¹ De yau Amsal ketir ta Suliman , sowuru ma rujal ta Hezekiah, melik ta yahuza. ² Huwo mejid ta Rabuna ashan kitimu al maodu, lakin mejid ta melik ashan fetishu bara ³ Ze samawaat le fok wa ardia le tehet, yala gelba ta melik mabi fetishu. ⁴ Shilu bara wasaka min fida wa al hadad bi istakdimu fida fi salau hajat. ⁵ Hata loukan, shilu bara nas al sherir min gidam melik wa kursi tou bi asisu be amulu shunu al saa. ⁶ Mata kerimu nefsak fi gidam melik wa mata wogif fi mahal amulu le nas kubar. ⁷ Aksen kede kelimu le inta “taal fok hini ,”min bidal bi hinuk gidam nas kubar. Inta aiynu shunu, ⁸ Mata alagu guwom. Le shunu al inta bi amulu fi nihaya wokit jeran taki bikutu inta fi fadiha? ⁹ Nakishu mushkila bein inta wa jeran taki wa mata kaati ai sir le wahid tani ¹⁰ Au wahid al asuma bijibu fadiha le inta wa tagarir al shar an inta al ma bi askut. ¹¹ Tuffa dahab fi magaat fida yau kalam al wonusu fi zaman saa. ¹² Katim dahab au aiya haja al amulu min dahab huwo tobik le adana al bi asuma. ¹³ Ze berid ta telij fi zaman hasad de kadam amin le del al rasulu; huwo bi rija wara haya ta said tou ¹⁴ Sihap wa hawa budun motoro de yau wahid al bi dala an hadiya al huwo mabi wodi. ¹⁵ Ma sobur hakim bi turuju wa lisan kafif bi kasuru adum. ¹⁶ Iza kan inta ligo asel, akulu kifaya- ima ligo huwo ketir, inta bi aturush. ¹⁷ Mata douru le jiran kulu yom, huwo bikun taban min inta wa kerehu inta. ¹⁸ Rajil al bi kun shahid did jeran tou ze nadi bi istakdimu fi harib, au sef, au neshab senin. ¹⁹ Rajil alma amin al fi huwo intakum wasiqin siga fi zaman mushkila ze sunun al batal au kurah al meles. ²⁰ Ze zol al bi shilu jalabiya bara zaman berid, au ze khal al kubu fi moshrub, de yau zol albi guna guna le gelba tegil. ²¹ Iza kan adu taki jiyan, wodi le huwo akil, wa iza kan huwo atshan wodi le huwo moyo ²² de inta bi kubu jumur nar fi ras tou wa Yahweh bi dafa inta . ²³ Ze sihap ta shamal bi jibu motoro, yala lisan al bi wori asrar netijah fi wusa zalan. ²⁴ Aksen kan zol bi ish fi zawiya al fok fi ras juwa min bidal shariku bet ma mara ta izaaj. ²⁵ Ze moyo al barid le zol al atshan ,de kabar al kwes min beled tani bara. ²⁶ Ze bir au nafura al karban de yau zol al bar fi gidam ta nas ashrar. ²⁷ Ma kwes ashan inta bi akulu asel ketir; de ze fetishu ikteram wara ikteram. ²⁸ Zol al budun daap al nefs ze kuberi ta medina budun heta.