¹ Wahid al bi ferigu nefsu bi fetishu niya tou wa huwo bi kore-kore ma kulu hokum al kwes. ² Al belit ma bi ligo farah fi fihim. Lakin ile wori shunu al fi gelbu. ³ Wokit zol al sherir ja tejiriba bi ja mau- sawa ma fadiha wa adam aklak. ⁴ Kelimat ta kasama insan de moyo al juwa; nafura ta hikma yau kor al bi jere. ⁵ Huwo ma kwes ashan kun fi taaun ma zol sherir, wala ankuru adala la zol al bar. ⁶ Lisan ta belid bi jibu mushkila wa kasma bi rahibu dak. ⁷ Kasma belit yau damar tou wa huwo bi woridu nefsu ma kasma tou. ⁸ kelimat ta suwata ze asida wa umon gi rua tehet fi kulu ajiza ta jisim . ⁹ kaman, wahid al fi rukud fi shokolu ze aku al bi demiru aktar. ¹⁰ Isim ta Yahweh yau amara al gowi; zol al ssalihin jere le huwo wa aman. ¹¹ Maal ta ganiyan de yau medina tou wa fi kayalat towo ze heta alfok. ¹² Ma gabli waga tou gelba tou ma dala, lakin insania bija gabli iktiram. ¹³ Wahid al bi juwabu ma gabli asuma- de balada tou wa fadiha. ¹⁴ Roho ta zol bi istahmal min marad, lakin munu yau bi istahmal roho al moksur? ¹⁵ Gelba ta shutar bi shilu marafa wa asuma ta hakim bi fetishu ¹⁶ Hadiya ta rajil bi fata sika wa jibu huwo fi gidam zol mohim. ¹⁷ Al awel al bi gedimu mowdu tou bikun lahadi zol al tani de ja wa asalu huwo. ¹⁸ jadau gura bi hilu mushkila wa ferigu nafaren al gowiin. ¹⁹ Aku al kutu tala zalan ma bi agder ashan agnau bidal medina al gowi , kore-kore ze hadaid ta kasra. ²⁰ Min samar ta kasma tou kutu zol tani tala sabaan; ma hasad ta kasuma tou huwo sabaan. ²¹ Lisa gi hafisu mutu wa haya, wa del al gi hibu lisan bi akulu samar tou. ²² De al ligo mara ligo haja al kwes wa bi istakbil rahma min Yahweh. ²³ Zol al meskin bi fetisu rahma, lakin zol al ganiyan juwabu be teriga kaab. ²⁴ zol al bi gul endu sabihat ketir bi ligo taab be wasat umon, lakin fi sabi al bi ja gerib min bidal aku.