¹ Aksen zol al bi douru fi istikama tou min bidal wahid al ta fasad fi wanasa wa belit. ² Kaman, huwo ma kwes ashan indu niya budun marafa wa wahid al bi jere shedid bi jeli sika. ³ Zol al Belit bi demiru haya tou wa gelba tou bikun did Yahweh. ⁴ Nas ganiyaniin bi indu sabihat ketir, lakin sabihat bi ferigu min zol al meskin. ⁵ Shahid al kizib ma bi rua bidun ma adibu wa ai zol al bi nefes kizib ma bi tefes. ⁶ Keterin bi asalu rahma min zol al kerim wa ai wahid sabi ta zol wodi hadaya. ⁷ Akwana kulu bi karahu aku tomon al meskin; godur shunu sabihat tou al bi rua beid min huwo! Huwo bi nadi umon, lakin umon rua. ⁸ Al ligo hikma bi hibu haya tou; al bi hafizu fihim bi ligo shunu al kwes. ⁹ Shahid al kizib ma bi rua bidun ma adibu, lakin de al bi nefes kizib bi mutu. ¹⁰ Ma bi ja le belit ashan bi ish fi fakama–aktar min besit la kadam bi hikimu fok amira. ¹¹ Takdir bi kutu zol zalan beraa wa de mejid tou ashan jahilu mushkila. ¹² Zel ta melik yau ze kore ta ased suker, lakin rahma ze nada fi gesh. ¹³ Weled al belit huwo damar le abu wa mara ta kore-kore daiman moyo al gi naga . ¹⁴ Bet wa maal bi warisu min aba , lakin mara al kwes min Yahweh. ¹⁵ Sokol kasilan bi jada zol fi nuum al shedid, lakin al ma indu niya le shokol bi rua jiyan ¹⁶ Wahid al bi iktaramu ganun bi hafisu hayatu, lakin zol al ma bi fekiru sika tou bi mutu. ¹⁷ Ai zol al wodi le meskin bi wodi le Yahweh wa Huwo bi dafa lou le shunu al huwo amulu. ¹⁸ Adibu weled taki wokit fi rajah wa lakin mata kutu niya taki fi katulu huwo. ¹⁹ Zol al bi zalan quwom lazim bi dafa taman; iza inta ankizu , inta bi amulu le mara al tani. ²⁰ Asuma le irshad wa gabilu towjihat, yala inta bikun hakim fi nihaya haya taki. ²¹ Hajat ketir de kuta fi gelba ta zol, lakin huwo hadaf ta Yahweh al bi wogif. ²² Wala ya shunu al zol deiru wa zol al meskin aksen min zol al kazab. ²³ Iktiram ta Yahweh bi gedim nas le haya; ai wahid al indu bikun shabaan wa mabi taabu ma taab. ²⁴ Al kaslan bi dofunu iden tou fi seniya; huwo mabi jibu fok wara fi kasuma tou. ²⁵ Jeledu al hagar, wa al batal bi tala zol kwes; Akibu wahid al mumaiz, wa huwo bi ligo marafa. ²⁶ Wahid al bi nahabu abu tou wa turuju uma tou bara de jena al bi jibu fadiha. ²⁷ Weled tai, Iza kan inta aba asuma towjihat, Inta bikun bara min kelimat ta marafa. ²⁸ Shuhud al faasid bi hagiru adala wa kasma ta ashrar bi abulau katiya. ²⁹ Damar jahis le hagarin wa dak fi dahar belitiin.