¹ Rujal ta Ephraim kelim le gdideon, de shunu yau inta amulu le nina? Inta ma nadi nina fi zaman al inta bi ruwa fi harib did midianiin biga homon wonusu ma howo bi feriga ta onf, ² Huwo kelim le humon, ana amulu shunu al bi korinu ma intum? Hal enab ta Ephraim al gi legetu afdal min enab al gata ta abiezer? ³ Rabuna wodi le inta nusra did itniin amiir ta midian oreb wa zeeb haja al ana amulu de humon guduru shunu le intum? Zaman humon kelim kalam de zalan tomon al kan le humon de kalasu, ⁴ Gideon ja le Jordan wa huwo tala wa ruwa, humon wa 300 rujal al kan ma humon, humon kan biga tabaniin, lakin humon lisa gi turudu midianiin ⁵ Humon kelim le rujal ta shukkoth, ya jama, wodi takum es/rekif le nas al gi dowuru ma ana, leanu humon tabaniin ashan ana gi turudu zeban wa zalmunna, melik ta midian ⁶ Biga nas kubar ta shukkoth kelim, hal iden ta zeboh wa zalmunna fi iden taki? Lee nina bi wodi esh/rekif le jesh taki? ⁷ Gideon kelim, fi zaman al rabuna wodi le nina nusra did zebah wa zalmunna, ana bi sertu jelid takun bi shok ta sahdra wa shokoth taniin ⁸ Min hinak humon ruwa le penile wa kelimu nefsa kalam le nas hinak bi nefsa teriga, wa lakin rujal ta penile, Juwabu huwo bi nefsa teriga al nas sukkath juwabu huwo, ⁹ Huwo wa kaman wosulu le nas ta penile wa kelimu, fi zaman al kan nana reja bi salam, ana bi kasuru burij de tehet ¹⁰ Biga hasa zebah wa zalmunna kan fi karkar ma asakir tou al adad tou 15,000 alf ruja, de kulu al bagi min kulu asakir ta nas sherik wa min asakir del al katulu ma seaf, 120,000 al fi rujal, all juru shikin. ¹¹ Gideon ruwa fi sika tan as al gi geni fi khema fi sherik ta nobah wa jogbeheh. Humon intesir le jesh ta jama del, leanu humon kan ma jahiziin le hujum, ¹² Biga zebah wa zalmunna gum jere, wa ze ma Gideon gi turudu humon, humon gobudu/amsuku itniinnmuluk ta midianiin al humon zebah wa zalmunna wa de kan sibu jesh tomon kulu geni bi kafu wa ma murtahiin, ¹³ Gideon jena ta joash, rijaa min harib wa gi ruwa fi heres, ¹⁴ Humon gobudu weled saab ta Sukkoth wa asalu humon, weled al saab de katifu tehet 77 asmaa ta ruwasa wa sheyukh ta Sukkoth, ¹⁵ Gideon ja le nas ta Sukkoth wa kelimu, ainu le zebah wa zalmunna al kan intum alsiu ana kalam tomon, wa kelim hal inta kalas gobudu zebah wa zalmunna? Ashan nina bi wodi esh/rekif le jesh taki ¹⁶ Gideon silu sheyokh ta medina, wa humon akibu nas ta Sukkoth ma shok ta sahara, ¹⁷ Wa Kaman kasuru tehet buruj ta penile wa katulu nas ta midianiin dak ¹⁸ Biga Gideon kelim le zebah wa zalmunna nas al intum katulu fi tabor de shekil tomon kef? Humon juwabu, shekiul tomon ze intum, kulu wahid min humon gi beinu ze jena ta melik, ¹⁹ Gideon kelim, humon akwana tai, auwlad tau ma tai, ze ma rabuna hai, iza kan intum sibu humon hayiin, ka nana ma bi katulu intum, ²⁰ Humon kelim le jethe(Jena tou al bi kir) gum fok wa katulu humon, lakin weled sukeir de ma tala seaf tou ashan humon kan gi kafu,leanu humon kan lisa weled sukeir, ²¹ Yala zebah wa zalmunna kelim inta bi nefsak gum fok wa katulu nina ashan humon ze de, de yau guwa tou, gideon gum fok wa katulu zebah wa zalmunna, humon kaman gata bara zena al shekil tou ze hilal al fi reja but ta jemel tomon, ²² Biga iyal ta israel kelim le gideon, keli inta yau hakimu nina, inta ea iyal taki wa iyal, iyal ta judud taki- leanu inta kalisu nina min iden ta midian, ²³ Gideon kelimu le humon ana ma bi hakimu intum wa la jena tai bi hakimu intum, rabuna yau bi hukum intum, ²⁴ . Gideon kelim le humon, keli ana talabu haja min intum keli kulu wahid min intum wodi le ana halak adana min genima tou(Nas midianiin de humon indu halak ta dahab ashan humon min ishmaelite, ²⁵ Humon juwabu gal nina bi wodi le inta be farah, humon ferisu gumash tehet yala kulu wahid/zol jada halak ta adana fogo min genima tomon, ²⁶ Wozin ta halak ta dahab al humon wodi adad tou kan 1,700 sheke; ta dahab wa kaman bara min genima ta zena al shekil tou ze hilal al gi kutu fi kasuma ta jemel, sikil al gi haligu, wa gumash al melik ta median yau gi libisu, wa kaman silcila al kan fi ragab ta jemel, ²⁷ Gideon sala haja ze gumash min halak ta adana de wa kutu fi medina tou, fi ophrah wa israel kulu amulu zena ashan humon kan gi abidu gumash de, gumash de biga tala ze sharak le gideon wa nas ta beit tou, ²⁸ Yala biga nas midianiin geni tehet israel humon ma arfa ras tomon tani mara biga israel geni fi salam le fetera ta 40 sena fi ayam ta gideon, ²⁹ Jerub-baal, jena ta joash ruwa wa geni fi beit tou ³⁰ Gideon indu 70 auwlad al humon weledu, leanu humon kan indu nasawiin kutar, ³¹ Refiga tou al kan fi shechem kaman kan weledu le humon weled wa gideon seme isim ta jena de Albimelek, ³² Gideon jena ta joash mutu fi umur al kwes, wa dofunu humon turuba ta abu tou joash fi ophrar al min usura ta Abiezer, ³³ Wa baad ma gideon mutu iya ta israel reja tani ashan bi amulu zena ta abidu baal. Humon amulu baal-Berith rabuna tomon, ³⁴ Iyal ta israel ma agdier ashan bi ihtaramu yahwah al rabuna tomon al kalisu humon min iden ta ada tomon fi kulu zaman, ³⁵ Humon ma hafisu waad tomon al kan humon amulu fi beit ta jerub- baal(al humon gideon) fi reja tomon wara min kulu hajat al kwes al humon amulu fi israel.