¹ Samson rowa le Gaza wa huwo Eynu mara al ta zeina henak, wa huwo rowa le heya. ² wori le Nas ta Gaza gali “Samson ja heni.” Huwomon haseru bet wa amolu le huwo kemeen belil kulu fi Bab ta Medina, huwomon geni beerah belil kulu wa kelimo: “keli Nina intizir lahadi Saba, baad de anina be katulu huwo” ³ Samson num hata nus belil. Fi nus belil huwo gum fok wa agilla itnin amod ta baba ta medina wa arfa fi kitfa tou ila fok Jebel fi kidam ta Hebron. ⁴ Bad de, Samson hebu mara fi wadi Sorek. Isim ta heya Delila, ⁵ hukaam ta falastiin ja le heya , wa kelim , “ ciyaasu Samson keli houw wory siir ta gowa tou alkebir wa keef anaina be agdir gelibo huwo ,amol kalam de wa kulu zol min anina be wodi le inta 1,100 shekel min feeda .” ⁶ fa Delila kelim le Samson: “malis wori le ana malo inta endu gowa kebir ze di? Keef momkin zol be robotu inta , wa inta ma be agidir amolo haja aow fiiku ⁷ Samson jowabo le heya :“kan roboto ana ma saba habil al jidid ana bekun deeyif ze ayi zol." ⁸ hukam ta falastiin jibu le heya saba hobal jidid wa heya roboto ma huwo ⁹ wa kan kemin de amolo fi jowa tou. Heya kelim le huwo: falastiinin ja le inta ya Samson. Huwo kata hobal de ze keit al kafif al habiso ma Nar. Heya ma arofo gowa tou. ¹⁰ baga delila kelim le Samson,“intakabaso anawa sowato le ana.Malis, wori le ana keef momkin be agdier intisir le inta” ¹¹ huwo kelim le heya “kan huwomon roboto ana ma hobal jidid al lesa ma estakalo ma huwo, ana be tala deef ze ey insan,” ¹² bega delila shilo hobal jidid wa bada roboto ma huwo, wa kelim le huwo, “nas falastin fok inta, Samson!” rojal de kan be geni estena fi nus jowa lakin Samson gata kulu hobal al fi eida tou sukeer sukeer. ¹³ Delila kelim le Samson, “le hadi hassa inta Lisa be kabaso ana wa kelim le ana sowata. Wori le ana keef be agdiro intisiro le inta, “ Samson kelim le heya “kan inta shilo wa mesto saba min shar tai wa inta roboto fi weitid ana be kon ze ay insan.” ¹⁴ laman huwo num delila shilo saba min shar tou wa somoro fi weitidwa heya kelim le huwo, “nas falastin be ja le inta ya Samason huwo gum min num wa agila kulu shar al doko fi weitid de.” ¹⁵ heya kelim le huwo, “ keef inta be kelim gali inta be hebo ana , wa inta ma be wori asraar taki le ana, inta kabaso ana talata marat wa inta ma be wori le ana gowa taki, “ ¹⁶ kulu yom heya be amolo le huwo dakit ma kalam wa heya dakito huwo shedid huwo fekir keli huwo mutu bara. ¹⁷ Samson wori le heya kulu hajat al fi gelba tou wa kelim le heya , “ ma gaataou shar min ras tai kulukulu , wa ana niziir le Alaa min fi batan ta uma tai. Kan shar tai gaataou, gowa tai bekun mafi, ana bekunn ze ay insan.” ¹⁸ Laman delila arofu eno Samson kelim le heya al hagiga kulu al fi gelba tou , heya raslo wa nadi hukam ta falastiin, wa kelim, “tal takum ,huwo wori le ana kulu haja,” hukam ta falastin ja ma feeda fi eida toumon. ¹⁹ heya wodi huwo num fi rogoba tou. Wa nadi rajil ashaan gaata saba shar tou al misto de min ras tou, wa heya baga aliso huwo leano gowa tou bega mafi. ²⁰ heya kelim , “falastiin be ja le ninta ya Samson! “ huwo gum fok min num wa kelim , “ ana be tala bara ze ayam al fat wa bekun hur. “ huwo ma arof gali Yahewa seebo huwo. ²¹ falastiniin gobudu huwo wa tala eyna tou bara.huwomon jibu huwo tehit fi Gaza wa roboto huwoma cilcila min nihas, wa kutu huwo atano degig fi sejin. ²² wa shar ta ras tou bada raba tani bad ma kan gaatau. ²³ hukam ta Falastiin limo sawa ashaan kidemo zebiah kebri Le alaa toumon dajon, wa be afrah. Huwomon kelim,“alaa tanina inteciro Samson, ado tanina, wa wodi huwo fi eida tanina.” ²⁴ laman shab eynu huwo , huwomon bada mejido alaa toumon , wa kelimo , “alaa tanina intecir ala addo tanina wa wodi huwo le anina–modimir ta beled tanina, huwo katolu ketir min anina. ²⁵ lama huwomon be amolu ehitifal toumon , huwomon kelim , nadi Samson , keli huwo ja alabu le anina.” Nadi huwo min sejin wa huwo alabu kidam toumon , wa wogifo huwo been amud. ²⁶ huwo kelim le jena al be amsoko eida tou, “shilo ana fi amod al Bet de be sabit fogo, ana azo teki fogo.” ²⁷ Bet de kan Malian ma Rojal wa Nusowan. Wa Kulu hukam ta falastiinin fi henak. Wa fok fi talata alif Rojal wa Nusowan, huwomon be eynu alabu ta Samson. ²⁸ Samson sely le Yahewa wa kelim, “ Ya said tai Yahewa, zikir wa gowi ana fi mara de demero falastiniin fi wahid dor ashaan huwomon tala itnin eyna tai.” ²⁹ Samson Amsoko ala itnin amud al fi nus ta Bet de be sabit fogo, wa huwo dakit wahid be eida al yemin wa tani be eida al shamal tou. ³⁰ Samson kelim “keli ana mutu ma falastiniin !” huwo dengiri wa dakito be gowa wa Bet de waga le kulu shab al fi fogo, nas al mutu fi zaman ta mutu tou, ketir min nas al huwo katolu lego huwo hai. ³¹ akona tou wa nas al gerib ma abu tou ja shilo jesim tou wa dofonu huwo been Zorah wa Eshtaol fi ma hal ta dofonu ta Manoah abu tou. Samson hokomo Israel le muda essherin sena.