¹ Kan yaphtah al gilaad howo mukatil al gowi, lakin howo kan weled ta mara al zaniya. Abu tuo howo gilaad. ² Mara ta gilaad weledu le howo iyal taniin Kaman. Zaman al iyal ta mara tuou de raba, howo bad asuru yaphtah ashan bi tala bara min beit wa homon kelim le howo gal” Inta ma bi worisu hai haja min worisa ta beit tal abu ta nina. Inta jena ta mara tani.” ³ Biga yaphtah jere min akuana tuo wa howo rua tesh fi ardi ta tab, wan as bataliin gi limu maa yaphtah wa homon safir sawa. ⁴ Baad ayamat suiya, shaab ta Amoni amulu harib deed Israel. ⁵ Zaman homon amulu harib de ma Israeliin, nas al kubareen ta gilaaad ruwa jebu yaphtah min ardi ta tab. ⁶ homon kelim le yaphtah,”Tal wa keli inta kun ghaed ta nina fi harib maa shaab ta Amoneen.” ⁷ Yaphtah kelim le shiukh ta gilaad,”Intum akrahu ana wa asuru anan ashan bi sibu bet ta Abu tai leh intum ja le ana hasa ashan intum biga fi muskila?” ⁸ Nas kubariin ta gilaad kelim le yaphtah,”De yau shabab al nina ja le inta hasa; keli inta jaa wa shakil maa shaab ta Amoni wa inta bi kun ghaed le kulu nas ta gilaad”. ⁹ Yaphtah kelim le nas kubariin ta gilaad,”Kan intum rejaa ana wara beit tani mara ashan bi shakil deed amoni, wa kan yahwah wodi le nina Intisar deed homon, ana bi kun ghaed takun” ¹⁰ Nas kubariin ta gilaad kelim le yaphtah”keli yahwah kun shahid ta nina kan nina ma amulu zi al nina kelimu” ¹¹ Biga yaphtah ruwa ma nas kubarin ta gilaad wa shaab kutu howo ries wa ghaed le homon. ¹² Biga yaphtah rasulu nas le melik ta shaab ta Amoni wa kelimu,”De mashakil ta shunu al biena nina de?” malu inta jaa ma jesh ashan bi shilu ardi ta nina?” ¹³ Melik ta shaab ta Amoni juabu le nas ta yaphtah al rasulu deel gal, ashan zaman al shaab tala bara min masir, homon shilu ardi min Arnon le jabbok, fi al urdun, hasa keli intum rejaa le nina aradi deel bi salam, ¹⁴ Yaphtah rasulu nas tani mara le melik ta shaab ta Amoni, ¹⁵ Wa howo kelim gal”Yaphtah kelim kida gal:Israel ma shilu ardi ta moab wa ardi ta shaab ta amoni, ¹⁶ Lakin homon min ardi ta masir, wa homon ruwa bi sahra le bahar ta suaf wa fi ghadish, ¹⁷ Zaman Israel rasulu nas le melik ta Adom gal, min fadlak keli nina ruwa bi sika ta ardi taki de melik ta adom ma asuma homon Kaman rasulu nas le melik ta moab gal min fadlak keli nina ruwa min sika ta moab lakin howo ma rudu ashan kida shaab ta Israel geni fi ghadish. ¹⁸ Biga homon bada ruwa min sika ta sahra wa homon rejaa min ardi ta adom wa ardi ta moab wa homon ruwa fi itejah ta sherik ta ardi ta moab wa homon khima tomon fi itejah ta arnon. Lakin homon ma ruwa le hudud ta moab, leanu arnon de kan hudud ta moab, ¹⁹ Israel rasulu nas le shihan melik ta amoriteen al kan gi hakumu hesbon, Israel kelim le howo gal min fadlak keli nina ruwa mika ta ardi taki le aradi ta nina, ²⁰ Lakin shihon kan ma indu sigha le Israel ashan bi ruwa sika ta hudud tuo. Biga shihon limu jesh tuo kulu sawa wa kutu homon fi jahaz, wa fi mahal dak howo amulu harb deed Israel, ²¹ Biga