¹ Yahwa kelim le Musa fi beriya ta Sina fi kema ta ejtima. De hasil fi awel yom ta sena nimira itiniin fi fetera ta sena nemra itniin baad shaab ta Israel kan tala bara min arid ta masir. Yahwa kelim, ² “hasibu kulu jamaa ta rujal ta Israel be kasma bab tomon wa biyut ta abuhat tomon. Indu umon be asami. Hasibu kulu rujal rajil gusad rajil ³ Al indu ishiriin sena. Hasibu kulu al bi agder shakila ze askeri le Israel. Inta wa Harun yau bi indu adad ta rijal de fi mujmu tomon ta jesh. ⁴ Rajil min kulu gebila, ras ta kasma bab, be kadimu ma inta ze huwo yau kaid ta gebila. Ai kaid bi kun kayid le rajil, al bi shakila le bet ta abuhat tou. ⁵ De yau asami ta kada al bi shakila ma inta ⁶ Min gebila ta Simeon, Shelumiel weled ta Zurishaddai, ⁷ Min gebila ta Yahuza, Nahshon weled ta Amminadab, ⁸ Min gebila ta Issachar, Nathaniel weled ta Suar, ⁹ Min gebila ta Zebulun, Eliab weled ta Helon, ¹⁰ Min gebila ta Ephraim Weled ta Yusif, Elishama weled ta Ammihud, ¹¹ min gebila ta Benyamin, Abidan weled ta Gideoni, ¹² Min gebila ta Dan, Aliezer jena ta Ammishaddai, ¹³ Min gebila ta Asher, Fajaiel jena ta Okran, ¹⁴ Min gebila ta Gad, Eliyasaf jena ta Deuel, ¹⁵ Wa min gebila ta Naftali, Ahira jena ta Ehan.” Min gebila ta Reuben, Elizur jena ta Shedeur, min gebila ta Manasseh, Gamaliel jena ta Pedahzur, ¹⁶ Del kan rijal al azilu min shaab. Umon bi gud gabail ta judud tomon. Umon yau kan kiyadad ta kasma biyut ta Israel. ¹⁷ Musa wa Haron shilu rijal del, al sejilu be isim, ¹⁸ Wa umon limu kulu nas ma baad fi yom al awel min shahar nimra itniin. Rijal min ishriin sena wa sejilu umon bediri aslan be isim, be hasab kasma bab tomon, hasab biyut ta abuhat tomon, kan hasibu umon rajil be rajil. ¹⁹ Baad dak Musa sejilu asami tomon fi beria ta sina, ze ma Yahwa wodi le umon wosiya ashan umon bi amulu. ²⁰ Min iyal ta iyal ta Reuben, Israel yau bikiria, min al sejilu. Hasab usura tomon, be hasab biyut ta abuhat tomon, asami ta rijal de kulu ishriin sena be agdamia bi agder ruwa le harib, hasibu rajil be rajil. ²¹ Hasibu umon 46,500 rujal min gebila ta Reuben. ²² Min iyal ta iyal ta Simeon min al hasab usura tomon, be hasab biyut ta abuhat tomon. Asami ta kulu mujmu ta rujal de ishriin sena bi agder ruwa fi harib, hasibu rajil be rajil. ²³ Hasibu umon 59,300 rajil min gebila ta Simeeon. ²⁴ Min iyal ta iyal ta Gad, min al sejilu, be hasab usura tomon, hasab biyut ta abuhat tomon, asami ta kulu rujal de ishriin sena bi agder ruwa le harib, kan mahsub. ²⁵ Husibu umon 45,650 rajil min gebila ta Gad. ²⁶ Min iyal ta iyal ta Yahuza, min al sejilu be hasab usura tomon, hasab biyut ta abuhat tomon, asami ta kulu rujal de ishriin sena bi agder ruwa le harib, kan mahsub. ²⁷ Hasibu umon 74,600 rujal min gebila ta Yahuza ²⁸ Min iyal ta iyal ta Issachar, min al sejilat, be hasab usura tomon, hasab judud tomon, asami ta kulu rujal