¹ De yau kalifiya ta iyal ta iyal ta Harun wa Musa asna Yahwa kelim ma Musa fi jebel Sina ² Asami ta iyal ta iyal ta Harun yau nadab al bikiria, wa Aybihu, Eleazar, wa Ithamar. ³ Del yau asami ta iyal ta Harun, kuhana al kan mumsuhin wa al kerisu le kidma ze kuhana, ⁴ lakin Nadab wa Abhu waga wa mutu gidam ta Yahwa asna umon gedimu le huwo gurban ta nar al ma mugbul fi beriya ta Sina. Nadab wa Abihu kan ma ludu iyal, biga bes Eleazar wa Ithamar kadimu ze kuhaba ma Harun abu tomon. ⁵ Yahwa kelim le Musa. Huwo kelim, ⁶ “jibu gebila ta lawiin wa wogifu umon gidam ta Harun al kahana ashan umon bi saidu huwo. ⁷ Umon bi amulu kidma niyaba an Harun wa kulu mujtama fi kema ta ijtima. Umon lazim bi kadimu fi maskan” ⁸ Umon bi ihtam be kulu asasat fi kema ta ijitma. Wa umon bi saidu gabail ta Israel ashan bi gedim kidma ta maskan” ⁹ Inta bi wodi lawiin le Harun wa Awulad tou. Wodi umon kulu ashan bi saidu huwo hadiya ta shaab ta Israel. ¹⁰ Inta bi azilu Harun wa iyal tou za kuhana, lakin ai zol garib al bi ja gerib bi katulu. ¹¹ Yahwa kelim le Musa. Huwo kelim, ¹² “aiynu, ana shilu lawiin min wasat ta shaab ta Israel. Ana amulu de bidal ana bi shilu kulu bikiria. Gediya nimira wahid ta rihim, min wasat ta shaab ta Israel. Lawiin tabi le ana. ¹³ Kulu bikiria tabi le ana. Fi yom dak al ana hajimu kulu bikiria fi arid ta masir, ana kutu mujmu barau le nefsa tai kulu bikiria di israel, kulu min rujal wa haiwanat. Umon tabi le ana. Ana Yahwa” ¹⁴ Yahwa kelim le Musa fi beriya ta Sina. Huwo kelim, ¹⁵ “hasibu iyal ta iyal ta lawi fi kulu usura, fi biyut ta abuhat tomon hasibu kulu jena al rajil al umor tou shahar wahid.” ¹⁶ Musa hasibu umon, hasab kalam ta Yahwa, bes ze huwo kan wodi wosiya ashan bi amulu. ¹⁷ Asami ta iyal ta lawi de yau kan gershon, kahat, wa marari. ¹⁸ Del yau asami ta iyal ta gershon, be hasab usura tomon; lubna wa shamei. ¹⁹ Iyal ta kahat, be hasab usura tomon; Amram, Izhar, habron, wa uzziel. ²⁰ Iyal ta marari be hasab usura tomon; mahli wa mushi. Del yau usurat ta lawiin, sejilu hasab usura be usura. ²¹ Usurat ta Lubniin wa ta Shameiin ja min gershon. Del yau usurat ta Gershoniin. ²² Kulu iyal al rujal min umur ta shahar wahid kan mahsub, jumla tou 7,500. ²³ Usurat ta Gerahoniin bi geni fi maskar fi itijah ta garib ta mahal ta ibada “maabad”. ²⁴ Eliasaph weled ta Lael bi khudu usurat ta iyal ta iyal ta Gershoniin. ²⁵ Usura ta Gershon bi ihtam be kema ta ijtima sawa ma maskan ta ibada Umon bi ihtam be kema, bi kati huwo, wa bi istagdemu sitara ze madara le kema ijtima. ²⁶ Umon bi ihtam be satair ta dar bet, setara fi madkal ta dar bet baad dak al Hawishu ta guad wa ta tagiir. Umon bi ihtam be hubal ta kema ta ijtima wa le kulu haja fogo. ²⁷ Usurat del ja min kahath; usura ta al Amramiin, usura ta al Yazhariin, usura ta al Hebroniin, wa usura ta Uzzieliin. Usurat