¹ Fi ayam dak mafi Melik fi isarel. Iyal ta ossra ta Dan be fetiso makan al huwomon be geeni fogo, lenao huwomon ma lego nesba toumon min Ard fi nus ta Shab ta Israel. ² iyal ta Dan ralsulu khamsa Rojal min gebila toumon, nas al endu kibra fi harib ta Zorah wa Eshtol, keli huwomon rowa jasos wa kashefo Ard.” Huwo kelim le kelim le huwomon , “rowa wa eynu takom Ard” . huwomon ja fi jebel Ephraim, ila bet ta Micah, huwomon num henak. ³ laman huwomon fi bet ta Micah huwomon arofu min sowt ta gesis ta Micah huwo min gebila ta laowe, huwomon rowa le huwo wa asalo huwo, “munu yau jibu inta heney? Inta be amolo shonu fi makan de? Ley inta heney?” ⁴ huwo kelim le huwomon , “ de yau haja Micah amolo le ana : huwo ajiro ana ashan be kun gesis tou.” ⁵ Huwomon kelim le huwo, “ malis asalo ezin min Alaa ashan nina be arofu kan mohiima ta ninia be naja weli la.” ⁶ Gesis kelim le huwomon, “ rowa takon be salam. Yahewa be shilo intakon fi sika al intakon be rowa fogo.” ⁷ Rojal al kahmsa rowa wa wosulo ila Laish, huwomon lego ahal tou al sidonians begeni be amaan ze nas ta sidonians, huwomon bi aman mafi zol be amolo le huwomon moskila fi Ard tomon, wamafi hakim al zaalim, wa huwomon baadin min sidonans wa ma be taamal ma ay zol . ⁸ huwomon rija ila gebila toumon fi Zorah wa Eshtol. Aahal toumon asalo huwomon , “ tagarir takun shuno. ⁹ Hhuwomon jowabo keli nina hajimo huwomon inin aynu Ard toumon de tamam jiden, wa intakon ma be amolo haja?. Matakum kun kaselan ashan be rowa wa dakalo wa shilo Ard de. ¹⁰ Kan intakom rowa henak , inta be lego Nas al amenin ,wa Ard de kebiir! Rabuna wodi huwo le intakon-makan al fogo ay haja fi Ard. ¹¹ siitoumea Rojal min gebila ta Dan mosalhiin lel harab, min Zorah wa Eshtaol. ¹² huwmon rowa amolo keem fi Kiriath jearim, fi Yahuza .de yau kutu Shab nadi mahal dak keem ta Dan lahadi alila, huwo fi garb ta Kiriath Jearim. ¹³ Huwomon rowa bara min henak ila jebel ta Ephraim wa jai la Bet ta Micah. ¹⁴ Rojal al khamsa al huwomon rowa eynu Ard ta Lish kelim le ahaal toumon , “ hal intakon araofu fi beut dak fi ephod, Household alih,wa sanam al salawo kirir takum hasa intakon be amolo shonu”. ¹⁵ Humon rowa le etijah dak.wa jai la bet ta laowe fi bet ta Micah.wa huwomon selemo huwo. ¹⁶ Wa kan Rojal ta iyal dan al sowtto mea al mosalihin bewogif fi baba al be dakalo min fogo. ¹⁷ Khamsa rojal al rowa kashifo Ard de dakalu jowa wa shilo sanam al amolo, wa ephord , wa household ( trafiim) wa sanamtani,wa gesis be wogif fi bab dukol ma sottoo mea rojal al mosalahiin be adowad ta harb. ¹⁸ Jama deel dakalo fi Bet ta Micah wa shilo sanam al amolo ma eida, wa ephod, wa household ( trafiim) , wa sanam tani . wa gesis de kelim le huwomon : intakon be amolo shuno?. ¹⁹ Humon kelim askuut!Kutu eida taki fi khasma wa taal maana wa kun le anina abu wa gesis. Huwo kowis le inta ashan be kun gesis le bet wahid, min inta bekon gesis le gebila wa osra fi Israel?. ²⁰ geliba ta gesis bigamokosot , huwo shilo ephord wa traffiim wa sanam ta bet, wa huwo dakalo fi nus ta shab. ²¹ bad de huwomon rowa fi sika toumon bad huwomon kutu iyal wa haiwanat ,wa afashat toumon kidam toumon. ²² Laman huwomon bega baadin min bet ta Micahrojal al giribin min bet Micah lemo wa kobodo huwomon ma iyal ta Dan. ²³ huwomon kori le iyal ta Dan , wa huwomon gelibo le , wa kelimo le Micah: Moshkila taki shuno, inta nadi nas taki ashan shakila?. ²⁴ Huwo jowabo intakom shilo alaa al ana amolo , wa gesis tai, wa rowa . fi shuno tani al intakon sebu? Keef intakon be asalo ana moshkila taki ma ana shonu?” ²⁵ Shab ta Dan kelim kilima le huwo, “ mata nakish ma anina ,aow bad min nas al zalaniin be hajemo inta, wa inta ma osra taki be katolu.” ²⁶ Sahab ta Dan bada rowa fi sika toumon , laman Micah ayno huwomon gowiin min huwo, huwo rija le bet tou. ²⁷ Iyal ta Dan shilohaja al Micah amolo, wa gesis tou Kaman shilo, huwomon rowa le Laish, huwomon tani le nas ta salam, wa ma endu shak ma badon toumon, huwommon hajimo huwomon nas deel wa katolu huwomo ma seef wa harago medina. ²⁸ Mafi zol be ankisso huwomon leano mahal de beeid min Sidon,wa huwomon ma endu moamala ma ayi zol.wa kan medina de gerib ma wadi al fi Bet ta Rehob. Huwomon rija abino medina de wa geni fogo. ²⁹ wa huwomon semi isim ta medina de Dan be isim ta abu toumon al huwo wahid min ayal ta Israel .lakin isim ta Medina de kan be astamilo Laish. ³⁰ Sahb ta Dan amolo sanam al amolo ma eida le nefsa toumon. Wa kan Jonathan jena ta Gershom, jena ta Musa, huwo wa iyal tou kan gasaosa le gebila ta iyal ta Dan lehadi fi yom ta abudeia. ³¹ wa huwomon isteimir istamil sanam al Micah yau amolo de , fi kulu zaman fi Bet ta Alaa fi Shiloh.