de ishriin sena bi agder ruwa lr harib. ²⁹ Hasibu umon 54,400 rujal min gebila ta Issachar. ³⁰ Min iyal ta Zebulun, min sejilat, be usura tomon, be biyut ta judud, asami ta shabab kulu min ishirin sena, bi agder ruwa fi harib, hasibu. ³¹ Hasibu umon 57,400 rijal min gebila ta Zabulun. ³² Min iyal ta iyal ta Ephraim weled ta Yusif, min al sejilat be hasab usura tomon, hasab biyut ta judud tomon asami ta kulu rujal de ishriin sena, bi agder ruwa fi harib, kan mahsub. ³³ Hasibu umon 40,500 rujal min gebila ta Ephraim. ³⁴ Min iyal ta iyal ta Manasseh weled ta Yusif, min al sejilat, be hasab usura tomon, be hasab biyut ta judud tomon, asami ta kulu rujal de ishriin sena bi agder ruwa fi harib, kan mahsub. ³⁵ Hasibu umon 32,200 rujal min gebila ta Manasseh. ³⁶ Min iyal ta iyal ta Benyamin, min al sejilat, be hasab usura tomon, hasab biyut ta judud tomon, asami ta kulu rujal de ishriin sena bi agder ruwa fi harib, kan mahsub. ³⁷ Hasibu umon 35,400 rujal min gebila ta Benyamin. ³⁸ Min iyal ta iyal ta Dan, min al sejilat, be hasab usura tomon hasab biyut ta judud tomon, asami ta kulu rujal de ishriin sena bi agder ruwa fi harib, kan mahsub. ³⁹ Hasibu umon 62,700 min gebila ta Dan. ⁴⁰ Min iyal ta iyal ta Asher, min al sejilat, be hasab usura tomon, hasab biyut ta judud tomon, asami ta kulu rujal de ishriin sena, bi agder ruwa fi harib, kan mahsub. ⁴¹ Hasibu umon 41,500 rujal min gebila ta Asher. ⁴² Min iyal ta iyal ta Naftali, min al sejilat, be hasab usura tomon, hasab biyut ta judud tomon, asami ta kulu rujal de ishriin sena, bi agder ruwa fi harib, kan mahsub. ⁴³ Hasibu umon 53,400 min gebila ta Naftali. ⁴⁴ Musa wa Haron hasibu kulu rujal de, ma baad ma itnashar rujal al kan bi kud Israel min biyut ta judud tomon. ⁴⁵ Ashan kida kulu rujal ta Israel min ishriin sena, kulu al mumkin bi shakila fi harib, kan mahsub fi hasab biyut ta judud tomon. ⁴⁶ Hasibu umon 603,550 rujal. ⁴⁷ Lakin lawiin kan ma hasibu hasab gebila ta judud tomon ⁴⁸ Leanu Yahwa kelim le Musa, ⁴⁹ “inta ma bi hasibu gebila ta lawi au bi domu umon fi jumla ta shaab ta Israel. ⁵⁰ Bidal le de kelifu lawiin kede ihtam le maskan ta tifagiya ta marasim, wa bi ihtam le kulu asasat al fi maskan wa le kulu haja foko. Lawiin bi arfa maskan, wa umon bi arfa asasat ta maskan. Umon bi ihtam be maskan de wa amulu muaskar tomon hawuli huwo. ⁵¹ Asa maabad de bi hariku le mahal tani, lawiin be kutu huwo tehet. Ai zol gerib al bi ja gerib ma maabad de bi katulu. ⁵² Kan shaab ta Israel arfa keima tomon fok, ai rajil bi amulu zede le yafta al tabi le mujmu ta junud tou. ⁵³ Wa ma zalik, Lawiin lazim bi kutu kemat tomon hawuli Maskan ta kararat ta tifagiya ashan gadab ma bi ja fi ras ta shaab ta Israel. Lawiin bi bi amulu kidma ta maskan ta kararat ta tifagia.” ⁵⁴ Shaab ta Israel amulu hajat del kulu. Umon bi amulu ai haja al Yahwa wosia be wasat Musa.