1 Yahwa kelim tani mara le Musa wa Haron. Huwo kelim, 2 “kulu wahid min shaab ta Israel bi kun hawuli muasfat tou, be yafta ta biyut ta abuhat tomon. Umon bi geni hawuli kema ta ljtma ala kulu taraf. 3 Del al bi geni fi sherik ta kema ta ijtima, tijah al shemish bi tala min fogo, umon yau kem ta Yahuza be mujmu ta Asakir tomon, wa umon bi geni tehet muhasafat tomon . Nahshon weled ta Amminadab yau kaid ta shaab ta Yahuza. 4 Adad al zidu ta shaab ta Yahuza de 74,600. 5 Gebila ta Issachar bi ja geni bad Yahuza. Nathaniel weled ta Zuar bi kud asakir ta Issachar. 6 Adad al zidu le shaab ta Issachar 54,400 rujal. 7 Gebila ta Zabulun bi ja bad Issachar. Eliab weled ta Helon bi kud asakir ta Zabulun. 8 Adad al zidu le shaab ta Zabulun yau 57,400. 9 Kulu adad ta mahal ta Yahuza yau 186,400. Umon bi tala bara awel. 10 Ala tijah ta junub bi kun mahal ta Reuben tehet wosif tomon. Kaid ta mahal ta Reuben yau Alizur weled ta Shedeur. 11 Adad al zidu le shaab ta Reuben yau 46,500. 12 Samaan bi geni fi kema bad Reuben. Kaid ta gebila ta Shamaun yau Shalumiel weled ta Zurishaddai. 13 Adad al zidu le shaab ta Samaan yau 59,300. 14 Gebila ta Gad yau be wara tou. Kaid ta shaab ta Gad yau Eliasaph weled ta Deuel. 15 Adad al zidu le shaab ta Gad yau 45,650. 16 Adad ta kulu rujal al kalifu le mahal ta Reuben, hasab tegsimat tomon, yau 151,450. Umon bi tala bara nimra itniin 17 Bad kida, kema ta ijtima de bi rahalu min muaskar de ma Lawiin fi wasat ta kulu mahalat. Umon bi tala bara min muaskar be nefso nizam ze ma umon ja fi muaskar de. Kulu zol bi kun fi mahal tou, be yafta tou. 18 Ala tijah ta gerib bit kun tegsimat ta muaskar ta Ephrai tehet wosif tomon. Kaid ta shaab ta Ephraim Yau Elishama weled ta Ammihud. 19 Adad al zidu le shaab ta Ephraim yau 40,500. 20 Bad umon gebila ta Manasseh, kaid ta Manasseh yau Gamaliel weled ta Pedahsur. 21 Adad al zidu le shaab ta Manasseh yau 32,200. 22 Bad de bi kun gebila ta Benyamin. Kaid ta Benyamin yau Abidan weled ta Gideoni. 23 Adad al zidu le shaab ta Benyamin yau 35,400. 24 Kulu del al hasibu fi muaskar ta Ephraim yau 108,100. Umon bi tala bara nimira talata. 25 Ala shamal bi kun tegsimat ta muaskar ta Dan. Kaid ta shaab ta Dan yau Ahiezar jena ta Ammishaddai. 26 Addad al zidu ta shaab ta Dan yau 62,700. 27 Shaab ta gebila ta Asher bi ja geni bad Dan. Kaid ta Asher yau Pagiel weled ta Okran. 28 Adad al zidu ta shaab ta Asher yau 41,500. 29 Badu gebila ta Naftali. Kaid ta Naftali yau Ahira weled ta Enan. 30 Adad al zidu ta shaab ta Naftali yau 53,400. 31 Kulu del al hasibu fi muaskar ma Dan yau 157,600 umon bi tala bara min muaskar fi akir mara, tehet yafta tomon” 32 De yau iyal ta iyal ta Israel, mahsub hasab biyut ta abuhat tomon. Kulu de hasibu fi muaskarat tomon, be tegsimat tomon, yau 603,550. Lakin Lawin tou ma hasibu bein shaab ta Israel, ze Yahwa kan wodi wosia le Musa. 33 Lakin huwo Lawiin kan ma idu umon ma anas ta Israel, ze Yahwa kan Amiru Musa. 34 Shaab ta Israel amulu kulu haja al Yahwa amiru Musa. Umon kutu muaskar tomon be yafta tomon. Umon tala bara min muaskar be usurat tomon, fi nizam ta biyut ta judud tomon.