¹ Fi ayam dak Yohana Moamadan ja fi beriya ta Yahudiya bi gul, ² ''Tubu, ashan molokut ta samawat biga gerib.'' ³ Fa da huwo al kan wonusu be wasat nabi Isaiah, gali, ''De sot ta wahid bi nadi bara fi beriya, Jahizu sika le Rabuna, salau sika tou adil.'' ⁴ Yohana kan bi libisu gumas min sar ta jemel wa gas jilid hawil sulba tou. Akil tou kan asharat wa asel. ⁵ baad dak Urselim, Yahudiya kulu, wa akalim kulu al hawil bahar Ordon ruwa le huwo. ⁶ Yohana amidu umon fi bahar Ordon, bad umon tubu min katayat tomon. ⁷ Lakin zaman huwo sufu Farisein kutar wa sadducein ja le huwo ashan bi amidu, huwo kelim le umon, ''Intum iyal ta dabaib al indu siim, munu anziru intum ashan bi jere bara min hukum al jai? ⁸ Antiju samar al bi istehik tuba. ⁹ Mata kum fekiru ashan bi kelim bein takum, ' Nina endina Ibrahim ashan abu ta nina.' Fa ana bi kelimu le intum be inu Allah bi agder bi goumu iyal le Ibraham hata kan min hujar del. ¹⁰ Kalas fas kutu jambu irik ta shejerat. Ashan kulu shejer al ma bi antij samar kwes bi gatau tehet wa jadau fi nar. ¹¹ Ana bi amidu intum be moya le tuuba. Lakin huwo al bi ja baad ana kebir mini ana, wa ana ma bi istehik ashan bi ahmil jizam tou. Huwo bi amidu intakum be Roho Al Kudus wa be nar. ¹² menjel bitou fi fii yedu wa bi gata geme tou wa bi kutu fi Makhzan lakin huwo bi aragu wasak be nar al ma bi batul." ¹³ Baad dak Yesua ja min Galileya le bahar Ordon ashan Yuhana bi amidu. ¹⁴ Lakin Yuhana deir abusu huwo, gal, '' ana deir ashan inta yau bi amidu ana, wa inta bi ja le ana?'' ¹⁵ Yesua juwabu wa kelimu le huwo, '' asmau le hasa, Fa huwo hagiga le nina ashan bi kamilu kulu biir. baad dak Yuhana asmau le huwo. ¹⁶ Baad Amidu huwo, Yesua tala guwam min moyo, wa samawat fata le huwo, huwo aiynu Roho ta Allah jai tehet ze hamam wa nazal le huwo. ¹⁷ Gal, sot ja min sama bi gul,'' De weled tai al mahbub. Ana farhan kalis ma huwo.