¹ Fi shahar al sabi, fi yom al awel fi shahar, keli intum amulu ijtima al mukadas ashan intum bi azimu Yahwa. Keli intum ma ishtakal shokolat takum fi yom dak. Bi kun fi yom al intum bi afuku turumbeta. ² Keli intum gedimu tegdim al gi haragu ashan bi wodi riha al hilu le Yahwa. Keli intum wodi bagara al sukeir, koruf wahid, wa saba koruf al rujal umur sena wahid, kulu wahid ma indu eeb. ³ intum lazim bi gedimu hajat del ma tegdim ta dura tou, wa degig al naim al ajinu ma zet, talata-ashara fi miya min ephah le bagara, itniin-ashara fi miya le kebish, ⁴ Wa wahid-ashara fii miya koruf min saba korufan del, ⁵ Keli intum wodi ties al rajil ashan tegdima ta katiya ashan bi kasulu intum. ⁶ Wodi takum tegdim de fi al shahar al saba. Idafa le tegdimat de kulu al intum bi wodi fi bidaya ta kulu shahar; tegdima ta dura sawa. Keli kun idafa le tegdimat al gi haragu bi istimrar, sawa ma tegdima ta dura wa tegdima del, keli intum amulu kalam al kan alinu ashan bi wodi riha al hilu, tegdima al gi haragu le Yahwa. ⁷ Keli intum amulu ijtima al mukadas ashan bi azimu Yahwa fi yom al ashir min al shahar al sabie. Keli intum nizilu nefsa takun wa ma keli intum istakal. ⁸ Keli intum wodi tegdim al gi haragu ashan bi wodi riha al hilu le Yahwa. Keli intum wodi bagar wahid al sukeir, kabish wahid wa saba korufan al rujal umur sena wahid. Ma keli umon kun indu eeb. ⁹ Keli intum gedim sawa ma hajat del tegdim ta dura, degig al naim, al ajinu be zet, talata-ashara fi miya ta ephah le bagara itniin-ashara fi miya le wahid koruf. ¹⁰ Wa shara fi miya ta ephah le ai wahid min saba koruf del. ¹¹ Keli intum gedimu tes wahid ashan tegdim ta katiya wa de bi kun idafa le tegdim ta katiya le korufan, tegdim al gi haragu bi istimrar, sawa ma tegdim ta dura wa tegdim ta shirab tou. ¹² Fi yom al khamistashar min al shahar al sabie keli intum amulu ijtima al mukadas ashan bi azimu Yahwa. Keli intum ma ishtakal shokolat takum ta kulu yom fi yom dak. Wa keli intum amulu ihtifal le huwo le muda saba yom. ¹³ Keli intum gedimu zebiha al gi haragu tegdima al haragu ma nar ashan bi wodi riha al hilu le Yahwa keli intum gedim talatashar abugar al sukier itniin korufan, wa arbatashar korufan al rujal umur sena wahid. Ai wahid ma indu eeb. ¹⁴ Keli gedimu sawa ma tegdim ta dura, degig al naim al ajinu be zet talata-ashara fi miya ta ephah le ai bagara min talatashar bagarat del itniin-ashara fi miya ai koruf le korufan al itniin. ¹⁵ Wa ashara fi miya ta ephaha le ai wahid min arbatashar korufan de. ¹⁶ Keli intum wodi wahid tes ashan tegdim ta katiya ziyada le tegdim al si haragu bi istimrar de tegdim ta dura sawa ma tegdim ta shirab. ¹⁷ Fi yom al tani min al ijtima keli intum gedimu itnashar abugar al sukar, itniin korufan wa arbatashar korufan al rujal umur sena wahid kulu wahid ma indu eeb. ¹⁸ Keli gedimu ma tegdim ta dura wa tegdim ta dura wa tegdim ta shirab le bagarat, le korufan, wa le korufan del amulu takum tegdimat ketir zi kan kelimu. ¹⁹ keli intum wodi tes wahid zi zibiha ta katiya idafa le tegdim al gi haragu bi istimrar, sawa ma tegdim ta dura wa tegdim ta shirab tou. ²⁰ Fi yom al talit ta ijtima, lazim