yahwah Allah ta Israel selimu shihon wan as tuo kulu le ida ta Israel wa Israel intesiir le homon. Biga Israel shilu kulu ardi ta amoriteen al kan gi tesh fi beled dak. ²² Homon shilu kulu hajat al fi hudud t amoriteen min arnon le jabbok, wa min sahra ta urdon. ²³ Yala yahwah Allah ta Israel turudu shaab ta Amorite min gedam shaab tuo Israel, wa hasa inta bi shilu mumtalakat al fi ardi tomon, ²⁴ Inta ma shilu ardi al kemash rabuna taki, yau wodi le inta ashan ayi arid al yahwah Allah ta nina wodi le nina, yau nina bi shile. ²⁵ Hasa hagiga inta ahseen min balak weled ta zippor melik ta moab hal howo jeribu ashan bi naghish ma Israel hal howo hawil bada harib deed Israel? ²⁶ Fi zaman al Israel kan iesh tultu miya sena(300) fis hishbon wa ghariyat tuo wa fi aroer wa ghariyat tuo wa medina al fi teraf arnon-leh kan inta ma rejaa homon wara fi zaman dak? ²⁷ Ana ma amulu le inta haja al batal, lakin yau amulu le ana haja al batal ashan inta hajimu ana Yahwah al ghaddi yau bi hakumu allele biena shaab ta Israel wa shab ta amoni, ²⁸ Lakin melik ta shaab ta amoni abaa inzar al yaphtah rasulu. ²⁹ Biga ruhu ta Rabuna Yahwah ja le yaphtah wa howo ruwa min gilaad wa Manasseh wa ruwa min mizpah fi gilaad wa min mizpah fi gilaad howo ruwa le shaab ta amoni. ³⁰ Yaphatah amulu waad le yahwah wa kelim”Kan inta wodi le ana Intisar deed shaab ta moni, ³¹ Ayi haja al bi tala min abuab ta biet tai al bi jebu le ana ka nana reja bi salama min shaab ta amoni an bi wodi le yahwah wa ana bi gedimu howo zi zebiha al gi haragu” ³² Biga yaphtah ruwa le shaab ta amoni ashan ³³ bi harib deed homon min aroer lahadi wosulu fi minis-isherin mediynat-wa abel keramim wa humon kan amulu khasair kebier. Biga shaab ta amoni biga tabaaniin gedam shaab ta Israel. ³⁴ Yaphtah jaa fi beit tuo fi mizpah wa biniya tuo bada bara ma lugarat wa gi alabu wa jaa rahibu howo. Biniya de yau kan jena tuo al wahid wa howo kan ma indu wele weled wele biniya tani ile de bes. ³⁵ Tuwali zaman al howo ainu hiya, howo shiret gumashat tuo wa kelim, Ahhl biniya tai, inta kasuru geliba tai ma huguna shedid ana biga zalan ashan inta bes ashan ana wonusu le yahwah wa ana ma bi agdeer rejaa wara min waad al ana amulu. ³⁶ Hiya kelim le howo”Abu tai, inta amulu tifagiya wad le yahwah, amulu le ana ayi haja al inta waadu, ashan yahwah (Integhim) wogif ma inta deed adu taki, al amoniteen. ³⁷ Hiya kelim le abu tuo” Hafisu waad de ashan ana wa keli inta sibu ana le mudat shahareen ashan ana keli ruwa fok fi jebel wa bi kore geni azraa tai ana wa sabihat tai” ³⁸ Howo kelim ruwa, howo rasulu hiya hinak le mudat itniin shahar. ³⁹ Huwo sibu hiya wa sabihat tuo wa humon amulu beka ashan geni aazraa ta hiya rejaa le abu tuo, huwo amulu le hiya hasab itefagiya ta waad al huwo kan amulu. Biga hiya kan ma arufu rajil wa de kan biga wahid min tagahid fi Israel. ⁴⁰ Ienu banat ta Israel bi rejaa haki gisa ta biniya ta yaphta al gilaadi wahid mara fi sena, le mudata arba ayam.