¹ Yahwa kelim le musa wa Harun. Huwo gali, ² shilu adad ta iyal ta kahath al rujal min wasat ta lawiin, be usura tomon wa biyut ta abuhat tomon. ³ lasibu kulu rujal al min te letin le khamsin sena. Rujal de bi limu fi sherika ashan bi kadimu fi kema taljtima. ⁴ iyal ta iyal ta kahath bi kun musuel aktar le hajat al mukadas al hahau le ana fi kema ta ijtima. ⁵ Wokit jahisu ashan bi rahalu muaskar le gidam, Harun wa awulad tou bi ruwa dakil kema, bi rezilu le tehet sitara ta fahis al bi fergu mahal al fogo kadasa wa bi kati sefina “tabut” ta shehada be huwo. ⁶ Umon bi kati sefina de be gita ta gilid ta ijil. Umon bi wazau gumash al zahari kalis fok tou. Umon bi dakalu kashabin ashan bi arfa huwo. ⁷ Umon bi wazau gumash al zahari de fi tarabeza ta esh ta hudur. Umon bi kutu fogo, suhana, maalik, salatat, wa kasat ta shirab bikutu. Eash bi kun dayam be istimrar fi tarabeza. ⁸ Umon bi wazau fok tomon gumash lori tou gurmuzi wa bi kati Kaman be gulud ta jilid al umon vi kutu akshab ashan bi arfa tarabeza de. ⁹ Umon bi shilu gumash al azrak wa umon bi kati tijah al bi wala le gidam ma lambat tou, kamasha, suhana, wa kulu kasat ta zet le lambat . ¹⁰ Umon bi kutu lamba al indu jinah wa kulu hajat idafya” fi kuta ta jilid ta ijil wa umon bi kutu huwo fi hamal. ¹¹ umon bi wazau gumash al azrak de mazbah min dahab humon bikah huwo be kuta to gilid taljil wa blga bi kutu fi hamala ta keshab ¹² Umon bi shilu kulu ajhiza ta kidwa al umon bi kadimu me huwo fi malja wa bi lifu umon fi gumash al azrak umon bi kati ma kuta min jilid ta ljil wa bi kutu ajhiza de fi hamala. ¹³ Umon bi zahiru rumad de beid min zet ta mazbaz wa bi wazau gumash ta arjuwam fi mazbah. ¹⁴ Umon bi kutu fi hamala kulu ajhiza al umon lstakdimu fi shokol ta mezbah. Ajsam del yau doka ta nar, shoka gatayat kora wa kulu ajhiza ta mazbah ma jilid al naim wa baad dak kutu hamala ta kasabat. ¹⁵ Kan biga Harun wa awluad tou kalasu kati ta mahal al mukadas wa kulu ajhiza tou, wa asha muaskar bi rahalu le gidam biga iyal ta iyal ta kahath bi ja ashan bi arfa mahal al mukadas. Kan umon lemesu alat al mukadas de umon bi mutu. De yau shokol ta iyal ta iyal ta kahath, ashan bi arfa fi kema ta ijtima. ¹⁶ Eleazar weled ta Harun al kahin wokilu huwo le ihtimam be zat ta nur, bokur al indu riha hilu, tagdim al sabit wa zet ta misha. Wokilu huwo le ihtimam be maskan ta ibada wa kulu al fi fogo, mahal al mukadas wa ajhiza tou. ¹⁷ Yahwa kelim le Musa wa Harun. Huwo gali, ¹⁸ Mata rudu le gebila ta iyal ta iyal ta kahathiin ashan bi talau bara min wasat ta Lawiin. ¹⁹ Hasa amulu de le umon ashan umon bi hai wa ma bi mutu, kan umon ja gerib be hajat ta mahal al mukadas “kuds al akdas” Harun wa iyal tou bi dakalu juwa, wa bi wodi le kulu zol shokol tou wa mosulia tou. ²⁰ Lakin kahathiin ma bi dakalu ashan bi aiynu mahal al mukadas, hata le lahaza besit, au umon bi mutu. ²¹ Yahwa kelim tani mara le Musa. Huwo gali, ²² Shilu adad ta iyal ta iyal Gershon Kaman, be hasab biyut ta abuhat tomon wa usura tomon. ²³ Hasibu del al indu teletin sena le kamsiin sena, hasibu umon kulu al bi dum fi sherika ashan bi kadimu fi kema ta ijtima. ²⁴ De yau shokol ta