¹ Kulu ada ta megeles gum fok wa humon jibu Yesua gidam ta Pilatus. ² Humon bada ishteki huwo, gali, Anina ligo rajil de bi karabu nas, bi abusu darayib kede ma dafao le Caisar, wa bi kelim huwo al Masih al melek.'' ³ Pilatus asalu huwo, gali, ''Inta melk ta Yahud?'' Yesua juabu huwo wa kelim, ''Inta kelim keda.'' ⁴ Pilatus kelim le rais ta khahna wa jumhur, ''Ana ma ligo galat fin rajil de.'' ⁵ Lakin humon kan asuru, gali, ''Huwo bi amulu mashakil fi nus ta nas, bi derisu la hadi fi Yahudia, bada min Jeliel hata fi mahal de.'' ⁶ Fa zaman Pilatus asuma keda, huwo asal kan rajil de kan min Jeliel. ⁷ Zaman huwo arufu inu huwo kan tihit sulta ta Hirodus, huwo rasuu Yesua le Hirodus, al huwo bi nefsu kaman kan fi Uruselim fi ayamat dak. ⁸ Zaman Hirodus ayenu Yesua, huwo kan murta shidid, la anu huwo kan der ayenu huwo min zaman tuwil. Huwo asuma an huwo wa huwo der ayenu mojiza al bi amulu ma huwo. ⁹ Hirodus asalu Yesua ma kelimat ketir, lakin Yesua ma juabu huwo. ¹⁰ Rais ta khahna wa kataba wogif, bi zalan ishteki huwo. ¹¹ Hirodus ma jesh tuo shitimu Yesua wa humon alisu huwo. Yala huwo libisu huwo gumash giyafa wa rija huwo wara le Pilatus. ¹² La anu Hirodus tala sabi ma kulu zol fi nefsu zaman dak, la anu gebli de humon adu ma bad. ¹³ Pilatus bad dak nadi rais ta khahna wa hukam wa jumhur ta nas ¹⁴ wa kelim le humon, ''Intum jibu le ana rajil de ze zol al bi karabu nas wa ana asalu huwo gidam takum ana ma ligo galat fi rajil an hajat al intum kelim le huwo. ¹⁵ La wele Hirodus, la anu huwo rija huwo wara le anina, wa ayenu ma fi haja al huwo amulu bi istehik ma mutu. Ashan keda ¹⁶ ana bi adibu huwo wa bi figu ¹⁷ huwo.'' ¹⁸ Lakin humon kore kulu sawa, kelim, ''Shilu zol de, wa figu le anina Barabbas!'' ¹⁹ Barabbas kan zol al kutu fi segen bi sabab fitna hasil fi medina wa katulu. ²⁰ Pilatus wonusu le humon tani, bi nia ta figu Yesua. ²¹ Lakin humon kore, gali, ''Selibu huwo, selibu huwo.'' ²² Huwo kelim le humon le mara nimta talata, ''Yatu shar rajil amulu? Ana ma ligo haja bi istehik mutu tuo. Ashan keda bad tadib le huwo, Ana bi fiku huwo.'' ²³ Lakin humon asuru bi sout ali, humon der keda selibu. Sout agnna Pilatus. ²⁴ Fa Pilatus wodi le humon talab tomon, ²⁵ Huwo figu al humon asalu de al kan kutu fi segen bi sabab ta fitna katulu. Lakin huwo selim Yesua le irada tomon. ²⁶ Ze ma humon sugu huwo beid, humon ayenu Samaan al Scariuti, jai min beled, wa humon kutu selib fogo huwo ashan bi arufa, wa ruwa wara Yesua. ²⁷ Jumhuur ketir min nas, wa nasawin al haznanin le huwo, kan bi ruwa wara hwuo, ²⁸ Lakin huwo gelibu le humon, Yesua kelim, ''Banat ta Uruselim, ma takum