1 Fi yom al Musa kalasu shokol ta kema al ijtima, huwo alinu fogo misha wa kerisu huwo be kulu hajat al fogo. Huwo bardu seli le misha wa kerisu mazba wa kulu hajat al bi istakalu fogo. 2 Fi yom dak, nas al kubar, ras ta usura kulu, wa nas mosulin fogo gabail kan idu adat ta nas wa gedimu hatayat. 3 umon jibu hatayat tomon gidam Yahwa. Umon jibu sita karlo wa itnisar teiran. umon jabu wahid karlo le kulu itnin kaid, wa ai kaid, wa ai kaid jabu wahid tor. Umon gedimu hajat del fi gidam ta ke ma ta ijtima 4 Baad dak Yahwa wanus le Musa. Huwo gal 5 " shilu hatayat de min umon wai istakal be huwo be shokol fi juwa kema ta ljtima. Wodi hataya de le lawiin, le ai wahid ze umon deir le shokol tomon." 6 Musa shilu karlo wa bugar, wa huwo wodi umon le lawiin. 7 Huwo wodi itnin karlo wa arba bugar le jil ta Gershon, leano shokol tomon kan der hajat de. 8 Huwo wodi arba karlo wa tamania bugar le jil ta Menari, fi musuliya ta Ithamar weled ta Haron al gesis yau bi hafisu. Huwo amulu zede ashan shokol tomon kan der hajat de. 9 Lakin huwo ma wodi hajat dak le jil ta Kohath leano shokol tomon al endu ilaka ma hajat al tabi le Yahwa ashan humon bi arfa fi kitfa tomon. 10 Nas al kubar gedimu hajat tomon al kwes ashan bi gerisu be huwo mozba fi yom dak al kan Musa alinu misha fogo mozba. Nas de kan gedimu zebiha tomon gidam Mozba. 11 Yahwa kelim le Musa, ai gaid lazim bi gedimu zebiha tou takerizu mozba fi ai yom. 12 Fi Yom al awel, Nashon weled ta Amminadab min jil ta Yahuza yau gedimu zebiha. 13 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltnin hajat de kulu Kan malian be degit al kwes al Kan lakbatu be zed le hataya al hubub. 14 Huwo wodi wahid Sahan ta dahab al wozin tou amulu ashara shaykil wa malian be bohurat. 15 Huwo wodi bagara soker, wahid koruf abu rajil, 16 Huwo wodi wahid ganamaya abu rajil zei Zebiha le katiya. 17 Huwo wodi itnin abugar, kamsa korufan abu rujal, kamsa ganamayat abu rujal, was kamsa korufan abu sokerin abu rujal al fi umur wahid sena ze zebiha le hataya sharaka. De kan le zebiha ta Nahson weled ta Amminadab. 18 Fi yom nimira itniin, Nathanel weled ta Zuar min jil ta lssachar yau gedimu zebiha. 19 Zebiha tou Kan endu wahid tabaq ta fida al wozin tou amulu 130 shaykil, wa wahid teshit ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim al hubub 20 Huwo bardu wodi wahid Sahan ta dahab al wozin tou amulu ashara shaykil wa malian be bohurat. 21 Huwo wodi bagara soker, wahid koruf abu rajil, wa koruf soker abu rajil Al umur tou wosulu wahid Sena ashan bi gedimu ka Zebiha al maharaqa. 22 Huwo wodi wahid ganamaya abu rajil zei Zebiha le katiya. 23 Huwo wodi itniin abugar, kamsa korufan abu rujal, kamsa ganamayat abu rujal, was kamsa korufan abu sokerin abu rujal al fi humur wahid ka Zebiha ta hataya ta sharaka. De Kan Zebiha ta Nathanel weled ta Zuar. 24 Fi yom nimira talata, Eliab weled ta Helon min jil ta Zebulun, yau gedimu zebiha. 25 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan malian be degit al kwes al Kan lakbatu be zed le hataya ta dura. 26 Huwo bardu wodi wahid Sahan ta dahab al wozin tou amulu ashara shaykil wa malian be bohurat. 27 Huwo wodi bagara soker, wahid koruf abu rajil, wa koruf soker abu rajil Al umur tou wosulu wahid Sena ashan bi gedimu ka Zebiha al maharaqa. 28 Huwo wodi wahid ganamaya abu rajil zei Zebiha le katiya. 29 Huwo wodi itniin abugar, kamsa korufan abu rujal, kamsa galamaya abu rujal, was kamsa korufan abu sokerin abu rujal al fi umur wahid ka Zebiha ta hataya ta sharaka. De Kan Zebiha ta Eliab weled ta Helon. 30 Fi yom nimira arba, Elizur weled ta Shedeu, khaid ta jil ta Reuben, yau gedimu zebiha. 31 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan maliyan be degit al kwes al Kan lakbatu be zed le tegdim ta dura. 32 Huwo bardu wodi wahid Sahan ta dahab al wozin tou amulu ashara shaykil wa malian be bohurat. 