¹ Yahwa kelim le Harun, “intum, awulad tukum, wa abuwab ta Judud takum bi kun masul fi kulu katiya al amulu diid al mazba. Lakin bess intum wa awulad takum bi kun mosul fi kulu katiya amulu ma ai wahid fi sokol gesis ² Le juzu min ada ta gebila lawiin, gebila ta judud takum, intum bi jibu umon maa kum ashan limu wa saidu wokit inta ma awulad taki gi khadimu fi gidam ta kema ta tabut al ahad. ³ Umon bi amulu shokol taki wa shokol ta kulu kem. Ashan kida, umon ma keli ja gerib le ai haja fi mahal al mukadas wala lima ma mazba, au umon wa Kaman inta bi mut. ⁴ Umon bi limu maak wa amulu wajib al limu ma kem ta ijtima, fa kulu shokol munasik ma kem. Lazim ajnabi kede ma ja jambu inta. ⁵ Intum lazim bi amulu wajibat ta mahal al mukadas wa ta mazba ashan zalan tai ma bi ja fi shab ta Israel tani. ⁶ Shuf, ana be nefsi yau azilu ada min Lawiin min wasat jil ta Israel. Umon hadiya le intum, wodi le ana ashan bi amil shokol munasik ma kema ta ijtima. ⁷ Lakin bes inta ma awulad taki bi marisu shokol gesis be khus ai haja indu alaka ma mazba wa ai haja fi juwa sitara. Inta be nefsak lazim yau bi kemilu musuliat del. Ana gi wodi le inta al shokol gesis ze hadiya. Ai ajnabi al wosulu gerib lazim kede katulu.” ⁸ Baad dak Yahwa kelim le Harun, “shuf, ana wodi le inta kidma ta amsuku tabaruwat al wodi le ana, wa kulu hadayat al mukadas al nas ta Israel wodi le ana. Ana wodi hataya de le inta ze akil al gedimu wa le awulad taki ze akil al kalifu inta fi kulu zaman. ⁹ De bi tabi le inta min hajat al kudus kalis al hafizu min nar. Min kulu hataya tomon-ai tegdim ta dura, ai tekdima ta katiya, wa tekdima ta zam kulu kasisu le inta ma awulad taki ¹⁰ Tegdimat del kulu kudus kalis; wa kulu zakar bi akulu umon kudus le inta. ¹¹ De taburuwat al taabi le intum, kasisu min hataya ta tegdimat min shab ta Israel. Ana wodi umon le intum, awulad takum, wa banat takum ze akil takum lel adad. Ai zol al nedif fi usra takum bi akulu tegdimat de. ¹² Kulu aksen zet, kulu aksen khamur jedid wa dura, al fawake al awel al nas bi wodi le ana kulu hajat del ana wodi le intum ¹³ Al wel montujat ta zira ta kulu al fi ardi tomon, al umon bi wodi le ana, bikun takum le intum. Ai wahid al nedif fi usra takum bi akulu hajat del. ¹⁴ Ai haja al gedimu fi Israel bikun takum. ¹⁵ Ai modu al awel ta botun, kulu awel bikir al nas bi gedimu le Yahwa, kan insan wala haiwan, be kun takum. Mahama kan, al nas lazim bi kalisu ai awel bikir weled, wa umon lazim bi kalisu awel bikir ta zakar min haiwanat al nejis ¹⁶ Del al bi kalisu ma nas baad wosulu wahid shahar. Yala nas bi kalisu umon be ser ta kamsa shekel ta fida, ma wozin ta mazba shekel al isawi Isirin gerahs. ¹⁷ Lakin al awel bikir ta bagara, au al awel bikir ta koruf, au awel bikir ta ganamaya- Intum lazim mabi kalisu haiwanat del; kasisu umon le ana. Intum lazim bi shetitu dom tomon fi mazba wa haragu shaham tomon ze zebiha ma nar, riha al hilu le Yahwa. ¹⁸ Laham tomon bikun takum. Ze dus ma kura al yemiin al arfa ze tekdima, laham tomon .bikun takum ¹⁹ Kulu taburuwat al nas ta Israel gedim le Yahwa, ana wodi le intum, wa le awad takum wa banat takum maakum, ze sharaka al mustemir. De amina ta mile lel abad, amina al morbud lel abad, gidam Yahwa le itakum ma ajial takum.” ²⁰ Yahwa kelim le Harun, “inta mabi indu warisa fi ardi ta nas, wala inta bi endu ai sharaka ta mumtalak fi nus al nas. Ana yau sharaka taki wa warisa fi nus al nas ta Israel. ²¹ Le iyal ta iyak ta lawiin, shuf, ana wodi kulu al usur fi Israel ze warisa mugabil kidma al umon bi yegdim fi shokol fi kema ta ijtima. ²² Min hasa nas ta Israel lazim ma yeji gerib ma kem ta ijtima, au umon bikun mosul le katiya tomon wa mut. ²³ Al lawiin lazim bi amulu shokol mustarak le kema ta ijtima. Umon bi kun mosuliin le ai kata anu. De bikun ganun al lel abad fi wasat kulu agial takum. Fi wasat nas ta Israel umon lazim ma bi indu warisa. ²⁴ Le usur ta nas ta Israel, al umon bi gedim ze taburuwat le Yahwa- de yau al ana wodi le lawin ze warisa tomon. De yau le ana kelim le umon. “umon mabi indu warisa fi wasat ta nas Israel.” ²⁵ Yahwa wonusu le Musa gal ²⁶ “inta lazim bi wonusu le lawiin, “wokit inta istakbil min nas ta Israel al asara fi miya al ana wodi le umon min umon de le warisa, minu intum bi gedimu al taburuwat minu le Yahwa al usara fi miya ta usur. ²⁷ Taburuwat takum lazim bikun iktebiru maakum ze huwo usur ta Dura al waga fi wata au al intaj min tabaga. ²⁸ Intum lazim bi amulu toburuwat le Yahwa min kulu ushur al intum akudu min shab ta Israel, min umon intum bi amulu taburuwat le gesis Harun. ²⁹ Min kulu al hadiyat al intum akudu, intum bi amulu taburuwat le Yahweh. Intum bi amulu de min kulu al aksen min hajat al mukadas al ana wodi le intum. ³⁰ Ashan kida ita bi kelim le umon, wokit intum gedimu al aksen minu, yala lazim bi hasibu le lawiin ze montujat al waga fi wata min tabaga. ³¹ Intum bi takulu al bagi ze hadiya fi ai makan, intum ma usar takum, ashan de yau defe mugabil shokol takum fi kem ta ijtima ³² Intum ma bi indu ai katiya fi akulu wa shirab tou, iza kan intum gedim le Yahwa shunu al aksen al intum akudu, lakin intum lazim ma bi kutu suma al tegdima al mukadas ta nas ta Israel au intum bi mutu.”