¹ Abimelek jena ta jerub-baal ruwa la ahal tau ma tou fi shechem wa humon kelim le humon wa le kulu bab ta usura tau ma tou, ² Kelimu takum le kada ta shechem ashan bi asuma, yata yau bi kun afdal le intum, hal keli 70 awlad ta jerub-baal yau hakimu intum, wala keli bes wahid zol yau hakimu intum, zekiru takum inu ana min adom takun wa laham takum. ³ Akwana tau ma tou wonusu an humon le kada ta shechem, wa humon rudu ashan bi ruwa wara Abimelek, leanu humon kelim gal de aku ta nina, ⁴ Humon wodi le humon 70 gita ta fida min beit ta baal-berith, wa abiemelek istakdimu fida de ashan bi ajeru ma nas al bataliin wa al ma nafeiin al kan gi safir ma humon, ⁵ Abiemelek ruwa fi beit ta abu tou fi ophrar, wa humon katulu akwana tou al 70 de be wahid hajer al humon awlad ta jerub-baal. Bes jotham kan yau sibu, al humon askar jena ta jerub-baal ashan humon dusu nefsa tou, ⁶ Ruwasa ta shechem wa tab eth millo kulu ja ma baad wa humon amulu Abimelek melik fi oak gerib fi hajer al tezikariya al fi shechem, ⁷ Zaman kelim kalam de le jotham, humon ruwa wa wogif fi ras jebel ta Gerizim. Humon arfa soot fok, wa kelim le humon, asuma kum le ana intum ruwasa ta shechem, ashan rabuna bi asuma le intum, ⁸ Fi yom kan ashjar ruwa ashan bi maseh melik le humon. Biga humon kelim le shejera ta zetun keli inta kum melik ta nina, ⁹ Lakin shejara zetun kelim le humon, hal ana bi sibu debin tai al nas gi ihtaramu ma humon rabuna wan as ashan bi ruwa gi melik le ashajar? ¹⁰ Al ashjar kelim le shejera tiina taal ashan bi kun melik le nina ¹¹ Lakin shejara ta tiinna kelim le humon, hal ana bi sibu halawa tai wa samar tai al kwes, bes ashan bi reja wa bi kun melik le intum ashjar? ¹² Ashjar kelim le kurma taal geni melik ta nina, ¹³ Kurma kelim le humon, hal keli ana sibu khamra tai al jedid algi farahu rabuna wan as wa bi reja ashan bi hukumu ashjar? ¹⁴ Biga ashjar kulu kelim le shejera tae nab taal wa hakimu nina, ¹⁵ Shejera ta enob kelim le ashjar, iza kan intum hagiga dieru ashan bi mesah ana ze melik le intum, taal kum geni tehet dul tai, wa iza kan mafi, yala keli nar tala min shejera tae nab wa keli haragu akshab ta Lebanon, ¹⁶ Ashan keda hasa, iza kan intum amulu fi hagiga was ah, wa kan intum kutu/amulu abimelek melik wa iza kan intum amulu kwes fi kalam ta jerub-baal wa beit tou, wa iza kan intum akibu humon ze ma humon bi istehik ¹⁷ Wa bi fekir inu abu tai harib min ajili intum, kutu haya tou fi khatar wa kalisu intum min iden ta midian, ¹⁸ Lakin alela intum gum did beit ta abu tai wa katulu awlad tou, 70 nafar, fir as hajer wahid. Yaha intum abimelek weled ta khadam tou al mana melik le ruwasa ta schechem leanu humon ahal takum, ¹⁹ Iza kan intum amulu be amana wa hagiga ma jerub-baal wa beit tou biga intum bi afrah fi abimelek wa keli humon Kaman afrah fi intum ²⁰ Lakin iza kan ma kedo, keli nar tala min abimelek wa keli haragu nas ta shechem wa beth millo. Keli nar tala min shechem wa beth millo, ashan bi haragu abimelek, ²¹ Jothan here wa ruwa fi beer. Humon geni hinak leanu mahal de kan beyed min abimelek aku tou, ²² Abimelek hakumu Israel 3 senawat ²³ Rabuna rasulu roho al sherir beina abimelek wa ruwasa ta shechem. Ruwasa ta shechem karabu sega al kan humon amulu ma abimelek, ²⁴ Rabuna amulu keda, ashan tab keli ja iyal ta jerub-baal humon bi intakimu wa dom tomon bi kubu fir as ta abimelek aku tomn, wan as ta shechem bi katulu akwana tou ²⁵ Biga nas ta shechem amulu kemin le humon fir as ta jebel wa humon kan gi seigu ai zol al gi ruwa hinak fi sika, wa kan kabara de wori le abimelek, ²⁶ Biga gaal jena tae bed ja ma akwana tou wa humon ruwa fi schemem ruwasa ta schechem kan indu sega fi humon, ²⁷ Humon ruwa fi mahal zara, humon gata enob min mahal zara, wa humon dusu bi kurariin, humon amulu ahtefal fi beit ta rabuna tomon, baad ma humon akulu wa ashrabu, humon leanu abimelek, ²⁸ Gaal jena tae bed, kelim, Abimelek de munu, wa shechem de munu al nina