¹ De yau kan rihlat ta shab Israel baad ma umon tala min Masir ma jesh tomon be musulia ta Musa wa Harun. ² Musa katibu tehet mahalat al umon tala min fogo wa al umon ruwa fogo, ze ma Yahwa kelim. de yau kan rihlat tomon, be tulu tomon. ³ Umon safir min Rameses fi shahar al awel, fi yom kamistashar ta awel shahar. Saba baad Ubuor, shaab Israel tala gidam uyun ta Masriyin kulu. ⁴ De hasil wokit Masriyin kulu gi dofunu bekiria tomon al Yahwh kadulu fi nus tomon, leanu huwo kaman dugu alihat tomon. ⁵ Shab Israel tala min Rameses wa nezil fi Sukkoth. ⁶ kaman umon rahalu min Sukkoth wa nezil fi Etham, fi taraf ta sahara. ⁷ Umon tala min Etham wa rija wara le Pi Hairoth, al mugabil ta Baal Zephon, wa umon geni gidam Migdol. ⁸ Kaman umon rahalu min Pi Hahiroth wa mururu be nus bahar le beriya. Umon douru talata yom ashan bi wosulu le beriya ta Etham wa nezil fi Marah. ⁹ Kaman umon rahalu min Marah wa ja le Elim. wa kan fi Elim itnashar ena ta moyo wa sebein shejera balah. De fi mahal al umon dugu kem tomon fogo. ¹⁰ Umon tala min Elim wa kutu muaskar fi taraf bahar bush. ¹¹ Umon rahalu min bahar bush wa nezil fi beriya ta Sin. ¹² Kaman umon rahalu min beriya ta Sin wa nezil fi Dophkah. ¹³ Umon rahalu min Dophkah wa nezil fi Alush. ¹⁴ Umon rahalu min Alush wa nezil fi Rephidim, umon ma ligo moyo le shab ashan bi ashurubu. ¹⁵ Umon rahalu min Rephidim wa amulu muaskar fi beriya ta Sina. ¹⁶ Umon rahalu min beriya ta Sina wa nezil Kibroth Hattaavah. ¹⁷ Umon rahalu min Kibroth Hattavaah wa amulu muaskar fi Hazeroth. ¹⁸ Umon rahalu min Hazeroth wa nezil fi Rithmah. ¹⁹ Umon rahalu min Rithmah wa amulu muaskar fi Rimmon Perez. ²⁰ Umon rahalu min Rimmon Perez wa amulu muaskar fi Libnah. ²¹ Umon rahalu min Libnah wa amulu muaskar fi Rissah. ²² Umon rahalu min Rissah wa nezil fi Kehelathah. ²³ Umon rahalu min Kehelathah wa amulu muaskar fi Jebel Shepher. ²⁴ Umon rahalu min Jebel Shepher wa amulu muaskar fi Haradah. ²⁵ Umon rahalu min Haradah wa amulu muaskar fi Makheloth. ²⁶ Umon rahalu min Makheloth wa amulu muaskar fi Tahath. ²⁷ Umon rahalu min Tahath wa amulu muaskar fi Terah. ²⁸ Umon rahalu min Tarih wa amulu muaskar fi Mithkah. ²⁹ Umon rahalu min Mithkah wa amulu muaskar fi Hashmonah. ³⁰ Umon rahalu min Hashmonah wa amulu muaskar fi Moseroth. ³¹ Umon rahalu min Moeroth wa amulu muaskar fi Jaakan. ³² Umon rahalu min Jaakan wa amulu muaskar fi Hor Haggidgad. ³³ Umon rahalu min Hor Haggidgad wa amulu muaskar fi Jotbathah. ³⁴ Umon rahalu min Jotbathah wa amulu muaskar fi Abronah. ³⁵ Umon rahalu min Abronah wa amulu muaskar fi Ezion Geber. ³⁶ Umon rahalu min Ezion Geber wa amulu muaskar fi beriya ta Zin fi Kadesh. ³⁷ Umon rahalu min Kadesh wa amulu muaskar fi Jebel Hor, fi taraf ta ard Edom. ³⁸ Harun al khahin ruwa fok fi jebel Hor hasab kalam ta Yahwa wa mutu hinak fi sena nimra arbein baad ma shab Israel tala min Masir, fi shahar nimra kamsa, fi awel yom ta shahar. ³⁹ Harun kan indu 123 sena wokit huwo mutu fi Jebel Hor. ⁴⁰ Canaaniin, wa melik ta Arad, al kan geni fi junub beriya fi beled ta Canaan, asuma be ja ta shab Israel. ⁴¹ Umon rahalu min Jebel Hor wa amulu muaskar fi Zalmonah. ⁴² Umon rahalu min Zalmona wa amulu muaskar fi Punon. ⁴³ Umon rahalu min Punon wa amulu muaskar fi Oboth. ⁴⁴ Umon rahalu min Oboth wa amulu muaskar fi Iye Abarim, fi hudu ta Moab. ⁴⁵ Umon rahalu min Iye Abarim wa amulu muaskar fi Dibon Gad. ⁴⁶ Umon rahalu min Dibon Gad wa amulu muaskar fi Almon Diblathaim. ⁴⁷ Umon rahalu min Almon Diblathaim wa amulu muaskar fi Jibal Abarim, mugabil Nebo. ⁴⁸ Umon rahalu min Jibal Abarim wa amulu muaskar fi Arabat Moab safa ta Ordon fi Ariha. ⁴⁹ Umon amulu muaskar fi Ordon, min Beth Jeshimoth le Abel Shittim fi Arabat Moab. ⁵⁰ Yahwa wonusu le Musa fi Arabat Moab safa ta Ordon fi Ariha wa kelim, ⁵¹ ''Kelim le shab ta Israel, ''Kan intum Mururu min Ordon le ard Canaan, ⁵² Intum lazim bi turudu kulu nas al bi geni hinak min gidam takum. Intum lazim bi demiru asnam tomon kulu. Intum lazim bi demiru suwar ta Asnam de wa kulu mazabih tomon. ⁵³ Intum lazim kede shilu mumtalakat ta ardi de wa geni takum fogo, leanu ana wodi le intum ardi de ashan bikun takum. ⁵⁴ Intum lazim kede werisu wata de be gura, hasab Abuwab takum. Bab al kebir intum lazim kede wodi le umon wata kebir, wa le bab al suker intum bi wodi wata suker. Gura al bi waga le ai beled, de yau bikun wata tomon. Intum bi werisu wata de hasab gabail ta judud takum. ⁵⁵ Lakin kan intum ma turudu nas al bi geni fi wata de bara min gidam takum, baad dak nas al intum bi sibu ashan geni ma intum de bikun ze alat wa shok fi uyun takum. Umon bi deigu haya takum fi beled al ''.intum bi geni fogo. ⁵⁶ Baad dak haja al Ana deir ashan bi amulu le nas dak, Ana kaman bi amulu le intum