¹ Hasa eid al fitir al bi nadi feas bi ga gerib, ² rais ta kahna wa kataba humon fitisu kef humon bi katulu Yesus humon kayifin min nas. ³ Yala shetan dakalu fi Yahuza al Scariuti, al kan wahid min al etnashar. ⁴ Yahuza ruwa le rais wa dabit ta jesh kef huwo bi selimu Yesua le humon. ⁵ Humon kan farhanin wa humon rudu ashan bi wodi le huwo gurush. ⁶ huwo rudu wa fitisu fursa ashan bi selimu huwo beiit min al jumhur. ⁷ Bad dak yom ta eid al fitir ja, al fogo bi dabah karuf. ⁸ Fa Yesus rasulu Butrus wa Yuhana, kelim, ''Ruwa wa jahizu takum le anina feas ashan anina bi akulu. ⁹ Humon kelim le huwo, ''Wen inta der anina kede jahizu?'' ¹⁰ Huwo juabu le humon, ''Ayenu zaman intum dakalu medina, intum bi ligo rajil arufa guruma ta moyo ruwa takum wara tuo fi bet ta saeed, ¹¹ 'Kelim takum Mo alim kelim le anina ''Wenu juwa ta diyouf, al ana bi akulu feas ma talamiz tai wen?''' ¹² Huwo bi wori le intum juwa kebir ferisu fok. jahizu takum inak.'' ¹³ Yala humon ruwa, wa ligo aye haja ze ma huwo kan kelim le humon. Bad dak humon jahizu al feas. ¹⁴ Wokit zaman ja, huwo geni tihit ma rusuul. ¹⁵ Yala huwo kelimu le humon, ''Ana indu nia azim ashan bi akulu feas de ma itakum gubal lis Ana ma taab. ¹⁶ La anu Ana kelimu le itakum, Ana ma bi akulu tani lahadi bi kamilu fi malakuut Allah'' ¹⁷ Bad dak Yesua shilu al kubaya, wa zaman huwo wodi shokur, huwo kelim, ''Shilu de, wa gesimu fi bein takum. ¹⁸ La anu Ana kelimu le intum. Ana ma bi asurubo min samar ta kharma lahadi malakuut Allah bi ja.'' ¹⁹ Yala huwo shilu rigif, wa zaman huwo wodi shokur, huwo kasuru wa wodi le humon, kelim, ''de yau gesim tai al wodi le intum, Amulu ze de ashan bi zekir ana.'' ²⁰ Huwo shilu kubaya bi nefsu tariga bad asha, kelim, ''Kubaya de huwo ahad al jedid fi dom tai, al kubo ashan intum. ²¹ Lakin al bi selimu ana fi ma ana fi tarabeza. ²² La anu ibn al insan bi ruwa ze ma katibu. Lakin bi kun kab le zol al yau bi selimu!'' ²³ Humon bada wonusu fi nus tomon munu fi nus tomon al bi amulu ze de. ²⁴ Wa kan bein tomon kaman kore kore munu min nus tomon bi kun kebir. ²⁵ Huwo kelim le humon, ''Al muluk ta umam mosulin le humon, wa del al indu sultan le humon bi nadi humon nas al bi amulu kwes le tomon. ²⁶ Lakin huwo ma bi kun ze de ma intum. Lakin, kede wahid al kebir fi nus takum kede kun soker, wa wahid al muhim kalis kede kun ze kadam, ²⁷ La anu munu yau kebir, al bi geni fi tarabeza wala wahid al bi akdim? Hal ma al bi geni fi tarabeza? Lakin ana fi nus takum ze kadim. ²⁸ Lakin intum yau nas al istemir ma ana fi tajarib tai. ²⁹ Ana wodi le itakum malakuut, ze ma abu tai wodi le intum malakuut, ³⁰ ashan intum bi akulu wa asurubo fi malakuut tai, wa intum bi geni fi kursi hukumu gabayil ta Israel al etnashar. ³¹ Smaan, Samaan, amulu hisabak, Shetan der intum ashan bi gurbal intum ze geme. ³² Lakin Ana seli le inta, inu imman taki ma bi waga. Bad ma inta rija wara tani, guwi akuwana taki,'' ³³ Butrus kelim le huwo, ''Rabuna, ana jazhiz ashan bi ruwa ma inta fi segen wa fi mutu. ³⁴ Yesua juabu, Ana kelim le intum, Butrus, dig ma bi kore fi yom dak, gabili inta ma ankur ana talata marat.'' ³⁵ Yala Yesua kelim le humn, ''Zaman ana rasulu intum bidun keys gezima hal nagez min intum haja?'' Humon juabu ma fi haja.'' ³⁶ Yala huwo kelim humon, Lakin hasa, zol al indu keys, kede huwo shilu, wa kaman keys ta akil Zol al ma indu sekin