¹ Fi wahid min ayam ze ma Yesua kan bi derisu fi kenisa wa bi beshiru injil rais ta khna wa kataba ja le huwo ma nas kabar. ² Humon wunusu, kelim le huwo, ''Wori le anina ma yatu sultan inta bi amulu hajat del, aw munu yau wodi le inta sultan.'' ³ Huwo juabu wa le humon, ''Ana bi asalu sual , wa inta juabu ana. ⁴ Al mamudia ta Youhana kan min sama wala min insan?'' ⁵ Humon fekir fi nufus tomon, gali ''Gali kan anina kelim min sama, huwo bi lei intum ma amin fi huwo? ⁶ Lakin kan aniana kelim, Min insan, kulu nas bi rejimu anina, la anu humon wasik inu Youhana kan nabi.'' ⁷ Fa humon juabu inu humon ma arufu huwo ja min wen. ⁸ Yesua kelim le humon. ''Wele ana bi wori ma yatu sultan ana bi amulu hajat del.'' ⁹ Huwo wori le nas misal de , ''Zol zara jinena,, ujuro bara ashan kharma, wa ruwa le beled tani le zaman tuwil. ¹⁰ fi zaman dak huwo rasulu kadam le siyadum karma ashan huwo bi wodi le huwo min samar ta karma. Lakin siyadum kharma dugu huwo, wa rasulu huwo edan-fadi. ¹¹ Wa huwo rasulu kadam tani wa humon kaman dugu huwo, amulu huwo batal, wa rasulu huwo idan fadi. ¹² Huwo kaman rasulu nimra talata wa humon kaman awogu huwo, wa jada huwo bara. ¹³ Fa Rabuna ta jenena kelim, Ana bi amulu sunu? Ana bi rasulu jena tai al mahbub. mumkin humon bi ihteramu huwo. ¹⁴ Lakin zaman siyadum karma ayenu huwo, humon wonusu fi bad tomon, gali, 'De yau al waris, Kede anina katulu huwo, ashan al worisa bi kun tanina. ¹⁵ Humon jada huwo bara min kharma wa katulu huwo, sunu bi ga rabuna ta karma bi amulu? ¹⁶ Huwo bi ja wa demiru siydum karma del, wa bi wodi al karma le nas tanin,'' Zaman humon asuma, humon kelim, ''Kede ma bi hasil ¹⁷ Lakin Yesua ayenu le humon, wa kelim ''Ma mana ta ketaba de. Al hajer al banayin aba bi ga yau hajer ta zawia'? ¹⁸ Kulu wahid al bi waga fi hajer bi kasuru huwo soker soker, wa wahid al hajer de bi waga fogo huwo bi kasuru huwo.'' ¹⁹ Fa kataba wa rais ta kahna kan der amsuku huwo fi zaman dak, la anu humon arufu huwo wonusu misal del ded humon. Lakin humon kan kafu min nas. ²⁰ Fa humon kan bi ragibu huwo wa rasulu jawsis al bi mesil humon nedifin ashan bi amsuku huwo ma kelima, hata bi agder selimu huwo le hakim wa sultat ta wali. ²¹ humon asalu huwo, gal, ''Mo alim, anina arufu inu inta kelim wa bi derisu adel, wa ma bi asir ma wozifa ta aye zol, lakin inta bi derisu hagiga an sika ta Allah. ²² Hal huwo ganuuni le anina ashan bi dafa darayib le Caesar, wale la?'' ²³ Lakin Yesua fahimu shokul negit tomon, wa kelim le humon, ²⁴ beinu takum le ana gurush. Sura wa ketaba de ta munu Humon kelim ta ''Caesar. ²⁵ Huwo kelim le humon, ''Wodi le Caesar hajat ta Caesar wa wodi le Allah hajat ta Allah.'' ²⁶ Humon kan ma agder ligo galat fi haja al huwo kelim fi gidam ta nas, lakin humon istakgarab min juwab tuo wa humon kan askut. ²⁷ Zaman bad min al Saduqiyun ja le huwo, del bi kelim ma fi giyama, ²⁸ humon asalu huwo, gal, ''Mo alim, Musa katibu le anina inu zi zol al aku tuo mutu, indu mara, wa ma indu iyal, rajil bi shilu mara ta aku tuo, wa weledo ma hiya le aku tuo. ²⁹ Inak fi saba akuwana wa al awel shilu mara, wa mutu bidun iyal, ³⁰ wa nimira etnin kaman zi de kede. ³¹ Al nimira talata shilu hiya, wa kaman al saba ma sibu iyal, wa mutu. ³² Bad dak mara mutu kaman. ³³ Fi giyama, mara de bi kun ta munu? La anu al saba hiya kan mara le saba.'' ³⁴ Yesua kelim le humon, ''Iyal ta alam de bi zuwujo wa bi zuwujo humon. ³⁵ Lakin del al humon bi istehik giyama min mutu ma bi zuwujo wale bi zuwujo humon. ³⁶ Aw humon ma bi mutu tani, la anu humon bi ga sawa ma malaykat wa humon iyal ta Allah, iyal ta giyama. ³⁷ Lakin al meiteen bi gum, hata Musa ayenu, fi hala gaba, al fogo huwo nadi Rabuna Allah ta Abraham wa Allah ta Ishak wa Allah ta Yakub. ³⁸ Hasa huwo ma Allah ta meiteen, lakin ta ahya, la anu kulu nas hai fi huwo.'' ³⁹ Bad min al kataba juabu, ''Mo alim, inta juabu tamum.'' ⁴⁰ Fa humon ma hawel asal huwo ketir. ⁴¹ Yesua kelim le humon, ''Kef humon bi kelim inu al Messiah huwo ibni Dawud? ⁴² La anu Dawud nefsu keimu fi ketab ma Mazanir, Rabuna kelim le Rabuna tai, Geni fi eda yemin ⁴³ la hadi Ana bi kutu adu taki tihit kura taki. ⁴⁴ ashan keda Dawud bi nadi Mesih Rabuna, fa kef bi kun jena tuo?'' ⁴⁵ Fi adana ta nas kulu huwo kelim le talamiz tuo, ⁴⁶ amulu takum hisab min kataba, al nia tomon fi doworia ma jalabia tuwil aw hibu salam fi suk wa humon bi hibu geni fi majma wa mahalat al tamum ⁴⁷ Humon kaman bi akulu fi beaut ta aramil, wa bi juru salawat tuwil. nas shikil del bi ligo hukum kebir.''