¹ Wa fi ayam dak mafi melik le shab ta Israel, kan fi rajil laowe gerib be geni fi guura ta Jebel Afraim,huwo shilo mara le nefsa tou be seir min Bethlehem fi Judah. ² lakin heya ma amiin ma huwo; heya sebo huwo wa rowa le bet ta abu tou fi Bethlehem ta Judah. Heya geni hinak arba shahar. ³ Rajil tou shilo kadam tou wa itnin himar wa rowa ila Bet ta abu tou ashaan rija heya, laman abu ta beneya de eynu huwo , huwo tala farhan ma ashan gabil huwo. ⁴ Nessib tou, abu ta beneya de, asiigo huwo ashan be geni talata yom. Huwomon akolu , wa ashrobo, huwomo geni belil kulu hinak. ⁵ fi yom nimara arrba huwomon gum bidiiri wa jahzo ashaan rowa, lakin abu ta beneya de kelim le rajil ta beneya tou, “ akol haja beseit , yala inta be rowa.“ ⁶ baga huwomon geni sawa ashan be akolo wa ashrob. Abu ta benya de kelim,“ malisgeni ma anina alila wa istaamta ma nefsa taki.” ⁷ Zaman laowe de gum ashaan be rowa, nessib tou asuruo tani keli huwo num. ⁸ bega fi yom nimira khamsa huwo gum bediri ashan be rowa, lakin abu ta beneya de kelim, akolo haja aowel . wa akodu raha wa geni lahadi fi ashiya.”Wa Huwomon kulu akolo sawa. ⁹ Bad de Rajil de gum ashan be rowa huwo ma kadam wa jena tou, nessib tou abu ta beneya de kelim le huwo , “ hasa wata bega asheya wa be tala belil, geni wa istamta fi zama taki, inta be gum bokra saaba bediri wa rowa fi bet.” ¹⁰ lakin Laowe de ma rodu ashan be num tani. Huwo gum wa rowa ila Jebus de fi Jerusalem huwo ma itnin hemar wa kadam wa jena tou. ¹¹ laman huwo gerib fi Jebus, wata tala belil kadam tou kelim le said tou “ taal keli nina rowa le nas Jebus wan num fogo. ¹² said tou kelim : keli nina ma rowa le medina gerib al mafi fogo iyal ta Israel heney. Keli nina rowa le Gibeah.” ¹³ Huwo kelim le kadam tou, taal keli nina rowa fi mahalat de wa num fi Gibeah aow Ramah.” ¹⁴ huwomon rowa hata wosolo le Gibeah, fi Ard ta Benjamin. ¹⁵ huwomon lefo henak ashan be num fi Gibeah. Wa huwomon geni fi meedan ta medina mafi zol istagbel huwomon fi Bet tou. ¹⁶ Rajil ajooz ja min makan shokol tou min mahal zarah fi asheya. Wa rajil de min Jebel taEphraim, huwo gerib ma Gibeah.lakin rajil de be geni fi maka al eyal ta Benjamin fi fogo ¹⁷ Huwo lego huwomon be wogif fi meedan ta medina , huwo asalo huwomon : “intakom be rowa ween, wa intakom ja min ween?” ¹⁸ Wa rajil al mosafir de jowabo: “ nina ja min Bethlehem fi Judah , ila garia fi Jebel Ephraim, wa ana be rowa fi bet ta Yahewa, lakin mafi zol azo shilo ana fi bet tou. ¹⁹ wa anina endu giish wa akil le hemar tanina, wa fi Kaman regif wa khamr le ana wa kadam taki al beneya heni , wa jena de wa kadam taki. Ana ma mohtajh le haja.” ²⁰ wa ajooz de kelim: “ intakom mrhab fi bet tai. Matakun num fi meedan, ana be wodi kulu haja al inta mohtaj le huow”. ²¹ huwo shilo huwomon fi bet tou wa wodi gish le hemar toumon, huwom gasolo gura toumon wa huwomon akolo wa ashrobo. ²² Laman huwomon be afrah ma nofos toumon , bad min rojal ta medina al batal hasiro bet wa duku bab wa kori le rajil al ajoz de huwo yau sedo bet. Humon kelim, “ jebo bara alrajil al ja fi bet taki , anina azo num ma huwo.” ²³ rajil sedo bet de ,tala bara le huwomon wa kelim: “ la, ya akwana tai, matakun amolo haja al batal de! Ze ma rajil de deefan fi bet tai , matakun amolo katia al batal de. ²⁴ Yau beneya tai al azra wa kadam tou keli ana ndai huwom le intakun wa istamta takun ma huwom wa amolo haja al intkon azu amolo, lakin matakon amolo haja batal le rajil de”, ²⁵ lakin rojal al batalin de aba asuuma le huwo. Rajil al deefan eynu kedi mafi terika ila huwo tala mara tou al kadam de, huwomon num ma heya belil kulu la hadi sabah. Wa gerib sabah huwomon sebo heya. ²⁶ mara de ja fi sabah wa wogga fi bab ta bet ta rajil al said tou be geni fogo lahadi nahar. ²⁷ Said tou gum fi sabah, zaman huwo fata abowab ta bet wa tabi asar ta terika ta kadam tou al mara de woga fi bab ta bet, wa eida tou ala kashab ta bab. ²⁸ huwo kelim le heya : gum geli anina rowa”. Heya ma jowabu huwo leno heya mutu huwo arfa heya fi hemar wa rowa fi makan tou. ²⁹ Laman huwo wosulo fi bet huwo shilo sekiin, wa gata kadam tou de ila itnashar kiita ma odam tou, huwo wazau le kulu gebila ta Israel, ³⁰ huwo kelim kulu zol al eynu kiita de : “ ma hasil min yom shab ta Israel tala bara min Masir lahdi yom de. Fekiro takon an huwo! Wodi le anina ershad! Wori le nina keli anin amolo shonu!”