¹ Kede gira ma amulu inta ashan del al batalin, wala indu niya ashan limu ma umon, ² Leanu gelba tomon wa lisan tomon bi wonusu mushkila. ³ Be wasad hikma bet bi abinu wa be wasat fihim bi asisu. ⁴ Ma marafa gurfa Malian ma kulu hajat al kwes wa ganiyan. ⁵ Al takian ta hikma gowi, wa rajil ta marafa bi zidu guwa tou; ⁶ leanu ma tijah saa inta bi akder shakil wa ma murshidin ketir fi intishar. ⁷ Hikma fok shedid min zol belit; fi baab huwo mabi fata kasmu. ⁸ Mafi zol al bi katitu shar–nas bi nadi huwo mualim masharii. ⁹ Kuta al belit katiya wa rujal bi alisu al hagar. ¹⁰ Iza inta tala deif ma kafu fi zaman ta mushkila, yala guwa taki suker. ¹¹ Ankizu del al bi shilu le mutu wa amsuku del al bi hizu le debe. ¹² Kan inta kelim , “ intozur, nina ma arufu an de, “ Hal de ma wahid al bi wozunu geliba fihim fi shunu al inta bi kelim? Wahid al gi arasu haya taki, hal huwo ma bi arufu? Allah ma bi wodi le ai wahid sunu al huwo deiru? ¹³ Weledi, Akulu asel leanu huwo kwes, leanu naga ta asel hilu kan jeribu. ¹⁴ Shikil de hikma le roho taki- iza kan inta ligo, bikun fi mustakbal a rajah taki mabi kun sakit . ¹⁵ Mata num fi intizar ze zol al sherir al bi hajimu bet ta zol al bar. Mata demiru bed tou! ¹⁶ Leanu zol al bar bi waga saba marat wa bi gum tani ,lakin nas al sherir bi jibu tehet ma damar. ¹⁷ Mata tala farhan kan adu taki waga wa kede gelba taki ma kun farhan kan huwo deiru waga. ¹⁸ Au Yahweh bi aiynu wa mabi sedeku wa bi gelibu bara gadap tou min huwo. ¹⁹ Mata galgal ashan ashrar , wa mata kun fi keni ma nas bataliin, ²⁰ Leanu zol al sherir ma indu mustakbal wa lamba ta nas sherir bi rua. ²¹ Kafu Yahweh, wa kafu melik, weledi; mata limu ma del al bi merid did umon, ²² Leanu baad suya damar tomon bija wa munu yau bi arufu godur ta damar al bija min kulu umon? ²³ Kaman de kelimat ta hikma, Nus-nus fi hukumu mushkila fi ganun ma kwes. ²⁴ Ai zol al kelim le zol sherir “ inta zol bar ,” bi laanu ma nas wa kerehu ma umam. ²⁵ Lakin del al bi akibu al ashrar bi indu farah wa hadiyaat ta amulu kwes bija le umon. ²⁶ Wahid al bi wodi juwab saa bi wodi boza fi kasma. ²⁷ Jahizu shokol taki al bara, wa amulu ai haja jahis fi zara ;baad dak ,abinu bet taki. ²⁸ Mata geni shahid le jeran taki bidun mushkila wa mata kabasu ma lisan taki ²⁹ Mata kelim ana bi amulu le huwo shunu al huwo amulu le ana; Ana bi dafa le huwo shunu al huwo amulu.” ³⁰ Ana rua min jambu zara ta zol kaslan, rua min jenena ta rajil al ma indu muk. ³¹ Shok rabah fi ai mahal, wata kati ma ebar, wa hosh hujar tou kasuru tehet. ³² yala ana aiynu wa iktebir ; ana aiynu wa ligo towjihat. ³³ Num al besit, nahsan al besit ,tabugu idenat besid le raha – ³⁴ wa maskana bija fi intum , wa iktiyajad takum ze askeri al musala.