33 Huwo wodi bagara suker, wahid koruf abu rajil, wa koruf suker abu rajil al umur tou wahid Sena ashan bi gedimu ka Zebiha al maharaqa. 34 Huwo wodi wahid ganamaya abu rajil zei Zebiha le katiya. 35 Huwo wadi itniin abugar, kamsa korufan abu rujal, kamsa ganamaya abu rujal, was kamsa korufan abu sukerin abu rujal al fi umur wahid ka hataya ta sharaka. De Kan Zebiha ta Elizur weled ta Shedeur. 36 Fi yom nimira kamsa, Shelumiel weled ta Zurishaddai min jil ta Simeon yau gedimu zebiha. 37 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltnin hajat de kulu Kan malian be degit al kwes al Kan lakbatu be zed le tegdim al hubub. 38 Huwo bardu wadi wahid Sahan ta dahab al wozin tou amulu ashara shaykil wa malian be bohurat. 39 Huwo wadi bagara saker, wahid koruf abu rajil, wa koruf saker abu rajil Al umur tou wosulu wahid Sena ashan bi gedimu ka Zebiha al maharaqa. 40 Huwo wadi wahid ganamaya abu rajil zei Zebiha le katiya. 41 Huwo wadi itniin abugar, kamsa korufan abu rujal, kamsa ganamaya abu rujal, was kamsa korufan abu sukerin abu rujal al fi umur wahid ka Zebiha al awalia. De Kan Zebiha ta Shelumiel weled ta Zunshaddai. 42 Fi yom nimura sita, Ehasaph weled ta Deuel min jil ta Gad yau gedimu zebiha. 43 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltnin hajat de kulu Kan malian be degit al kwes al Kan lakbatu be zed le tegdim al hubub. 44 Huwo bardu wadi wahid Sahan ta dahab al wozin tou amulu ashara shaykil wa malian be bohurat. 45 Huwo wadi bagara suker, wahid koruf abu rajil, wa koruf saker abu rajil Al umur tou wosulu wahid Sena ashan bi gedimu ka Zebiha al maharaqa. 46 Huwo wodi wahid ganamaya abu rajil zei Zebiha le katiya. 47 Huwo wadi itniin abugar, kamsa korufan abu rujal, kamsa ganamaya abu rujal, was kamsa korufan abu sukerin abu rujal al fi umur wahid ka Zebiha al awalia. De Kan Zebiha ta Ehasaph weled ta Deuel. 48 Fi yom nimira saba, Elisha ma weled ta Ammihud min jil ta Ephraim yau gedimu zebiha. 49 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim al hubub. 50 Huwo bardu wodi wahid Sahan ta dahab al wozin tou amulu ashara shaykil wa malian be bohurat. 51 Huwo wodi bagara suker, wahid koruf abu rajil, wa koruf suker abu rajil Al umur tou wosulu wahid Sena ashan bi gedimu ka Zebiha al maharaqa. 52 Huwo wodi wahid ganamaya abu rajil zei Zebiha le katiya. 53 Huwo wodi itnin abugar, kamsa korufan abu rujal, kamsa ganamaya abu rujal, was kamsa korufan abu sukerin abu rujal al fi umur wahid ka Zebiha al awalia. De Kan Zebiha ta Elishama weled ta Arnrruhud. 54 Fi yom nimira ta mania, Gamaliel weled ta Pedahzur min jil ta Manasseh yau gedimu zebiha. 55 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim al hubub. 56 Huwo bardu wodi wahid Sahan ta dahab al wozin tou amulu ashara shaykil wa malian be bohurat. 57 Huwo wodi bagara suker, wahid koruf abu rajil, wa koruf suker abu rajil Al umur tou wosulu wahid Sena ashan bi gedimu ka Zebiha al maharaqa. 58 Huwo wodi wahid ganamaya abu rajil zei Zebiha le katiyia. 59 Huwo wodi itnin abugar, kamsa korufan abu rujal, kamsa ganamaya abu rujal, was kamsa korufan abu sukerin abu rujal al fi umur wahid ka Zebiha al awalia. De Kan Zebiha ta Gamaliel weled ta Pedahzur. 60 Fi yom nimra tisa, Abidan weled ta Gideoni min gebila ta Benjamin yau gedimu zebiha. 61 Zebiha tou Kan endu wahid tabaq ta fida al wozin tou amulu 130 shaykil, wa wahid teshik ta fida al wozin tou amulu sebein shaykel be mustawa ta wozin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim ta dura. 62 Huwo bardo wodi wahid Sahan ta dahab al wozin tou amulu ashara shaykil wa malian be bohurat. 63 Huwo wodi bagara suker, wahid koruf abu rajil, wa koruf suker abu rajil Al umur tou wosulu wahid Sena. 64 Huwo wodi wahid ganamaya abu rajil zei tegdim le katiya. 