del tabi le al Kahatiin. ²⁸ 8,600 iyal al awlad min umor ta shahar wahid le fok hasibu ashan bi amulu kidma ta malja “gaad”. ²⁹ Usura ta kahath bi kun fi muaskar fi tijah ta junub ta mahal ta ibada “maabad”. ³⁰ Elizaphan ta Uzziel bi khudu biyut ta abuhat ta kahathiin. ³¹ Umon bi ihtam be sefina de, tarabeza, lambat, mazabeh, hajat al mukadas al bi istagdemu fi kidmat tomon, sitara, wa kulu turog ta shokol tou. ³² Eleazar jweled ta Harun al kahin bi khudu rujal al gi khudu lawiin. Huwo bi kun mushirif le rujal al bi amulu kidma ta mahal al mukadas. ³³ Itnin usurat ja min marari; usura ta mahliim wa usura ta mushiin. Usurat del ja min marari. ³⁴ 6,200 iyal al rujal al hasibu be umur shahar wahid wa le fok. ³⁵ Suriel weled ta Abihail bi khudu biyut ta Judud ta marari. Umon lazim bi kutu musaskar fi itijah ta shamal ta maskan ta ibada” ³⁶ Iyal ta iyal ta marari bi ihtam be amulu utor ta maskan ta ibada, urud tou,manasib,asasat,kulu aghiza,wa kulu haja al indu ilaka le umon, be idafa le kida ³⁷ Al amida wa manasib ta biyut al hawuli maskan ta ibada ma magabise tomon, awtat,wa hubal. ³⁸ Musa wa harun wa iyal tomon bi kun fi muaskar fi itijah ta sherik ta maskan ta ibada fi gidam ta kema ta ijtima,mugabi le sherik ta shemis. Umon bi kun musulin fi amulu kidma ta mahal guad “malja” wa gidma ta shaab ta israel. Ai lagi “zol al garib “ al bi ja gerib le malga de bi katulu. ³⁹ Musa wa harun hasibu kulu iyal al rujal fi usura ta lawi al indu umur ta shahar wahid le fok, ze ma Yahwa wodi awamir. Umon hasibu itnin wa ishrin alf rujal. ⁴⁰ Yahwa kelim le musa, hasibu kulu bikiria al rujal ta shaab ta israel al indu umur shahar wahid le fok. Sejilu asami tomon. ⁴¹ Inta bi shilu lawiin le ana – ana Yahwa – bidal ta kulu bikiria ta bahaim ta iyal ta iyal ta Israel .” ⁴² Musa hasibu kulu bikiria ta shaab ta Israel, ze Yahwa kan wodi awamir ashan huwo bi amulu. ⁴³ Huwo hasibu kulu bikiria al rujal be asami, umur shahar wahid wa le fok. Huwo hasibu 22,273 rujal. ⁴⁴ Tani mara Yahwa kelim le musa. Huwo gali ⁴⁵ shilu lawiin bidal kulu bikiria wasat ta shaab ta Israel, wa shilu bahaim ta lawiin bidal ta bahaim ta shaab. Lawiin de tabi le ana- ana Yahwa. ⁴⁶ Ashan bi dafaa 273 bikiria ta iyal ta Israel al zidu adad ta lawiin ⁴⁷ Inta bi jama kamsa shagil le kulu min umon. Inta bi istakdim shagil ta malja ze ma inta amulu magiyas ta wozin. Shagil bi sawi ishrin girah. ⁴⁸ Inta bi wodi gurush al mudfu de inta bi dafa le Harun wa awlad tou” ⁴⁹ Biga Musa jama gurush al mudfu min adad al ziyada de le del dafau ma lawiin. ⁵⁰ Musa jama gurush min bikiria ta shaab ta Israel. Huwo jama 1,365 shagil, wozinu ma shagil ta malja. ⁵¹ Musa wodi gurush al dafau de le Harun wa iyal tou. Musa amulu kulu haja al kelimu ashan huwo bi amulu min kilal kalam ta Yahwa, ze Yahwa kan wodi awamir le huwo.