¹ Kaan fi Rajil isim tou Mich be geni fi Jebel Ephraim ² huwo kelim le uma tou, “ 1,100 shekels ta feeda al ana shilo min inta , wa inta laanu , wa kelim fi adana tai yau feeda de ma ana . “ana yau seriku” uma tou kelim “keli Yahewa bariko inta, ya jena tai!” ³ huwo rija 1,100 shekel ta feeda le uma tou wa uma tou kelim , “ ana kasiso feeda de be isism taki le Yahewa, wa anina be amolu timsal wa amolu sanam , wa yau ana be rija le inta feeda de”. ⁴ huwo rija feeda de le uma tou, uma tou wodi meeteen shekel ta feeda le nas al be amolo sanam de, wa huwomon amolo itnin timsal le heya , wa kutu fi Bet ta Micah. ⁵ Micah kasiso makan fi Bet tou ashaan be kun le ebbada ta rabunat. Yala huwo amolo ephod wa trafim, wa keriso whaid min eyal tou gesis le huwo. ⁶ fi zaman dak Israel ma endu Melik, kan kulu wahid be sarif be terika tou. ⁷ kaan fi weled sukeer min Bethlehem fi yahuza min gebila ta yahuza , huwo min laowe. Huwo begeni amolo wajib tou hinak. ⁸ Rajil de tala min medina Bethlehem fi yahuzawa rowa fetiso le huwo makan ta geeni. Fi sika tou huwo ja fi Bet ta Micah fi jebel ta Ephraim. ⁹ Micah kelim le huwo, “ inta ja min ween?” huwo jowabu : “ ana laowemin Bethlehem fi yahuza , wa ana be rowa fetiso makan al ana be geeni fogo.” ¹⁰ Micah kelim le huwo, “ geeni ma ana wa kun abu tai wa gesis. Ana be wodi ashaara shekel ta feeda fi sena malabis taki wa akil taki.” Laowe tifagu fi kalam tou ¹¹ huwo rudu ashaan geni ma huwo. Weled de bega geni ze wahid min ayal ta Micah. ¹² Micah keriso laowe de , wa huwo bega gesis le huwo wa geeni fi Bet ta Micah. ¹³ Micah kelim : “ hassa ana arof gali Yaheweh be kun kowis ma ana , leano laowe de bega gesis le ana”.