¹ Wokit melik ta Canniin ta Arad, al ish fi negev, asuma gal Israel mashin be sika ta Atharim, huwo shakil diid Israel wa shilu juzu minum asir ta harb. ² Israel halifu le Yahwe wa kelim, “iza kan inta wodi lena intishar fi nas del, nina bi demiru medina tomon kulu kulu”. ³ Yahwa asuma le sot ta Israel wa huwo wodi le umon intishar ie Cananiin. Umon demiru umon kulu kulu wa mudun tomon. Mahal dak kutu isim Harmah. ⁴ Umon ruwa min Jebel Hor min sika le Bahr ta bush ashan ruwa hawili ardi ta Edom. Nas kan biga Jahzaniin fi sika. ⁵ Nas wonusu diid Allah wa Musa. “le inta jibu nina bara min Masir ashan bi mut fi Beriya? Al mafi rekif, mafi moyo, wa nina bi akra Akil al taban de? ⁶ Baad dak, Yahwa rasal dabaib al endu sim fi wasat al nas. Al dabaib adi nas; nas ketir ta Israel mutu. ⁷ Nas ja le Musa wa kelim, “Nina amulu katiya ashan nina kelim diid Yahwa wa inta. Seli le Yahwa ashan huwo keli shilu dabaib de min nina. “Ashan kida Musa seli le nas de. ⁸ Yahwa kelimu le Musa, “sala dabaib wa kaligu fi hamut, bi hasil kida ai wahid al adi bi hai, iza huwo inu le huwo” ⁹ Yala Musa sala dabaib min nihas wa haligu fok fi hamut. Wokit dabaib adi ai zol, iza huwo inu fi debib min nihas de huwo bi hai. ¹⁰ Baad dak iyal ta Israel ruwa wa kutu kam fi Oboth. ¹¹ Umon ruwa min Oboth wa kutu kem fi Lye Abarim fi sahra al gi wajihu moab fi sherik ¹² Wa min hinak umon ruwa wa kutu kem fi kor ta Zered. ¹³ Wa min hinak umon ruwa wa kutu kem fi tija tani ta bahar Arnon, al fi sahra al fi tija ta hudud Amoritiin. Al bahar ta Arnon huwo fi hudud ma Moab, bein moab ana amoritiin. ¹⁴ Ashan kida kelimu fi kitab ta Hurubad ta Yahwa, " Zahab in Suphah, wa wade ta Arnon, ¹⁵ Nezila ta wade al mashi le medina ta Ar wa bi waga fi hudud ta Moab.” ¹⁶ Min hinak umon safir le Beer, al bir al Yahwa kelimu le Musa, “limu nas sawa le ana ashan wodi le umon Moyo. ¹⁷ Baad dak Israel guna de: "Tala wa mala Biir guna anu, ¹⁸ An al biir al kiadad ta nina hafiura, “ bir al kebir al nas hafura, ma hafara wa asayat tomon” ¹⁹ Umon safir min Mattanah le Nahaliel, wa min Nahaliel le Bamoth ²⁰ Wa min Bamoth le nezila ta Moab. De yau ras ta jebel Pisgah gi aiynu tehet le beriya. ²¹ Nas Israeliin rasulu rijal le Melik Sihon ta Amorites, rijal de kelim le Melik, ²² Keli nina ruwa min abri ardi takun. nina ma bi lifu le mahal zira wala Jinena. Nina ma bi ashrurubu moyo min abiyar takun. Nina bi ruwa be sika al kebir lahadi nina bi gata hudud takun” ²³ Lakin melik Sihon ma rudu Israel as abir wasat hudud tomon. Bidal min de, Sihon limu kulu Jesh sawa wa ruwa fi breiya diid Israel. Huwo ja le Jahaz, mahal al huwo shakil did Isreal. ²⁴ Israel hajimu Jesh ta Sihon be sef wa shilu ardi tomon min Arnon lahadi bahar Jabbok, le ma safa ta ardi ta nas ta Ammon. Hasa al hudud ta nas Ammon Kan Mushkila, ²⁵ Israel shilu kulu mudun ta Amoratiin wa shakin fogo kulu, zaid Heshbon wa kulu kurat. ²⁶ Heshbon kan medina ta Sihon melik ta Amoratiin, al shakil diid al melik al sabik ta moab. Sihon shilu kulu ardi tou min hudud Lahadi bahar Arnon. ²⁷ De yau sabab del bi wonusu be amsal, bi gul, Taal le Heshbon. Kede medina ta Sihon abinu wa ashisu tanimara. ²⁸ Nar gam fi Hesbon, duhan min medina ta Sihon al demiru Ar ta Moab, wa sidi mahal al fok ta Arnon. ^{30 29} Wululu le intum Moab! Intum mutu, shab ta Chemosh. Huwo amulu awulad tou kadamin wa banat tou masajin. ta Sihon Melik ta Amoritiin 30 Lakin nina gobudu Sihon. Heshbon demiru kulu kulu lahadi Dibon. Nina gelibu umon min sika ta Nophah, al wosulu le Medeba.” ³¹ Yala Israel bada ish fi ardi ta Amoratiin. ³² Baad dak Musa rasulu rijal ashan bi aiynu le jazer. Umon shilu beled tomon wa Turuju Amoratiin al kan hinak. ³³ Baad dak umon rija wa ruwa be sika ta bashan. Og melik ta bashan ruwa diid umon, huwo wa kulu Jesh tou, ashan shakil umon fi Edrei. ³⁴ Baad dak Yahwa kelim le Musa, “Mata kafu huwo, leanu ana wodi le inta intishar fogo huwo, jesh tou kulu, wa ardi tou. amulu le huwo ze intum amulu le Sihon melik ta Amoratiin, al kan gi ish fi Heshbon” ³⁵ Yala umon katulu huwo, wa awulad tou, wa Jesh kulu, lahadi wele wahid min nas tou al sibu hai. Baad dak umon shilu ardi tou.