kore le ana, lakin le nufus takum wa iyal takum. ²⁹ La anu ayenu ayam jai al humon bi kelim, 'Baraka le nasawin al ma weledo wa rihim al ma bi weledo, wa lebben al ma bi rada; ³⁰ Yala humon bi bada kelim le jebel, 'Waga fogo anina, le mhalat al fok katti anina. ³¹ La anu iza kan humon bi amulu del ma kasab al nei kef bi kun ma al yabis?'' ³² Etnin nas tanin al mujirimin kan sugu ma huwo ashan bi katulu. ³³ Zaman humon ja le mahal al nadi Juljusa,'' inak humon Selibu huwo wa mujirimin__wahid fi yemin wa wahid fi shamal. ³⁴ Yesua kelim, Abu, afi humon, la anu humon ma arufu haja al humon bi amulu,'' Bad dak humon jada gura, gesimu jalabia tuo. ³⁵ Nas wogif ayenu woki hukam bi alisu huwo kelim, ''Huwo kalisu nas tanin Kede huwo kalisu nefsa tuo, iz huwo Masiah ta Allah, al azilu.'' ³⁶ Asakir kaman alisu huwo, jibu le huwo merisa, ³⁷ wa kelim, ''kan inta melek ta Yahud, kalisu nefsa taki,'' ³⁸ Inak kan fi alama fok le huwo, ''De huwo melek ta Yahud.'' ³⁹ Wahid min al mujirimin al kan selimu inak shitimu huwo gali ''Inta ma al Masih? Kalisu nefsa taki wa anina.'' ⁴⁰ Lakin al tani kore ma huwo, kelim ''inta ma bi kafu Allah, wa inta fi nefsu hukum? ⁴¹ Anina ligo tanina bi adala, la anu anina bi shilu haja al anina bi istehik. Lakin rajil de ma amulu haja galat.'' ⁴² Bad dak huwo kelim,'' Yesua zikiri ana kan inta ja fi malakuut taki. '' ⁴³ Yesua kelim le huwo, ''Hagiga ana kelim le inta, alela inta bi kun ma ana fi fardus.'' ⁴⁴ Wa kan bi ga saa sita, wa belel ja fogo kulu ard la hadi saa tisa ⁴⁵ ze shimes tala duluma. Yala sitara ta haikal gesimu le etnin. ⁴⁶ Kore ma ma sout fok, Yesua kelim, ''Abu, fi eda taki Ana bi selimu roho tai.'' bad huwo kelim keda, huwo mutu. ⁴⁷ Zaman khayid ta mia ayenu haja al kan amulu, huwo mejido Allah, kelim de kan zol beri,'' ⁴⁸ Zaman kulu jumhur al ja sawa ashan bi shahid ayenu hajat al amulu, humon rija bi dugu sudur tomon, ⁴⁹ Lakin kulu del al arufu huwo, wa nasawin al ruwa wara tuo min Jeliel, wogif min beiti, bi ayenu hajat del. ⁵⁰ Inak kan fi zol isimu Yousif, al kan udu fi megeles. Huwo kan zol kwes wa insan beri ⁵¹ Zol de maa rudu itifagia wa karar tomon. Huwo kan min Yahudia medina ta Ramah, wa huwo kan bi ayenu la malakuut ta Allah. ⁵² Zol de, ruwa le Pilatus, asalu le gesim ta Yesua, ⁵³ Huwo nezilu tihit, wa lifo ma kafna, wa kutu fi turuba al kan afurao fi hajer, al mafi zol lisa dofunu fogo. ⁵⁴ Huwo kan yom ta jahizu, wa Sabbath kan bi ga gerib bi bada. ⁵⁵ Nasawin al kan ja ma Yesua min Jeliel ruwa wara wa ayenu turuba wa kef gesim tuo kutu. ⁵⁶ Humon rija wa jahizu bakur wa riha. Fi yom Sabbith humon akudu raha hasab ganuun.