kede beau keys tuo bara wa ishteri wahahid. ³⁷ La anu ana kelim, haja al katibu an ana lazim bi kamil, Hasibu huwo ma nas al tala bara min ganuun. La anu haja al nabao an ana bi ga kamilu,'' ³⁸ Yala humon, kelim, ''Rabuna, ayenu! ini fi etnin sekin.'' Huwo kelimu le humon, de kefaya.'' ³⁹ Yesua ruwa le jebel zeitun ze ma huwo dayiman bi amulu, wa talamiz ruwa wara tuo. ⁴⁰ Zaman humon wusulu, huwo kelim le humon, ''Seli takum ashan intum ma bi dakalu fi tajeriba.'' ⁴¹ Huwo ruwa bara min humon fi masafa ta jada hajer, wa huwo denger tihit wa seli, ⁴² gali, ''Abu, kan inta der, shilu al kubaya de min ana. ma ashan irada tai lakin irada taki yau kede timu.'' ⁴³ Bad dak malayka min sama beinu le huwo, guwi huwo. ⁴⁴ kan fi azab kebir, huwo seli bi lajaja, wa argan tuo tala ze naga ta dom tihit fi ard. ⁴⁵ Zaman huwo gum fok min salawat, huwo ja le talamiz wa ligo huwo naimin ashan huzun tomon ⁴⁶ wa asalu humon, ''Lei intum naimin? Gum fok wa seli, ashan intum ma bi dakalu fi tajeriba.'' ⁴⁷ Wokit huwo lisa bi wonusu, Jumhuur beinu ma Yahuza, wahid min al etnashar, bi gedimu humon. Huwo ja gerib le Yesua ashan bi amulu gubula huwo ⁴⁸ Lakin Yesua kelim le huwo, '' Yahuza, inta yau bi selim ibni al insan ma gubula?'' ⁴⁹ Wokit del al kan hawli Yesua ayenu al kan bi hasil, humon kelim, ''Rabuna anina kede kata ma sekin?'' ⁵⁰ Yala wahid min humon hajim al kadim al ta khahin al alah, wa kata adna tuo ta yemin. ⁵¹ Yesua kelim, ''De kefaya!'' Huwo lemesu adna tuo wa aliju huwo ⁵² Yesua kelimu le rais ta khahna, wa le dabit ta Hayikal, wa le shoyuuk al bi ga ded huwo, ''itakum bi ja le ana bi sef wa asaya ka anu ana mujirim? ⁵³ Zaman ana kulu yom ma iakum fi al haikal, itakum ma kutu edan le ana Lakin de zaman takum, wa guwa ta duluma.'' ⁵⁴ Shilu huwo sugu huwo bara wa jibu huwo fi bet ta khahin al alli. Lakin butrus tabe huwo min beid. ⁵⁵ Bad dak humon wala nar fi nus ta bet wa humon geni sawa Butrus geni fi nus tomon. ⁵⁶ Mara tani ayenu huwo ze ma huwo geni fi dou ta nar wa ayenu tuwali le huwo wa kelimu, ''Rajil de kaman kan ma huwo.'' ⁵⁷ Lakin Butrus anguru, gali, ''Mara, Ana ma arufu huwo. ⁵⁸ Bad zaman besit zol tani ayenu huwo, wa gali, ''Inta kaman wahid min humon.'' Lakin Butrus kelim, ''Ya rajil, ma ana.'' ⁵⁹ Bad saa zol tani kelimu, ''Hagiga rajil de kaman kan ma huwo, la anu huwo min al Jeliel.'' ⁶⁰ Lakin Butrous kelimu, Ya rajil Ana ma arufu haja al inta bi wonus fogo.'' Tuwali zaman huwo kan bi wonusu, dig kore. ⁶¹ Rabuna gilibu wa ayenu le Butrus, wa Butrus zikir kelim ta Rabuna, wokit huwo kelim le huwo, ''Gabili dig bi kore wa inta bi anguru ana talata marat.'' ⁶² Butrus ruwa bara wa kore ma waja. ⁶³ Bad dak rijal al bi harisu Yesua humon dugu wa hagiru huwo. ⁶⁴ Humon kati huwo wa bi asalu gali, ''Itnaba munu dugu inta?'' ⁶⁵ Humon wonusu hajat ketir ded Yesua, wa shetimu huwo. ⁶⁶ Zaman bi ga nar, shiyuk limu sawa, ma khahna wa kataba. Humon sugu huwo fi mageles, ⁶⁷ wa kelim, ''Kan inta al Mesih, wori le anian ''Lakin huwo kelim le humon, Kan ana wori le intum, intum ma bi anim, ⁶⁸ wa kan Ana asalu itum, intum ma bi juabu. ⁶⁹ Lakin min hasa le gidam, ibni al insan bi geni fi eda yemin ta guwa ta Allah.'' ⁷⁰ Humon kelimu, Inta jena ta Allah?'' Yesua kelim le humon, ''Intum kelim ana huwo. '' ⁷¹ Humon keim, ''lei anina lisa der shuhuud? La anu anina bi nefsa tanina asuma min kasma tuo.''