¹ Yahwa wonusu le Musa wa kelim, ² Amiru shab ta Israel wa kelim le umon, fi awkat muhadad keli intum gidimu le ana zebiha, akil ta tegdima tai de keli haragu ma nar ashan bi tala riha hilu le ana? ³ Kaman keli inta kelim le umon, tegdima al intum bi haragu bi nar de, keli gedimu le Yahwa korufan al rujal umur ta sina al ma indu eeb Itniin fi yom wahid, bi gedim tegdima al haragu de bi Istimrar. ⁴ Koruf wahid bi gedimu sabah wa khuruf al tani de bi gedimu fi misa, ⁵ Keli intum gedimu ashara min miya ta ephah min degig al name zi tegdima ta dura, keli ageenu ma rubu-wahid ta hint a ziet al safau. ⁶ De yau tegdim al haragu al bi gedimu bi istemrar al kan kelemu fi jebel Sinai ashan bi tala riha hilu tegdima al haragu gi wodi le Yahwa. ⁷ Tegdima al gi asurubu keli kun rubu min hin le wahid min al korufan. Keli intu kubu tegdima ta asurubu de fi al makan al mukadas ashan shirab al gowi le Yahwa. ⁸ Keli intum gedim bagi koruf de fi misa ma tegdim ta dura tani ze al kan gedimu sabah dak. Keli intum Kaman gedimu ta shirab tani ma huwo tegdim al haragu ma nar ashan bi jibu riha al hilu le Yahwa. ⁹ Wa fi yom Sebit keli intum gedimu itniin korufan al rujal al indu sina wahid wa ma indu eeb, wa itniin ashara fi miya min ephah ta degig al naim ze tegdima ta dura, ajinu be zet wa tegdim ta shirab sawa ma huwo. ¹⁰ Keli de yau kun tegdima ta kuku yom Sebit, ziyada le tegdima al gi haragu bi istimrar wa tegdima ta shirab sawa. ¹¹ Fi bidaya ta kuku shahar, keli intum wodi tegdima gi haragu le Yahwa keli into wodi itniin bagara al suhar wahid ghanamaya wa saba khurfan al rujal umur sena wahid al ma indu eeb. ¹² Kaman keli intum gedimu talata-ashara fi miya min ephah ta degig al naim ze tegdima ta dura bi ajinu be zet le kulu bagara wa itniin ashara fi miya min digig al naim tegdim ta dura ajinu be zet le ghanamaya wahid. ¹³ Keli intum Kaman gedimu ashara min miya ephah min degig al naim ajinu be zet ze tegdim ta dura le kulu koruf. De yau bi kun tegdim al haragu be nar le Yahwa. ¹⁴ Nas al si ashirab tegdim al haragu bi wodi nus ta hin le ghanamaya wa rubu-wahid ta hin le koruf. De keli kun tegdim al haragu fi kulu shahar min shuhur ta sena. ¹⁵ Keli gedimu ghanamaya al rajil wahid le Yahwah ashan tegdim ta katiya. De bi kun ziyada le tegdima al gi haragu al gi gedimu bi istimrar ma tegdim shirab sawa. ¹⁶ Fi khilal shahar wahid, fi yom al arbatashar fi shahar bi kun eid paska ta Yahwa. ¹⁷ Keli amulu ihtifal fi yom al khamistashar fi shahar de keli akulu esh al mafi fogo khamira. ¹⁸ Fi yom al awel, keli kun fi ijtema al mukadus le ibada ta Yahwah. Nas keli ma ishtakal fi yom dak. ¹⁹ Lakin keli intum gedimu zebiha al haragu bi nar le Yahwa. Keli intum gedimu itniin bagarat al suhar, 58 wahid ghanamaya, wa saba korufan al rujal umur sena wahid, al ma indu eeb. ²⁰ Keli intum gedim tegdim ta dura ta talata-ashar fi miya min ephah ta degig al naim ajinu be zet, keli gedimu ma bagara de sawa ma ganamaya, ta itniin ashara fi miya. ²¹ Ma ai wahid min saba korufan del, keli intum wodi ashara fi miya min ephah ta degig al ajinu mbe zet ²² sawa ma ganamaya al rajil ashan bi kasulu nefsa takun. ²³ Intum lazim keli wahid intum gedim hajat del ziyada le tegdima al intum gi gedimu bi istimrar al deiru kulu yom sabah. ²⁴ Keli intum gedimu zabiha del kulu yom, zi wosifu hini, le madat saba yom ta paska, akil ta tegdima de keli haragu bi nar ashan riha al hilu bi gi haragu bi istimrar de ma tegdima idafatan ta shirab sawa, ²⁵ Wa fi yom al sabie keli intum limu fi ijtima al mukadas ashan bi azimu Yahwa. Wa keli intum ma istakal shokolat takum fi yom dak. ²⁶ Wa Kaman fi yom ta simar al awel, kan intum bi gedimu tegdim le Yahwa fi eid ta usbu, intum lazim bi amulu ijtima al mukadas le Yahwa, wa keli intum ma ishtakal shokolat takum fi yom dak. ²⁷ Keli intum wodi zebiha al haragu ashan bi wodi riha al hilu le Yahwa. Keli intum gedimu itniin bugar al sukerin, wahid koruf, wa saba korufan rujal al itniin umur sena. ²⁸ Kaman keli intum wodi tegdima ta dura sawa ma hajat del. Degig naim al ajinu be zet, talata-ashara fi miya ta ephah min degig al naim al ajinu ma zet le bagara wahid wa itniin ashara fi miya le wahid koruf. ²⁹ Wodi ashara fi miya min ephah ta degig al ajinu be zet le saba korufan, ³⁰ Wa wahid ganamaya al rajil ashan bi tehiru nufus takum. ³¹ Zaman intum gi wodi haiwanat del al ma indu eeb ma tegdimat ta shirab tou sawa. De keli gedimu adafa le tegdim al gi haragu bi istimrar de wa tegdim ta dura sawa