¹ Baad dak Yahwa wonusu le Musa. Huwo kelimu, ² wonusu le Shab ta Israel wa kelimu le umon, Iza kan intum ruwa fi ard al intum gi ruwa geni fogo, al ana Yahwa wodi le intum. ³ intum bi jahizu tegdim be nar le Yahwa, au tegdim al bi haragu wele zebiha al bi kamilu waad au tegdim al hur, au tegdim fi yom ta eid, ashan bi wodi riha al kwes le Yahwa min bahaim. ⁴ Inta lazim bi gedimu tegdim al bi haragu le Yahwa ze tegdim ta dura ta ashara fi miya ta ephah ta degig al ajinu be rubu ta baka zet ⁵ Inta lazim bi gedimu tegdim al haragu, le zebiha, rubu ta baka khamur le tegdim al bi ashrubu le ai koruf, ⁶ Iza kan intum gi gedimu khoruf, intum lazim bi jahizu tegdim ta dura itniin fi ashara ta ephah ta degig ajinu be talata fi miya ta zet. ⁷ Le tegdim al bi ashrubu, inta bi gedimu talata fi miya ta khamur. Huwo bi wodi riha al kwes le Yahwa. ⁸ Kan inta gedimu bagara ze tegdim al haragu au ze zebiha ashan bi kamilu waad, au tegdim te istirekiya le Yahwa, ⁹ baad dak intum lazim bi gedimu ma bagara tegdim ta dura ta talata ashar min degig al ajinu be nus ta baka zet ¹⁰ Intum lazim bi gedimu ze tegdim al bi ahrubu nus ta khamur, ze tegdim al bi haragu be nar, ashan bi wodi riha al kwes le Yahwa. ¹¹ Huwo lazim bi amulu be teriga de le ai bagara, wa ai khoruf, wa le ai koruf rajil au ganamaya al suker. ¹² ai zebiha al inta jahizu wa gedimu lazim bi amulu ze ma wosifu hini. ¹³ kede kulu mowatin ta Israel amulu hajat del be teriga, kan ai zol al jibu tegdim al haragu be nar, ashan bi wodi riha al kwes le Yahwa. ¹⁴ kan fi zol al gariib ja geni ma intum, au ai wahid al bi geni fi nus takum fi ajial ta shab takum, huwo lazim bi amulu tegdim al haragu be nar, ashan bi wodi riha al kwes le Yahwa. Huwio bi amulu ze intum bi amulu. ¹⁵ Lazim bi fii ganun al sawa le mujtama wa le ajanib al bi geni ma intum. ganun al sabit le ajial takum kulu. ze takum, wa kaman le gharibin al bi geni fi nus takum. Huwo bi amulu ze intum gi amulu le Yahwa. ¹⁶ Lazim nesfsu ganun wa kararat bi tabiku le inta wa ajanib al bi geni ma intum. ¹⁷ Yahwa tanimara wonusu le Musa. Huwo kelimu, ¹⁸ wonusu le Shah ta Israel wa kelimu le umon, kan intum wosolu fi ard al ana be shilu intum fogo ¹⁹ kan intum bi akulu akil al tala min ard de, intum bi wodi toburuwat le Yahwa ²⁰ Min ajin al awel intum lazim bi gedimu esh ze toburuwat, toburuwat min mahal al gi dugu dura fogo. Intum lazim bi arufa be teriga de. ²¹ Intum lazim bi wodi le ana toburuwat fi kulu ajial ta shab takum min awel ajin takum. ²² Baad marat intum bi amulu katiya be teriga al intum ma gasit, Kan intum ma tii awamir al ana wonusu le Musa de- ²³ ai haja al ana amiru le intum be wasat Musa min yom al ana bada wodi awamir wa lahadi gidam ajial ta shab takum. ²⁴ Fi kalam ta katiya al ma gasitu bidun mujtama ma arufu, Baad dak mujtamaat kulu lazim bi gedimu bagara suker ze tegdim al bi haragu ashan bi wodi riha al kwes le Yahwa. be de sawa bi amulu tegdim ta dura wa tegdim al bi asrubu, ze amiru be karar, wa wahid ganamaya, ze tegdim ta katiya ²⁵ Gesis lazim be amulu kafara le kulu mujtama ta Israel, Bi afi umon leanu katiya de umon ma gasit ,umon kalas jibu zebiha, wa tegdim al haragu be narle ana. Umon jabu katiya tomon le ana fi galat al umon amulu. ²⁶ Baad dak bi afii kulu mujtamaat ta shab ta Israel, wa Kaman ajanib al be geni ma umon, leanu shab kulu amulu katiya bedun gasit. ²⁷ Iza kan zol amulu katiya wa huwo ma gasit , huwo be wodi tegdim ta ganamaya al mara al endu sena wahid ze tegdim ta katiya, ²⁸ Gesis lazim bi wodi kafara gidam ta Yahwa le zol al amulu katiya bidun Gasit. Zol dak bi afii kan kafara amulu. ²⁹ Intum lazim bi endu nefsu ganun le zol al amulu haja be gasit, nefsu ganun bi amulu le muwatin al weledu fi nus shab ta Israel wa kaman le ajanib al bi geni fi nus takum. ³⁰ Kan zol amulu katiya be gasit. kan huwo min iyal ta Israel au zol ajnabi, gi amulu hagara le ana. zol de bi turudu min nus ta shab, ³¹ leanu huwo alisu kalam tai wa huwo kasuru ganun tai, zol de bi bara ta kulu kulu. galat de biikun fi ras tou. ³² Zaman shab ta Israel fi beriya , umon ligo rajil be limu kashab fi yom sebit, ³³ Nas al ligu huwo jibu huwo le Musa wa Harun, wa kulu mujtama. ³⁴ kutu huwo fi sijin leanu mafi haja alinu ashan bi amulu le huwo. ³⁵ Baad dak Yahwa kelimu Musa, kede katulu zol de. Mujtama kulu kede durubu zol de be hujar bara min kem. ³⁶ Yalla mujtmaat de kulu talau zol bara min kem Shab wa durubu lahadi huwo mutu ze Yahwa wodi awamir le Musa. ³⁷ Yahweh kelim le Musa tanimara. ³⁸ “ wonusu le Iyal ta iyal ta Israel wa kelimu le umon. ashan bi amulu keit ashan bi haligu fi nihaya ta gumashat tomon, bi haligu umon fi taraf be keit zahari. Umon lazim bi amulu zede lahadi ajial ta shab tomon ³⁹ de bekun zikra khas le intum, kan intum gi aiynu, fi wasaya tai kulu, intum bi douru ma huwo ashan intum ma bi aiynu fi gulub takum wa uyun takum wa ze mara ta zina al gi aiynu haja wa deir amulu. ⁴⁰ Amulu takum kalam de ashan intum bi zekiru wa tii wasaya tai, ashan intum bikun kudusiiyn, bikun bes le ana, Allah takum. ⁴¹ Ana Yahwa Allah takum, al jibu intum min ard ta Masir, ashan bikun Allah takum. Ana Yahwa Allah takum.”