bi akhdimu humon? Hal humon ma jena ta jerub-baal? Hal zebul abu ta shechem lee nina bi akhdimu abimelek? ²⁹ Ana gi itmana inu nas del tehet keyad tai biga ana bi silu abimelek bara, ana bi kelim le abimelek keli silu jesh tou al ketir de kulu. ³⁰ Zaman zebul musul ta medinan asum kalam ta gaal jena ta ebeb kelimu de humon zalan. ³¹ Humon rasulu kabara le abimelek ashan bi kabasu humon gal, Gaal jena ta ebeb wa akwana tou gi ja fi shechem, wa humon jahisiin ashan bi hajimu medina did inta, ³² Hasa keli intum kun jaisiin wa jaisu jesh taki wa amulu kemin fi mahal zara, ³³ Yala fi saba fi zaman al shemis gi tala gum bediri wa hajimu al medina. Iza kan humon, wan as al humon ja did inta amulu ai haja al inta bi agdeir bi amulu le humon, ³⁴ Biga abimelek be bilel, humon wa ruja tou al kan ma humon, wa humon amulu kemin did shechem humon gesimu ila arba mujumat, ³⁵ Gaal jena ta ebeb tala bara wa ruwa fi bab ta median. Abimelek wa nas al kan ma humon tala bara min mahalat al humon kan gi dusu badum fogo, ³⁶ Zaman gaal ainu humon, humon kelimu le zebul fi nas gi ainu dulat min ras jebel yau gi beinu ze nas, ³⁷ Gaal wonusu tani mara wa kelimu, yau dak nas gi nezil min nus tar as turab wa mujumu wahid gi ja bi sika tan as oak nas al gi arufu ainu ³⁸ Biga zebul kelim le humon, hasa biga wenu dala takum, intum al gi kelim abimelek de munu ashan nina be akhdimu humon? Hal de ma nas al intum taabu? Talakum bara ashan intum bi haribu did humon, ³⁹ Gaal tala bara wa humon kan yau musul le nas ta shechem wa humon haribu abimelek, ⁴⁰ Abimelek demiru humon wa biga gaal jere min gedam tou, nas ketir al awugu/jarahu, wa ketir al kan mutu fi buwaba ta medina, ⁴¹ Biga abimelek geni arumah, zebul turudu gaal w akwana tou bara min shechem, ⁴² Fi yom al tani nas ta shechem ruwa fi mahal zara, wa wori kabara dele abimelek, ⁴³ Humon silu nas tou wa humon gesimu humon ala talata mujumuot, wa humon amulu kemin fi mahal zara, humon ainu nas tala min medina wa hajimu wa katulu humon, ⁴⁴ Abimelek wan as al kan ma humon Kaman hajimu wa gofulu sika al gi dakalu le buwaba ta media wa itniin mujumuat taniin del hajimu nas al kan fi mahal zara wa katulu humon, ⁴⁵ Abimelek haribu medina de yom dak kulu, humon kasuru aswar ta medina wa zara medina be mele. ⁴⁶ Fi zaman al ruwasa ta buruj ta shechem asuma kabara de, humon dakalu fi khandak ta beit ta el-berith, ⁴⁷ Wa kelimu le abimelek gal kulu ruwasa lemu ma baad fi buruj ta shechem, ⁴⁸ Abimelek ruwa fok fi jebel ta zalmon, humon wa kulu rujal al kan ma humon, abimelek silu fas wa humon gata awurak ta shejara, humon kutu fi ketfa tou wa humon amiru kulu rujal al kan ma humon al ainu haja al humon amulu keli amulu be sura ze ma humon amulu. ⁴⁹ Biga kulu zol gata awurak ta shejar wa ruwa wara ta abimelek humon kutu did heta ta buruj wa humon wala nar fi khandak ashan keli kulu nas al fi buruj ta shechem kan bi mutu, wan as al mutu kana lf min rujal wa nusuwan, ⁵⁰ Biga abimelek ruwa fi thebez, wa humon hajimu thebez wa gubudu, ⁵¹ Lakin kan fi buruj gowi fi medina, wa kan rujal wa nusuwan wa kulu ruwasa ta medina, wa kan rujal wa nusuwan wa kulu ruwasa ta medina jere fi buruj de wa humon gofulu humon hinak, yau Kaman ruwa lahadi fir as ta buruj de, ⁵² Abimelek ja fi buruj de wa haribu did humon wa humon ja lahadi gerib ma bab ta buruj de ashan bi haragu, ⁵³ Lakin fi kan mara, hiya jada hajer ta atanu fir as ta abimelek wa kasuru jumjuma tou, ⁵⁴ Biga humon nadi guwam weled al shaab al gi arfa hajat tout a harib wa kelim le humon, tala seaf taki wa katulu ana, ashan keli ai zol ma kelimu gal mara yahu katulu humon, buga weled al shaab de gum atanu humon wa humon mutu, ⁵⁵ Zaman nas ta Israel ainu inu abimelek mutu, humon ruwa fi biet, ⁵⁶ Biga Rabuna dafa shar al Abimelek amulu le abu tou al humon katulu akwana tou al 70, ⁵⁷ Rabuna reja kulu shar tan as al schechem fir as tomon, wa lana ta jothan jena ta jerub-baal reja fir as tomon.