¹ Baad dak le Musa ja banat ta zelophehad weled ta Hepie weled ta Gilead weled ta makir weled ta Manasseh, ta ashira ta Manasseh weled ta Yusif. Wa de asma ta banat tou; Mahlah, Noah, Hoglah, Milkah wa Tirzah. ² Umon ja wogif ta Musa, Eleazar al khahin wa al kiadat, wa gidam to nas ta mujtamaa kulu min bidaya ta bab lahadi kema ta ijtma-wa umon kelim. ³ Abu ta nina mutu fi beriya- huwo kan mafi fii mejles ta Korah-huwo mutu bi shabab ta katiya tou, wa huwo ma indu awulad. ⁴ Malu Isim ta abu ta nina shilu bara min nus ta adda ta shira tou ashan huwo ma indu awulad? Wodi le nina mumtalakat min bein ahal ta abu ta nina. ⁵ Yala Musa jibu gediya de gidam ta Yahwa. ⁶ Yahwa kelimu le Musa wa gal. ⁷ Banat ta Zelphehad kan gi wonusu kalam al sah. Keli intum wodi le umon mumtalakat zi worisa min beina Ahal ta abu tomon, wa keli intum akide inu worisa ta abu tomon wosulu le umon. ⁸ Keli inta kelim le shaab ta Israel wa kelim gal kan rajil mutu wa ma indu awulad, keli intum wodi worisa de le biniya tou. ⁹ Kan huwo ma endu biniya, biga intum bi wodi worisa de le akwana tou. ¹⁰ Kan huwo ma indu akwana keli into wodi le akwana ta abu tou. ¹¹ Kan huwo abu tou ma indu akwana, biga keli intum wodi worisa de le agrab ahal tou al fi gebila wa keli huwo shilu le nefsa tou. De bi kun ganun al wodi bi karar le shaab ta Israel, zi ma Yahwa kelim le ana. ¹² Yahwa kelimu le Musa arkab fok fi jebel ta Abarim wa inu al ardi al ana wodi le shab ta Israel. ¹³ Baad kan inta jenu, keli inta Kaman limu maa shaab taki, zi Harun aku taki. ¹⁴ De bi hasil ashan intum al itniin itmarad diid awamir al kan fi sahra fi beriya t zin fi zaman ta sura fi mujama ta nas. Ashan keda, zaman moyo kubu min jebel, ma zalan taki inta aba abidu ana zi al kudus gidam ta ina ta mujtam kulu. De miyah ta Meribah Kadesh fi beriya ta Zin. ¹⁵ Baad dak Musa kelim le Yahwa gal, ¹⁶ Keli inta Yahwa, Allah ta aruwah ta nas kulu, inta bi azilu zol min mujtama de, ¹⁷ Zol al bi agder ruwa wa bi ja gidam tomon wa bi shilu umon bara wa reja umon, ashan mujtama keli ma kun ze korufan al ma indu sidu tou”. ¹⁸ . Yahwa kelim le Musa, “Shilu Joshua jena ta Nun, zol al rohu tai gi geni fi huwo, wa kutu ida taki fi huwo. ¹⁹ Wodi fi gidam ta Eleazar al khahin wa gidam mujtama kulu, wa wodi le huwo musuliya gidam ta ina tomon ashan huwo bi kun kaid le umon. ²⁰ Keli inta wodi baad min sultat taki le huwo, ashan mujtama ta shaab ta Israel bi asuma huwo. ²¹ Keli huwo ja gidam ta Eleazar al khahin ashan bi fetisu irada tai le huwo ashan bi wodi le howo Urim. Bi kun tehet musuliya tou ashan shab bi ruwa wa ja, kan huwo wele shab ta Israel kulu sawa ma huwo, mujtata kulu.” ²² Yala Musa amulu ze Yahwa kan kelim le huwo. Huwo shilu Joshua wa wodi gidam Eleazar al khahin wa gidam mujtama kulu. ²³ Musa kutu ida fi ras tou wa .amiru huwo ashan bi khudu shab. Zi Yahwa kan amiru huwo ashan bi amulu