¹ Bad Yesua kulasu hajat kulu huwo kan kelimu fi adana ta nas , huwo dakalu fi Capernahum. ² Hasa kadam ta khayid al mia al huwo bi ihteramu shidid , kan biga ayan wa gerib le mutu. ³ Wokit khayid asuma an Yesua, huwo rauslu shoyuuk ta Yahud le huwo ashan bi ja wa aliju kadam tuo. ⁴ Wokit huwo ja le Yesua, humon asalu huwo, gal, '' Huwo bi istehik ashan inta bi amulu de le huwo, ⁵ la anu huwo bi hibu beled tanina, wa huwo yau abinu kenisa le anina.'' ⁶ Fa Yesua istemir fi sika tuo ma humon. Lakin huwo kan ma beid min bet, al rais ta kahana rasulu sabihat ashan bi kelim le humon, '' Rabuna, ma ta tabu nefsa, la anu ana ma timu ashan inta bi ja tihit dul ⁷ .Le sabab de ana ana ma hasibu nefsa tai timu ashan bi ja le inta, Lakin bes kelimu kelima wa kadam tai bi aliju. ⁸ La anu ana zol al tihit sulta, ma asakir tihit ana. Ana bi kelim le de, 'ruwa,' wa huwo bi ruwa, wa le tani, 'taal,' wa huwo bi ja wa le kadam tai, 'amulu de wa huwo b alumu.'' ⁹ Wokit Yesua asuma keda, huwo kan isagarab le huwo, wa agelibu le jumhuur al bi ja wara tuo kelimu, '' Ana bi kelim le intakum hata fi Israel ana ma ligo shikil imman de.'' ¹⁰ Wokit del al kan rasulu rija le bet, humon ligo al kadam kan biga kwes ¹¹ v 11 Bad dak, Yesua ruwa le medina al ismu Nain, ma talamiz tou wa nas ketir ruwa ma huwo. ¹² Ze ma hwo ja gerib le bab a medina, rajil al kan mutu talawu bara, jena al wahid le uma tou( al kan heya armala), wa nas ketir min media kan ma heya, ¹³ Wokit Rabuna ayenu heya, huwo kan biga ma heniya le heya wa huwo kelim le heya, '' mata kore. '' ¹⁴ wa huwo ruwa wa lemesu taraf ta serir al fogo gesim, wa del al bi arufa wogif. Huwo kelim, ''Ya shab, Ana kelim le inta gum. ¹⁵ ''Zol al meit geni wa bada wonusu, wa Yesua wodi huwo le uma tuo. ¹⁶ Kafu gobudu humon kulu, wa humon istemir mejido Allah, kelimu, ''Nebi kebir gum fi nus tanina'' wa ''Allah ayenu le nas tuo.'' ¹⁷ Akbar an Yesua shetetu fi kulu Yahudia wa kulu belad al gerib. ¹⁸ Talamiz ta Yuhana wori le huwo an hajat del kulu. ¹⁹ Wa Yuhana nadi etnin min talamiz tuo wa rasulu humon le Rabuna ashan bi kelim, ''Hal inta yau wahid al jayi, wala kede anina intezir tani?'' ²⁰ Wokit humon ja gerib le Yesua, al rajil da kelimu, ''Yuhana al mamdan rasulu anina ashan bi kelimu le inta, 'Hal inta yua wahid al jayi, wala kede anina intezir tani?''' ²¹ Fi zaman dak huwo aliju nas min ayanaat wa waja wa aruwah al sherir, wa huwo wodi le nas al amiyanin ashan bi ayenu. ²² Yesua juwabu wa kelimu le humon, ''Bad ma intakum ruwa fi sika takum, wori takum le Yuhana haja al intum ayenu wa intum asuma. Amiyanin bi ayenu, abu keringe bi dowuru, jengeli bi ga nedif, atarasa bi asuma, nas al mutu gowumu tani le haya, wa nas al muhtajin wori le humon kabar al kwes. ²³ Zol la ma wogif amin fogo ana ashan amayiel tai huwo mubarak. '' ²⁴ Bad marasulat ta Yuhana ruwa, Yesua bada kelim le jumhuur an Yuhana, ''Sunu al intum ruwa ayenu fi sahara? boos bi hariko ma hawa? ²⁵ Lakin sunu intum ruwa ayenu? Insan libisu gumash nayim? Ayenu, del al libisu gumash al gali wa bi geni fi beit ta melek. ²⁶ Lakin sunu intakum ruwa ayenu? Nebi? Nam, Ana kelimu le inta, wa aktar min nabi ²⁷ De yau al katibu an huwo, 'Ayenu, Ana rasulu marasla gidam wusa tai fi nus ta del al weledu min mara, al bi sala sika gidam taki. ²⁸ Ana kelim le inta, fi nus ta del al moludin min mara mafi al kebir min Yuhana. Lakin al suker fi malakuut ta Allah huwo kebir min huwo. '' ²⁹ (Wokit kulu nas asuma keda, ma zol ta limu darayib, humon alinu inu Allah huwo adeel, la anu humon amido ma mamudia ta Yuhana. ³⁰ Lakin al feriseen wa Yahudin ta ganuun aba kalam ta Allah le nufus tuomon, la anu humon ma amidu humon biwasat Yuhana.) ³¹ ''Bi sunu ana bi karinu nas ta jiel de? Humon bi beinu kef? ³² Humon ze iyal al bi alabu fi mahal suk, bi nadi bad tomon wa kelim, 'Anina afuku le intum sufara intum, ma argus Anina guna guna ta bika, intum ma kore,' ³³ La anu Yuhana al mamadan mabi akulu regif wa ma bi asurubu khamur, wa intum kelim, Huwo indu shetan,' ³⁴ Jena ta insan ja akulu wa asurubu, wa intum kelim, 'Ayenu, huwo akal wa zol sugurugy, sabi ta nas ta limu darayib wa katieen! ³⁵ Lakin hikma beriru ma kulu iyal ta heya.'' ³⁶ Wahid min al feriseen rahibu Yesua ashan bi akulu ma huwo. bad Yesua dakulu fi bet ta ferisee, geni fi tarabeza le akil. ³⁷ Kan fi inak mara fi medina heya kan kati. Wokit heya arufu inu heya kan fi tarabeza fi bet ta ferisee, heya jibu gizaza ta riha. ³⁸ Ze ma heya wogif wara tuo gerib le koren tuo, bi kore, heya bada nedifu koren tuo ma dumu, wa heya masa humon ma shar ta ras wa heya bosu koren tuo wa masa ma riha. ³⁹ Wokit Feriseen al rahibu Yesua ayenu kida, huwo fekir fi nefsu, kelim, '' Kan zol de kan nebi, huwo bi arufo munu wa yatu shikil ta mara al huwo bi lemesu, al heya kati. ⁴⁰ Yesua juwabu wa kelim le huwo'' Samaan, Ana indu haja le inta. ''Huwo kelim ''kelima, Moalim!'' ⁴¹ Yesua kelimu, ''Kan fi zol tani ta deinu gurus indu etnin nas al deinu wahid indu kumsumia , wa tani indu kamisin. ⁴² Wokit humon ma agder dafa le huwo, huwo afi humon kulu. Ashan kida, munu min humon bi hibu huwo ketir?'' ⁴³ Samaan juwabu wa kelim, '' al afi ketir.'' Yesua kelim le huwo, ''Inta hukumu sah.'' ⁴⁴ Yesua gelibu le mara wa kelimu le Samaan, ''Inta ayenu mara de. Ana dakalu fi beit taki. Inta ma wodi le ana moyo le koren tai, Lakin heya kasulu koren tai ma moyo ena tuo wa masa ma shar tuo. ⁴⁵ Intum ma wodi le ana gubla, lakin min zaman al ana ja heya ma wogif gubla le koren tai. ⁴⁶ Intum ma masa koren tai ma zeit, lakin heya masa koren tai ma riha. ⁴⁷ Ashan keda Ana kelimu le intum, kataya ta heya al ketir, afi_ la anu heya hibu ketir. Lakin al afi soker, huwo hibu soker.'' ⁴⁸ Wa huwo kelimu le heya, ''kataya taki afi. ⁴⁹ ''Del al geni sawa fi tarbeza bada kelim fi nufus tomon, ''De munu hata bi afi kataya?'' ⁵⁰ Fa Yesua kelim le mara, ''Iman taki kalisu inta ruwa fi salam,''