¹ Yesua ayenu fok wa shafa rijal al agniya bi jada hadaya tomon fi kazna. ² Huwo ayenu armala meskin kutu etnin jine. ³ Fa huwo kelim, ''Hagiga Ana bi kelim le intum, armala de wodi aktar min intum kulu. ⁴ Del kulu wodi min bagi al fadulu le humon. Lakin armala de, ma meskin ta hiya wodi kulu al hiya bi ish mao,'' ⁵ Ze ma tanin wonusu an haikal, kef kan jemilu ma hujar al jemil wa hadaya, huwo kelim, ⁶ le hajat del al itakum bi ayenu, zaman bi ja al ma fi hajar wahid bi sibu fi ras tani bi dun ma bi kasuru.'' ⁷ Fa humon asuma huwo, kelim, Mo alim, miten hajat del bi hasil? Sunu yau bi alama kna hajat del der hasil?'' ⁸ Yesua juabu, ''Amulu takum hisab kede ma kabasu intum. La anu ketir bi ja fi isim tai, kelim, Ana ini wa, Zaman gerib. Ma ta ruwa wara tomon ⁹ Kan intum asuma an harib wa galgala, ma takum kafu, la anu hajat del lazim bi hasil awel, lakin nihaya ma bi hasil tuwali.'' ¹⁰ Bad dak huwo kelimu le humon, ''Beled bi gum ded beled, wa mamlaka ded mamlaka. ¹¹ Zalzal kebir bi hasil, wa fi mahalat kulu ja an wa ayanat. Inak bi kun fi kafu wa alamat kebir min sama. ¹² Lakin gabili hajat del, humon bi kutu edan fogo intum wa bi azibu intum, bi sugu intum le majma wa sujun, bi jibu intum gidam ta muluk wa hukam ashan isim tai. ¹³ Huwo bi kun fursa le shuada takum. ¹⁴ Ashan keda ma takum kutu fi gelba takum ashan bi jazhizu difa gebli zaman, ¹⁵ La anu ana bi wodi kelimat wa hikma al adu takum ma bi agder kaumu aw aridu. ¹⁶ Lakin bi selimu itakum kaman ma abuhat, akuwana, ahal, wa sabihat, wa humon kutu tanin min intum bi mutu. ¹⁷ Bi akrahu itakum ma aye zol ashan isim tai. ¹⁸ Lakin shar min ras takum ma bi mutu. ¹⁹ fi tahmul takum intum bi ligo nufus takym. ²⁰ Zaman Yesua ayenu Uruselim bi katti ma adu, arufu inu de dimar gerib ini. ²¹ Fa sibu del fi Yahudia jere le jebel, sibu del al fi medina sibu, wa del al humon bara min beled ma bi dakalu medina. ²² La anu del ayam ta ikhab, fa kulu hajat al katibu bi kamilu. ²³ Bi kun kab le del al hamilanin wa le del al humon dayat fi ayam dak! La anu bi waja kebir fogo turab, wa bi kun kab le nas del. ²⁴ Humon bi waga ma taraf sef, wa bi shilu humon le belad kulu, wa Uruselim bi demiru ma nas al umam lahadi zaman ta umam bi kamilu. ²⁵ Inak bi kun fi alama fi gamara, wa fi nujom, wa fi ard. Al umam bi kun fi waja, galagel ashan m amuwaj ta bahar bi hizu. ²⁶ Inak bi kun fi shokul deiif min kafu hajat al bi fi alam. La guwa ta sama bi hizu. ²⁷ Ya humon bi ayenu ibni al insan jai fi sihab ma guwa wa mejid azim. ²⁸ Lakin wokit hajat del bada hasil, wogif fok wa arufa idanat taki naja takum gerib.'' ²⁹ Yesua wori le humon misal, ''Ayenu le shejera tina, wa kulu shejerat. ³⁰ kan waragat waga, intum bi ayenu le nfsa takum wa intum bi arufu inu karanga gerib. ³¹ Fa kaman, kan intum hajat del bi hasil. intum bi arufu inu malakuut ta Allah gerib. ³² Hagiga Ana bi kelim le intum, jeil de ma bi futu la hadi hajat del bi hasil. ³³ Sama wa ard bi kalasu, lakin kalam tai kulu kulu ma bi kalasu. ³⁴ Lakin kutu balak le nufus takum, ashan gelba takum ma bi kun tegel ma gumar, shirab wa sakar wa humon kafu ta f haya, wa yom dak ma bi gufulu fogo inta faja.h ³⁵ La anu huwo bi ja fogo aye zol al bi ish fogo wosa ta kulu ard. ³⁶ Lakin be haris fi kulu zaman, seli ashan ita bi kun guwi ashan bi jere min kulu hajat del al bi hasil, wa ashan bi wogif gidam ta ibni al insan.'' ³⁷ Wa kan bi nahar huwo bi derisu fi haikal, wa fi belel huwo ruwa wa geni fi jebel ta zeitun. ³⁸ Nas kulu ja bederi fi saba ashan bi asuma le huwo fi haikal.