kede intum gedimu hidashar bagarat, itniin koruf, wa arbatashar korufan sukerin al rujal umur sena wahid, kulu wahid ma indu eeb. ²¹ Keli gedimu sawa ma tegdim to dura wa tegdim ta shirab le bagarat, le korufan wa le korufan sukerin, keli intum amulu tegdima ketir ze al kan kelimu. ²² Keli intum wodi tes wahid ashan tegdim ta katiya idafa tan le tegdima al gi haragu bi istimrar, sawa ma tegdim ta dura tou, wa tegdim ta shirab tou. ²³ Fi yom al Rabie min al ijtimaa, keli intum gedimu ashara bagarat, itniin kebish, wa arbatashar korufan al rujal umor sena wahid, ai wahid ma indu ieb. ²⁴ Keli intum amulu haman ma tegdim ta dura sawa wa tegdim ta shirab le bagarat del. Le kebishat, wa korufan, keli amulu tegdim de ketir zi al kan kelimu. ²⁵ Keli intum gedimu tes wahid ashan zebiha ta katiya idafatan le tegdim al si haragu bi istimrar sawa ma tegdim ta dura tou, wa tegdim ta shirab sawa. ²⁶ Fi yom al khamis min ijtima, keli intum wodi tisa bagarat, itniin kebish, wa arbatashar umur korufan sena wahid, al ma indu eeb. ²⁷ Keli intum amulu sawa ma tegdim ta dura wa tegdim tashirab ke bagarat de, le kebish de wa korufan de amulu takun tegdimat aktar zi al kan kelimu. ²⁸ Keli intum gedim teed wahid zi tegdim ta katiya idafatan le tegdimat al gi haragu bi istimrar. Sawa ma tegdima ta dura tou, wa tegdim ta shirab sawa. ²⁹ Fi yom al sadis min ijtima, keli intum wodi tamaniya bagarat, itniin kebish wa arbatashar korufan umur sena wahid, ai wahid ma indu eeb. ³⁰ Keli intum amulu sawa ma tegdim ta dura wa tegdim ta shirab le baragarat deel, le kebishat, wa le korufan, keli amulu tegdimat de aktar ze al kan kelimu de. ³¹ Keli intum gedimu tes wahid ashan zibiha ta katiya idafatan le tegdim al gi haragu bi istimrar, sawa ma tegdim ta dura ma tegdim ta shirab sawa. ³² Fi yom al sabie min al ijtima, keli intum gedimu saba bagarat, itniin kebish wa arbatashar korufan umur sena wahid, ai wahid ma indu eeb. ³³ Keli intum amulu sawa ma tegdim dura wa tegdim ta shirab le bagarat le kebishat, wa le korufan, keli amulu tegdim de aktar ze al kan kelimu de. ³⁴ Keli intum gedimu tes wahid ze tegdim ta katiya idafatan le tedimat al gi haragu bi istimrar, sawa ma tegdim ta dura, wa tegdim ta shirab tou. ³⁵ Fi yom nimira taminiya, keli intum amulu ijtima tani rismiyan. Keli intum ma ishtakal shokolat takum al diaman fi yom dak. ³⁶ Kel intum gedimu tegdim al gi haragu, tegdim al haragu bi nar ashan bi tala riha al hilu le Yahwa, keli intum wodi bagara wahid. Kebish wahid wa saba korufan aumor sena wahid, ai wahid ma indu eeb. ³⁷ Keli gedimu sawa ma tegdim ta dura, tegdim ta shirab le bagarat le kebish wa le korfan, keli amulu tegdimat ketir ze al kan kelimu de. ³⁸ Keli intum wodi tes wahid ashan tegdimat al gi haragu daiman, sawa ma tegdim ta dura, wa tegdim ta shirab tomon. ³⁹ De yau hajat al intum bi gedimu le Yahwa fi ihtifalat takum al muhadad umon bi kun idafa le waad takum wa tegdimat al min irada takum. Keli intum gedimu hajat del ze tegdim al gi haragu, tegdim ta dura, tegdim ta shirab, wa tegdim ta ibada. ⁴⁰ Musa kelim le shaab ta Israel ai haja al kan Yahwa amiru huwo ashan bi wori le shaab