¹ Baad abimelek, Rabuna arfa tola ta puah jena ta dod, humon min Issachar al gi geni fi Shamir, fi jebel al fi beled ta Ephraim, ashan bi kalisu Israel, ² Humon hakimu Israel le fetera ta 23 sena, humon mutu wa dofunu fi Shamir, ³ Wa zol al ja baad humon, de jair al ta Gilead, humon hakimu Israel le fetera ta 22 sena. ⁴ Wa kan humon indu 30 awlad wa humon kan gi arkab fir as 30 humar wa humon indu 30 medina al gi nadi Havvoth jair lahadi fi yom ta allele, al humon fi ard ta gilead, ⁵ Jair mutu wa dofunu humon fi kamon. ⁶ Iyal ta Israel amulu shar fi gedam ta Rabuna wa humon gi abidu baal, wa ashtieths, rabuna ta aram, rabunat ta sidom, rabunat to moab, rabunat tan as ta ammon, wa rabunat ta philistines, humon aba/sibu rabuna yahwah wa biga ma gi abidu humon, ⁷ Rabuna zalan ma Israel wa humon wodi humon fi iden ta phaliestineen wa fi den tan as ammoniin. ⁸ Humon azibu wa tabu iyal ta Israel, fi sena dak al humon 18 sena homn gi taabu kulu iyal ta Israel al kan gi geni bi hinak le Jordan fi ard ta amoriin al humon fi gilead, ⁹ Biga amoriin ruwa lahadi fi Jordan ashan bi haribu did Judah, did Benjamin, wa did beit ta Ephraim, wa humon kan azibu Israel shedid, ¹⁰ Yala iyal ta Israel kore le rabuna, gal nina amulu katiya fi gidam taki, leanu nina sibu inta rabuna ta nina, wa abidu baal, ¹¹ Rabuna kelim le iyal ta Israel hal de ma ana yau kalisu intum min iden ta Egyptians, wa amoriin, wa phalestineen, ¹² Wa Kaman min sidoniin? Nas amalekiin wan as maoniin azibu intum, wa intum nadi wa kore le ana, wa ana kalisu intum min iden tomon, ¹³ Wa lisa intum sibu ana wa intum gi abidu rabunat taniin, ashan keda, ana ma bi kalisu intum, ¹⁴ Ruwa akum nadi rabunat al intum gi abidu ashan keli humon kalisu intum iza kan intum fi masakil". ¹⁵ Iyal ta Israel kelim le rabuna, nina amulu katiya, keli inta amulu le nina haja al inta ainu bi kun kwes le inta bes min fadlak kalisu nina fi yom ta allele, ¹⁶ Wa humon biga sibu rabunat al garib al kan fin us tomon wa humon abidu rabuna yahwah biga rabuna kan ma gi sibu iyal ta Israel, ¹⁷ Biga nas ammoniin jaw a limu wa amulu khema tomon fi gilead wa iyal ta Israel ja ma baad wa amulu khema tomon fi mizpah, ¹⁸ Ruwasa tan as ta gilead kelimu le baad tomon de yatu zol al bi bada haribu ammoniin humon bi kun reish tan as kulu al gi geni fi gilead."