¹ Shab ta Israel safar lahadi umon kutu kem fi ardi ta Moab gerib ma Ariha, fi tija tani min medina ta nahar Ordon ² Weled ta Balak aiynu hajat al Israel amulu le Amoritiin. ³ Moab kan kafu shaab leanu umon kan ketir, wa Moab gi amulu irhab le shab ta Israel. ⁴ Melik ta Moab kelimu le shiyuk ta Midian, Nas kutar de bi akulu kulu hajat al kan hawuli nina ze tor bi akulu fi ges fi ghaba." Hasa weled ta Balak kan melik ta Moab fi zaman dak ⁵ Huwo rasulu Murasulat tou le Balaam weled ta Beor, fi Pethor al fi jambu bahar Euphrates, fi ardi ta nas tou wa watan tou. Huwo nadi huwo wa kelim, “shuf, al uma ja hina min Masir. Intum mala wusa ta ard wa umon hasa fi jambi. ⁶ Arjuk tal hasa wa laanu uma de le ana ashan umon gowiin le ana. Lakin ana bi agder hajimu umon wa turuju umon bara min ardi de ma arif gal al inta bariku bi kun Mubarak, wa al inta laanu bikun Molounin” ^{7 8} Yala shiyuk ta Moab wa shiyuk ta Midian ruwa, umon shilu gurush ta laana. Umon ja le Balaam wa wori le huwo kalam ta Balak. Balaam kelimu le umon, geni takum hini bilel de. Ana bi jibu le intum kalam al Yahwa wori le ana." Yala kaadad ta Moab geni bilel dak ma Balaam. ⁹ Allah ja le Balaam wa kelimu, " Nas de munu al ja le inta de?" ¹⁰ Balaam juwabu Allah, "Balak weled ta Zippor, melik ta Moab,rasulu umon le ana. Huwo kelimu, ¹¹ Aiynu, Sahab al ja min Masi gofulu ardi tai. Hasa taali ashan laanu umon le ana. Amkin ana bi agder ashan bi shakil umon wa bi turuju umon. ¹² Allah juwabu balaam, “mata ruwa ma rujal del. Inta mabi laanu nas ta Israel ashan umon Mubarak.” ¹³ Balaam gum fok fi sabah wa kelim le kiadad ta balak “ruwa wara le ardi takum ashan Yahwa aba ana ashan ruwa makun.” ¹⁴ Biga al kiadad ta Moab ruwa wa masha le Balak. Umon kelim, Balaam rofut ashan ja ma nina.” ¹⁵ Balak rasul tani mara kiadad ketir al zatu bi iktaramu shedid min all mojmu al awel. ¹⁶ Umon ja le Balaam wa kelim le huwo, “Balak weled ta zippor kelimu kida, Arjuk keli haja tani ma abusu inta le ja le ana, ¹⁷ Ashan ana bi amulu ai haja al inta kelim keli ana amulu. Ashan kida Arjuk taal wa laanu al nas del le ana” ¹⁸ Balaam juwabu wa kelim le kudam ta balak. “mahma kan balak bi wodi le ana kasra tou Malian ma zahab wa fida, ana mabi ruwa aktar min kalam ta Yahwa, Allah tai, wa amulu agala wala agtar min shunu al huwo kelim le ana. ¹⁹ Yala hasa, arjuk intozur hina aleela Kaman, ashan ana bi alimu haja al tar al Yahwa bi kelimu le ana.” ²⁰ Allah ja le Balaam fi lel wa a kelim le huwo, “min Bediri rujal ja ashan nadi inta gum wa ruwa ma umon. Lakin amulu al ana kelim le inta kede amulu.” ²¹ Fi Sabah Balaam gam fok, jahizu humar tou, wa ruwa ma kiyadad ta Moab. ²² Lakin ashan huwo ruwa, Zalan ta Allah biga haragu. Malaika ta Yahwa wogif fi sika ze zol zalan ma Balaam, al kan gi sugu humar. Itniin min khudam ta Balaam kan ma huwo. ²³ Humar aiynu malaika ta Yahwa gi wogif fi nus sika be sef tou fi idan tou. Humar de tala min sika wa dakalu ghaba. Balaam dugu humar ashan bi rija le sika. ²⁴ Baad dak malaika ta Yahwa wagaf fi mahal al deik ta sika beina zira, ma heta fi tija yemin wa heta tani fi tija ta shamal. ²⁵ Tanimara humar aiynu malaika ta Yahwa huwo ruwa le heta wa dugu kura ta Balaam fi heta de. Balaam dugu tanimara. ^{26 27} Malaika ta Yahwa ruwa gidam wa wagaf fi mahal tani al deik mahal al humar de ma bi agder ashan bi lifu tani fi ai tija. Humar de aiynu malaika ta Yahwa, , wa humar de nam tehet Balaam. Zalan ta Balaam haragu, wa huwo dugu humar be asaya. ²⁸ Baad dak Yahwa fata kasuma ta himar ashan bi agder wonusu. Himar kelim le Balaam, " Ana amulu shunu batal le inta ashan inta dugu ana mara nimira talata? " ²⁹ Balaam juwabu le himar, "Ashan inta amulu sokol gil adab le ana. lo kan ana indi sef, ana kan katulu inta. ³⁰ Himar de kelimu le Balaam, Hal ana ma himar taki al inta kan gi sugu fi haya taki kulu lahadi yom ta aleela? Hal ana kan gi amulu kalam zede gabil kida?" Balaam kelimu, "La." ³¹ Yala Yahweh fata ena ta Balaam, wa huwo ana al malaika ta Yahah wagif fi sika ma sef fi Yedem tou. Balaam dengiri tehet wa kutu wusa fi wata. ³² Al malaika ta Yahwa kelim le huwo “le inta dugu himar taki talata marat shuf ana ja ze zol takiyan le inta ashan amalia taki gidan ana sherir. ³³ Al himar shaf ana wa gilib min ana talata marat de. Iza kan ma gilib mini kan bi katulu inta wa sibu haya ta himir ³⁴ Balaam kelim le malaika ta Yahwa, “ana amulu katiya. Ana ma arifu gal inta wagif did ana fi sika, yala hasa, iza mabi afra inta, ana bi arja wara ³⁵ Lakin al malaika ta Yahweh kelim le Balaam, ruwa gidam ma al rijal del. Lakin inta bi kelim bes kalam al ana wori le inta.” Ashan kida Balaam ruwa ma kiadad ta Balak. ³⁶ Wokit Balak asuma balaam ja, huwo mashi ashan gaabilu fi Medina ta moab fi Arron, al fi hudud. ³⁷ Balak kelim le Balaam, “Ana ma rasulu rajal ashan nadi inta? Le inta ma ja le ana? Ana ma bi agder igtaramak? ³⁸ Yala balaam Juwabu le Balak “shuf ana ja le inta. Hal ana ma endu guwa ashan kelim ai haja ana bi kelim bes hija al Allah kutu fi kasum tai” ³⁹ Balaam ruah ma Balak, wa humon wosulu fi kiriath huzoth. ⁴⁰ Yala Balak gedim zebiha tor wa koruf wa wodi juzu min laham le Balaam wa kiyada al kan mau. ⁴¹ Fi sabah, balak shilu Balaam fok fi Jebel mahal Baal. Min himak Balaam bi enu bes juzu min mukaim at ta Israeliin.