¹ Saba bederi fi awel yom ta Usboh, humon ja le turuba, jibu bakur al humon jahizu. ² Humon ligo hajer lizu bara min turuba. ³ Humon dakalu juwa, lakin humon ma ligo gesim ta al Rab Yesua. ⁴ Hasil inu, wokit humon kan mustagarabin faja, etnin rajil wogif jambo tomon ma gumash lamah. ⁵ Ze ma nasawin del kan mala kafu wa humon denger ras tomon, tihit humon kelim le nasawin, ''Lei intum bi fetisu al hai bein al meiteen? ⁶ Huwo mafi ini, lakin huwo gum! Zekir kef huwo wonusu le intum zaman huwo kan lisa fi Jeliel, ⁷ kelim inu ibni al insan bi selim fi edan ta nas al khatieen wa bi selibu, wa fi yom al talet bi gum tani.'' ⁸ Nasawin zekir kelimat tuo ⁹ wa humon rija min turuba wa wori kulu hajat del le al etnashar wa al bagi nas. Mariam al Magdalene. ¹⁰ Yona, Mria uma ta Yakub, wa naswin al ma humon wori hajat del le rusuul. ¹¹ Lakin risala de beinu ze wonusa ta nas al ma indu shokul le rusuul, wa humon ma amin ma nasawin. ¹² Butrus gum fok jere le turuba, wa denger wa ayenu le kafna ma nefsa tuo. Butrus bada dak ruwa le bet, mustagarab min haja al hasil. ¹³ Etnin min humon kan mashin fi nefsu yom le beled isimu Emmaus, al kan masafa tuo min Uruselim siteen kilo. ¹⁴ Humon bi wonusu ma bad an kulu hajat al hasil. ¹⁵ Wa hasil wokit humon bi wonusu wa bi asalu bad tomon, Yesua bi nefsa tuo ja wa ruwa ma humon. ¹⁶ Lakin uyuun tomon kan abusu ashan ib arufu huwo. ¹⁷ Yesua kelim le humon, ''Sunu yau intum al etnin bi wonusu wa intum mashin?'' Humon wogif inak beinu zalanin. ¹⁸ Wahid min humon, isimu Cleopas, juwabu huwo, ''inta yau bes zol al ini fi Uruselim ma arufu hajat al hasil talat ayam al fat?'' ¹⁹ Yesua kelim le humon, ''Yatu hajat?'' Humon juabu huwo, ''Al hajat an Yesua ta Nasira, al kan nabi, al guwi fi amal wa kelima gidam Allah wa kulu nas, ²⁰ wa kef rais ta khahna wa hukam tanina selimu huwo ashan bi hukumu ma mutu wa selibu huwo. ²¹ Lakin anina indu raja inu huwo yau al bi ja hariru Isarael. Lakin fi de kulu de hasa yom nimra talata min ma hajat del hasil. ²² Lakin kaman, baad min nasawin al kan fi ma aniana ruwa saba bederi fi turuba kutu anian tala mustagarabin. ²³ Wokit humon ma ligo gesim tuo, humon ja, kelim inu humon kaman ayenu ruoya malaykat al kelim inu huwo hai. ²⁴ Bad rijal al kan ma anina ruwa le turuba, wa ligo huwo bes ze nasawin kelim. Lakin humon ma ayenu huwo.'' ²⁵ Yesua kelim le humon, ''Ya nas al beleteen wa al betieen fi geliba ashan bi amin fi kulu al anbia wonsu! ²⁶ Hal ma dururi le Mesih ashan bi tab ma hajat del, wa ashan bi dakalu fi mejid tuo?'' ²⁷ Bedaya min Musa wa min kulu anbia, Yesua fasir le humon hajat an nefsa tuo fi kulu kotub. ²⁸ Ze ma humon bi ga gerib le beled al humon mashin fogo, Yesua mesil ze huwo mashi le mahal beiit. ²⁹ Lakin humon asuru huwo, kelim, ''Geni ma anina, la anu hasa bi ga ashiya wa yom kalas kalasu.'' Fa Yesua ruwa ashan bi geni ma humon. ³⁰ Wa hasil wokit huwo geni tihit ashan bi akulu ma humon, huwo shilu rigif, bariko, huwo wodi le humon. ³¹ Yala uyuun tomon fata, wa humon arufu huwo, wa huwo wodoro min humon. ³² Humon kelim le bad tomon, ''Hal gelba tanina kan bi haraku min juwa , zaman huwo bi wonusu le anina fi sika, zaman huwo fata le nina al ketab?'' ³³ Humon gum fok fi nefsu zaman wa rija le Uruselim. Humon ligo al hedashar limu sawa wa del al kan ma humon, ³⁴ kelimu, ''Rabuna huwo gum bi hagiga, wa zahir le Samaan. ³⁵ Fa humon wori hajat al hasil fi sika, wa keif Yesua kan wori le humon fi kasuru rigif. ³⁶ Ze ma humon bi wonusu hajat del, Yesua nefsu wogif fi nus tomon, wa kelim le humon, ''Salam kede kun ma intum.'' ³⁷ Lakin humon kan kafu wa mala ma kafu, ka anu humon ayenu roho. ³⁸ v38 Yesua kelim le humon, ''Malo intum kayifin?malu intum bi asalu sualat fi gelba takum? ³⁹ Ayen edanat tai korenat tai, de huwo ana nefsu. Lemesu ana wa ayenu. La anu roho ma indu gesim wa adum, ze ma intum ayenu ana indu ⁴⁰ Bad ma huwo kelim de, huwo wori le humon edanat wa korenat tuo. ⁴¹ Humon lisa ma agder fahim ashan farah, wa humon kan mustagarabin. Yesua kelim le humon, ''Hal intum indu haja ta akulu?'' ⁴² Humon wodi le humon gita samaga al haragu, ⁴³ wa huwo shilu wa akulu gidam tomon. ⁴⁴ Huwo kelim le humon, ''Zaman ana kan ma iakum, Ana wori le itakum inu kulu hajat katibu fi ganuun ta Musa wa anbia wa al fi Mazamir lazim bi kamilu. ⁴⁵ Bad dak huwo fatah mock tomon, ashan humon bi fahim al kotub. ⁴⁶ Huwo kelim le humon, ''Huwo moktub, inu al Mesih bi tab wa bi gum tani min mutu fi yom al talet. ⁴⁷ Tuwba wa affi lazim bi beshiru fi isim tuo le kulu nas, bidaya min Uruselim. ⁴⁸ Intum shohudin ta hajat del. ⁴⁹ Ayenu, Ana bi rasulu intum haja al abu tai wadu. Lakin geni takum fi medina lahadi intum bi libisu guwa min fok.'' ⁵⁰ Bad dak Yesua tala humon bara lahadi gerib ma Bet aniya. Huwo arufa idanat tuo wa bariko humon, ⁵¹ Hasil wokit huwo kan bi bariko humon, huwo sibu humon wa shilu huwo fok fi sama. ⁵² Fa humon abidu huwo wa humon rija le Uruselim ma farah kebir. ⁵³ Humon kan mustemirin fi haikal bi bariko Alla.