¹ Yahwa wonusu le Musa.Huwo gal, ² “Kelim le Haron. Wori le huwo l, ‘saba Lambaad de lazim kede wala gidam al-manara izakan inta gi wala umon.” ³ Haron amulu kalam de. Huwo wala lambaad de fi ras al-manara ashan keli wala gidam tou,zeir Yahwa kan amiru musa. ⁴ Al-manara kan salau be teriga zede wa Yahwa kan wori sura tou le Musa keli geni min dahab min tehet tou lahadi fog wa kababi tou bi geni zei zohur. ⁵ mara,Yahwa wonusu le Musa.Huwo gal, ⁶ ”Shilu Lawiin min nus ta Shab ta Israel wa kadisu umon. ⁷ Amulu kalam de le umon ashan bi kadisu umon. Rusu moyo ta gufran fogo umon. keli umon aligu jisim tomon kulu, kasulu gumusat tomon kulu, wa kadisu nefsa tomon. ⁸ Wa keli umon shilu bagara suker abu rajil be zebiha tou min al hubbub wa lakbatu be zed. Keli umon Kaman shilu jena bagara tani abu rajil wa gedimu ka zebiha le katiya. ⁹ Inta bi jebu Lawiin gidam ta kema-al-ijtima wa bi limu kulu mijtama ta shab ta Israel ¹⁰ Kan inta jibu Levites gidam Yahwa, Nas ta Israel lazim kutu ident tomon fi ras Lawiin del. ¹¹ Harun keli gedimu Lawiin del gidam Yahwa ka zebiha al kas min shab ta Israel ashan keli umon amulu kadamat ta Yahwa. ¹² Lawiin del lazim keli kutu idenat tomon fi ta ras ta abugar de. Lazim inta bi gedimu wahid bagara zei zebiha le katiya, wa bagi bugar de zei zebiha al bi haragu le ana min ajli katiya ta Lawiin. ¹³ Gedimu Lawiin del gidam Harun wa gidam iyal tomon, wa arfa umon ze tegdim al amuaj le ana. ¹⁴ Be teriga de, inta bi kutu Lawiin de bi geni ferig fi wasat ta shab ta Israel. Lawiin de bi geni le ana bes. ¹⁵ Baad dak, Lawiin de keli ruwa istakal fi keima-al-ijtima.Inta bi kadisu umon.Inta bi gedimu umon le ana ze tegdim al amuaj. ¹⁶ Amulu zede leanu umon ka kulu tabi le ana min nus ta shab ta Israel. umon bi shilu mahal ta jena al bikria, awel simar ta batna ta kulu jilta Israel. Ana kalas shilu Lawiin ashan bi geni le ¹⁷ ana. Kulu bikria fi wasat ta shab ta Israel bikun le ana, kan min insan au haiwan. Fi yom al ana katulu kulu bikria ta nas Masirin, ana kerisu umon le ana. ¹⁸ Ana shilu Lawiin del min wasat ta shab ta Israel fi bidal ta kulu bikria. ¹⁹ Ana wodi Lawiin ka hadiya le Harun ma awulad tou.Ama shilu umon min wasat ta shab ta Israel fi kema-al-ijtima.Ana wodi umon ashan bi asadu afu fi bidal ta nas Israel ashan mafi darba keli augu shab kan umon ja gerib be mahal al mukadas ²⁰ Musa, Harun,wa kulu mujtama ta shab ta Israel amulu kalam de ma Lawiin. Umon amulu kulu hajat al kan Yahwa amiru Musa an Lawiin.Nas ta Israel amulu kalam de ma umon. ²¹ Lawiin kadisu nufus tomon wa malabis tomon, wa Harun gedimu umon ze tegdim ta amuaj le Yahwa wa huwo seli salawat ta afi katiya ashan bi nedifu umon. ²² Bad dak,Lawiin ruwa juwa qeima ashan bi amulu kadamat tomon gidam ta Harun wa gidam ta iyal tou. De kan hasil zei Yahwa kan amiru Musa an Lawiin. Umon amulu le kulu Lawiin be nefsu teriga. ²³ Yahwa wonusu tani mara le Musa. Huwo gal, ²⁴ ” kalam de kulu le lawiin al umur tomon kamsa-wa-ishirin le fog. Umon lazim bi dum ma sherika ashan kadimu fi kema-al-ijtima. ²⁵ Umon lazim bi wogifu kidma tomon de iza kan zol wosulu fi umur ta kamsin sena. Fi umur dak, keli umon ma kadimu tanimara. ²⁶ Umon minkin bi saidu akwana tomon al gi istemir ishtakal fi juwa Kema-al-ijtima, ashan amulu shokol, lakin keli umon ma kadimu ketir min de.De yau teriga al inta bi ishtakal be nas Lawiin de fi kulu musulia tomon.”