usura ta Gershoniin, asha umon bi kadimu wa umon bi arfa. ²⁵ Umon bi arfa sejif ta maskan ta ibada, kema ta ijtima, kuta tou, kuta ta jilid ali fok tou, wa sejif ta dukul le kema ta ijtima. ²⁶ Umon bi arfa sejif ta dar, sejif ta bab ta sika ta bab ta dar, al gerib le maskan ta ibada, wa gerib ma mazbah, hubal tomon, wa kulu asasat le kidma tomon. Kulu al bi amulu be hajat del, umon bi amulu huwo. ²⁷ Harun wa iyal tou bi wori kulu kidma ta iyal ta iyal ta Gershoniin. Fi kulu haja al umon bi hawilu, wa fi kulu kidma tomon. Ita bi wori le umon bi kulu mosuliya tomon. ²⁸ De yau kidma ta usura ta iyal ta iyal ta Gershoniin le kema ta ijtima. Ithamar weled ta Harun al kahin bi khudu umon fi kidma tomon. ²⁹ Inta bi hasibu iyal ta iyal ta marary be hasab usura tomon, wa nizamu umon be hasab biyut ta Judud tomon, ³⁰ Min teletiin sena wa le fok lahadi kamsiin sena. Hasibu kulu zol al bi ruwa dum fi sherika wa bi kadimu fi kema ta ijtima. ³¹ De yau musulia tomon wa humula tomon fi kulu kidma tomon le kema ta ijtima. Umon bi ihtam be loha ta maskan ta ibada, urud tou, manasib , wa magabes ³² Le gidam be manasib ta hawuli maskan ta ibada, magabes, awutad, wa hubal tomon, be kulu ajhiza tomon. Hasibu be isim hajat al umon bi shilu. ³³ De yau kidma ta usura ta iyal ta iyal ta marari, al umon amulu la kema ta ljtima, tehet irsahad ta thamar jena ta Harun al kahin. ³⁴ Musa wa Harun wa ruasa ta mujtama hasibu iyal ta iyal ta khathiin be hasah usura ta biyut ta abuhat tomon . ³⁵ Umon hasibu umon min teletiin sena wa le fok lahadi kamsin sena. Umon hasibu kulu zol al bi dum fi sherika fi kidma ta kema ta ijtima. ³⁶ Umon hasibu 2,750 rujal bi hasab usura tomon. ³⁷ De kan sejlat ta usura ta kahathiin al kadimu fi kema ta ijtima. Musa wa Harun hasibu umon hasab awamir ta Yahwa al kan wodi be wasat musa. ³⁸ Iyal ta iyal ta Gershon kan hasibu fi usura tomon, be hasab biyut ta judud tomon, ³⁹ Min teletiin le kamsiin sena. Kulu zol al der dum le sherika ashan bi kadimu fi kema ta ijtima. ⁴⁰ Kulu rujal hasibu be hasab usura tomon wa biyut ta judud tomon, mahsub 2,630 ⁴¹ Musa wa Harun hasibu usura ta iyal ta iyal ta Gershon al kadimu fi kema ta ijtima. Fi shokol de, umon tei awamir al kan Yahwa amiru umon ashan bi amulu be wasat musa ⁴² Iyal ta iyal ta marari kan hasibu fi usura tomon be hasab biyut ta judud tomon, ⁴³ Min teletiin le kamsiin sena ,kulu zol al dum fi sherika ashan bi kadimu fi kema ta ijtima . ⁴⁴ Kulu rujal hasibu be hasab usura tomon wa biyut ta judud tomon, mahsub 3,200. ⁴⁵ De kan sejilat ta usura ta iyal ta iyal ta marari. Al musa wa Haron hasibu be hasab awamir ta Yahwa al ja be wasat ida ta musa ⁴⁶ Biga musa ,Harun,wa ruasa ta Israel hasibu be kulu lawiin be hasab usura tomon fi biyut ta abuhat tomon ⁴⁷ Min teletiin sena le kamsiin sena. Umon hasibu kulu zol amulu shokol fi maskan ta ibada wa al arfa wa ihtam be hajat fi kema ta ijtima. ⁴⁸ Umon hasibu 8,580 rujal. ⁴⁹ Hasab awamir ta Yahwa, musa hasibu kulu rjil, hafisu hisab zol be hasab shokol al kan wodi ashan huwo bi amulu hasab nou ta musulia al huwo hariku. fi shokol de, umon tii kalam al Yahwa amiru umon ashan bi amulu be wasat Musa.