo be laanu inta wa inta bui kun amulu galat fi hag tou. ¹¹ Fii Jil al bi laanu abu tou wa ma bi bariku uma tou. ¹² Fii jil al tahir fi uyun tomon, lakin ma kasulu umon min shar tomon. ¹³ Fii jil tani arfau uyun tomon fok, wa hawajib tomon sibu fok . ¹⁴ Fi Jil tani sunun tomon ze saaf ,wa durus tomon ze sakakiin, umon be kalasu masakin min Ard , wa masakin min nus ta nas. ¹⁵ Halik indu itniin banat: “ wodi wa wodi” umon bi kore fi talata hajat ma bi shaban, arba ma be kelim, kifaya” ¹⁶ Al haweya wa batna al ma be welidu Ard al ma be shaban ma moyo; wa Nar al ma be kelimu” kifaya”. ¹⁷ Ena al be alisu abu. Wa al be hagiru ehteram ta uma , be tala bara ma gurub al fi wadi, wa bi akulu be sogur. ¹⁸ Fii talata hajat al kwes khalis le ana. Arba ana ma be fahim . ¹⁹ Sika ta sogur fi jou; sika ta debiba fi hujar sika ta sefina fi bahar; wa sika ta rajil ma biniya suker. ²⁰ De sika ta mara ta zina hiya bi akulu wa masa kasma tou wa be kelimu ana ma amulu haja batal. ²¹ Fii talata hajat tehet al ard bi kafu, wa arba al tehet ma be akder ethamal. ²² Kan kadam tala Melik; wa belit kan akulu akil wa shaban; ²³ kan zowuju Mara al bi akrahu; wa kan kadam al bit zowuju be seid tou. ²⁴ Arba hajat fi ard umon suker wa lakin huwo indu hikma ketir ²⁵ Nemil kalagu lakin umon ma gowi, lakin umon be jahizu akil tomon fi sef ²⁶ Arnab min noh ta mokhulugat al ma indu guwa lakin umon be abinu bet tomon fi hujar. ²⁷ Jarajarat ma indu melik , lakin umon bi tiri be nizam. ²⁸ Kan dab, inta bi amsuku be itnin ida, bardu inta be ligo huwo fi Bet ta Melik. ²⁹ Fi talata hajat kobar fi kuta wa arba kubar umon be rdouru keef. ³⁰ Ased gowi min nus ta haiwanat al wahsh- huwo ma be kafu min ai haja. ³¹ Dik al ma be kore; wa Melik al jesh tou fi janbu huwo. ³² Kan inta kan belit, bi arfa nefsa taki ,au kan inta kan be katit le batal, kutu iden taki fi kasma taki. ³³ Leanu ashurubu leben kwes wa ze anafa bi tala doom kan inta asuru, kan amail amulu zalan bi jibu mashakil.