^{3 1} Wokit inta gi geni wa gi akulu ma hakim , lahizu tamam shunu yau fi gidam taki, ² wa kutu sekin fi ragbta taki iza kan inta zol bi hibu akulu shedid.3 mata itmana akil tou, de akil ta kazabin ⁴ Matta stakal shedid ashan maali; kun negit ashan arufu mitten bi wogif. ⁵ Hal inta bi kutu ena taki wala fogo? Biligo rua, leanu bi shilu jina ze sogur wa teri fok . ⁶ Matta akulu akil ta wahid al ma ena batal – wa matta hibu akil tou, ⁷ Leanu huwo sikil zol al bi hasibu ser ta akil” akulu wa asrubu! “ huwo bi kelim le inta, lakin gelba tou ma maak. ⁸ Inta bi aturusu al besit inta akulu wa inta daya kamil. ⁹ Mata wonusa fi asuma ta nas belit, leanu huwo bi alisu hikma ta kalam taki. ¹⁰ Mata hariku hajer hudud al zaman au dakalu fi zira ta atim, ¹¹ Leanu al mukalis huwo gowi wa huwo bi gedim muskila tomon did inta. ¹² tabiku gelba taki fi towjihat wa adana taki fi kalam ta hikma. ¹³ Mata amsuku towjihat min iyal , leanu inta kan akibu huwo, huwo mabi mutu. ¹⁴ huwo de inta yau bi dugu ma sot wa kalisu roho tou min turab. ¹⁵ Weled tai, iza kan gelba taki hakim, yala gelba tai Kaman bikun moksut ; ¹⁶ Killiaten tai bikun moksut kan lisan taki bi wonusa shunu al saa. ¹⁷ mata sibu gelba taki kun ma gira ta katiya, lakin kun fi makafa ta Yahweh fi kulma yom . ¹⁸ Hagiga fi mustakbal wa rajah taki mabi gatau bara. ¹⁹ Asuma- inta!- weledi, wa kun hakim wa adilu haya taki fi sika. ²⁰ Mata limu ma sakara, au ma tamaiin ta akulu laham ²¹ leanu sakara wa al tamaiin bikun masakin wa bi num ketir wa bi libisu gumasat al moshurut , ²² Asuma le abuk al weledu inta wa mata alisu uma taki wokit kan hia ajus. ²³ Isteri al hagiga, lakin mata tebiu ; isteri hikma, wuju, wa fihim. ²⁴ Abu ta zol al bar bi afrah wa ai zol al bi weledu jena hakim bi afrah fi huwo. ²⁵ Kede abu taki wa uma taki afrah wa kede de al weledu inta afrah ashan inta. ²⁶ Weledi, wodi le ana gelba taki wa kede ena taki aiynu sika tai. ²⁷ Sharamuta hiya hufura al al juwa khalis , wa mara ta najasa bir al deyik. ²⁸ Hiya bi num fi inzar ze zol nahab wa hiya bi zidu adad ta kayana fi nus insaniya. ²⁹ Munu al indu muskila ? Munu yau indu huzun? Munu yau shakil? Munu yau indu tazamur? Munu indu jarah bidun sabab? Munu indu ena durubu ma dom? ³⁰ Del albi asurubu merisa, del al bi hawilu merisa al mulakbat. ³¹ Mata aiynu fi merisa wokit huwo amer , wokit bi amulu suk-suk fi kubaya wa bi rua tamam. ³² Fi akir tou bi adi ze debiba wa bi dugu ze abu daraga . ³³ Ena taki bi aiynu hajat al ajib wa gelba taki bi wonusu hajat al batal. ³⁴ Inta bikun ze wahid al bi num fi buhera fok au naim fok fi jou. ³⁵ “Umon dugu ana, “ Inta bi kelim, “ lakin ma awugu ana. Umon dugu ana, lakin ana ma hiss bo. Wokit mitten ana bi gum min num? Ana bi fetishu Shirub tani.”