¹ Yahwa wonusu le Musa. Huwo gal, ² Wonusu le nas ta Israel wa tala asayat minum, wahid min kulu gebila, itnashar asayat. katibu isim tai ai rajil fi asaya tou ³ Inta lazim bi katibu isim ta Harun fi asaya ta lawiin. lazim kede yekun lazim fi wahid asaya min kulu kiadad le hasab gebila tou. ⁴ Inta bi kutu lazim asayat del fi gidam kem ta ijtima fi gidam ta tabut al ahad. Al ana gi limu ma inta. ⁵ Bi asil kida asaya ta rajil al ana iktar bi endu alama. Ana bi kutu tazamur ta nas ta Israel bi wogif, al umon gi kelim did inta. ⁶ Yala Musa wonusu le nas ta Israel. Kulu kiadad ta gabail wodi le huwo asayat. Wahid asaya min ai kaid, hazilu le hasap gebila wa judud, kulu itnasar asayat. Asaya ta Harun fi wasad tomon. ⁷ Yala Musa woridu al asayat del gidam Yahwa fi kema ta ijtima gidam tabut al ahad. ⁸ Fi yom al tani Musa ruwa fi Kem ta tabut al ahad wa shuf, asaya ta Harun min gebila ta lawiin indu alama. Asaya raba wa indu zuhur indu samar. ⁹ Musa jibu bara kulu asayat min gidam ta Yahwa le nas ta Israel, wa ai rajil shilu asaya tou. ¹⁰ Yahwa wonusu le Musa, “kutu asaya ta Harun gidam ta tabut ahad. Kutu huwo ze alama ta katiya diid nas al itmarat ashan bi wogifu tazamur diid ana,” ¹¹ Musa amulu ze al Yahweh amiru. ¹² Shab ta Israel wonusu le Musa wa gal “nina bi mutu hini. nina bi woduru! ¹³ Ai wahid al ja fok al wosulu fi mahal ta salah ta Yahwa, bi mut. nina keli bi woduru kulu”?