65 Huwo wodi itnin abugar, kamsa korufan abu rujal, kamsa ganamaya abu rujal, was kamsa korufan al indum sena, ze Zebiha le tegdim ta isterekia. De Kan Zebiha ta Abidan weled ta Gedeoni. 66 Fi yam nimira ashara, Ahiezer weled ta Ammishaddai min jil ta Dan yau gedimu zebiha. 67 Zebiha tau Kan endu wahid tabaq ta fida al wazin tau amulu 130 shaykil, wa wahid teshit ta fida al wazin tau amulu sebein shaykel be mustawa ta wazin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim ta dura. 68 Huwa bardu wodi wahid Sahan ta dahab al wazin tau amulu ashara shaykil wa malian be bahurat. 69 Huwa wodi bagara suker, wahid koruf abu rajil, wa koruf suker abu rajil Al umur tou wasulu wahid Sena. 70 Huwa wodi wahid ganamaya abu rajil zei tegdim le katiya. 71 Huwa wodi itniin abugar, kamsa karufan abu rujal, kamsa ganamaya abu rujal, was kamsa karufan abu sukerin abu rujal al fi umur wahid ka Zebiha ta tegdim ta isterekia. De Kan Zebiha ta Ahiezer weled ta Ammishaddai. 72 Fi yam nimira hedashar, Pagiel weled ta Okran min gebila ta Asher yau gedimu zebiha. 73 Zebiha tau Kan endu wahid tabaq ta fida al wazin tau amulu 130 shaykil, wa wahid teshik ta fida al wazin tau amulu sebein shaykel be mustawa ta wazin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim ta dura. 74 Huwa bardu wodi wahid Sahan ta dahab al wazin tau amulu ashara shaykil wa malian be bohurat. 75 Huwa wodi bagara suker, wahid koruf abu rajil, wa koruf suker abu rajil Al umur tau wasulu wahid Sena ashan bi gedimu ka Zebiha al maharaqa. 76 Huwa wodi wahid ganamaya abu rajil ze tegdim ta katiya. 77 Huwa wodi itniin abugar, kamsa karufan abu rujal, kamsa ganamaya abu rujal, was kamsa karufan abu sukerin abu rujal al fi umur wahid ze Zebiha ta tegdim ta isterekia. De Kan Zebiha ta Pagiel weled ta Okran. 78 Fi yam nimira itnashar, Ahira weled ta Enan min jil ta Naptali yau gedimu zebiha. 79 Zebiha tau Kan endu wahid tabaq ta fida al wazin tau amulu 130 shaykil, wa wahid teshik ta fida al wazin tau amulu sebein shaykel be mustawa ta wazin ta shaykil Haram. ltniin hajat de kulu Kan malian be degit al kwes al Kan lakbatu be zed le tegdim ta dura. 80 Huwa bardu wodi wahid Sahan ta dahab al wazin tau amulu ashara shaykil wa malian be bahurat. 81 Huwa wodi bagara suker, wahid koruf abu rajil, wa koruf suker abu rajil Al umur tau wasulu wahid Sena ashan bi gedimu ka Zebiha al maharaqa. 82 Huwa wodi wahid ganamaya abu rajil zei Zebiha le katiya. 83 Huwa wodi itniin abugar, kamsa karufan abu rujal, kamsa ganamaya abu rujal, was kamsa karufan abu sukerin abu rujal al fi umur wahid, ze tegdim ta isterekia. De Kan Zebiha ta Ahira weled ta Enan 84 De ya hataya ta kiraza ta altari fi yom amulu fogo mis-ha: Salatin ta Israel kutu itnasar tabag ta fida fi taraf, itnasar teshit ta fida wa itnasar suhana ta dahab. 85 kulu wahid min tabag ta fida wozin tou 130 shagkil wa ai teshit kan bi wozinu sebein shaykil. Kulu afasad min fida kan endu wozin ta 2,400 shagkil, hasab mustawa ta wozin ta shaykil haram. 86 Kulu wohid min itnasar jibu suhana al salau min dahab, malian be bohurat wa wozin tou ashara shaykil hasab mustawa ta wozin ta shaykil haran. Kulu suhana min dahab kan wozin tou 120 shaykil. 87 Umon Jibu kulu haiwanat le tegdim al gi haragu, itnasar tor, itnasar korufan abu rujal, wa itnasar korufan abu endu umur wahid. Umon kaman wodi tegdim ta dura. Umon wodi itnasara ganamaya abu rujal ze zebiha ta katiya. 88 Min kulu haiwanat abu arba kura, umon wodi arba wa ishirin teran, sitin korufan abu rujal, sitin ganamaya abul rujal, wa sitin korufan abu rujal al fi umur wahid sena ze tegdim ta isterekia. Del kulu kan le tekriz ta mozba bad al kan kalas seli fogo mish-ha. 89 Wokit Musa masi fi juwa kema ta ijtima ashan bi wonusu ma Yahwa, huwo kan bi asuma sot tou kan gi wonusu le huwo, Yahwa wonusu wonusu le huwo min kuta al fi ras tabut al a had al beina itninn korabin. Huwo wonusu le huwo.