¹ Biga Rabuna sibu nas del ashan bi jeribu Israel, kulu zol fi Israelal kan ma Ikhtebir hurub ta Canaaniin ² (Huwo amulu de ashan bi derisu jilt a Israel de harib wa de nas al kan lesa ma arufu harib). ³ De belad al kamsa al gi hakimu fi Philistin, del Canaaniin, Sidoniin wa Hivitiin al gi geni fi jibel ta Lebanon, Min Jebel Baal Hermon le madkal(buaba) ta Hamatt. ⁴ Rabuna sibu bilad de ashan bi jeribu Israel de ashan bi sabit hal inu humon sei bi ihtaramu wasaya al Rabuna wodi le judud tomon bi wasat Musa. ⁵ Iyal ta Israel kan gi geni fin us ta Canaaniin, Hittiin,Amoriin, Perzzitiiin, Hivitiin, waJebusitiin, ⁶ Humon zowuju banat ta nas del, wa humon wodi banat tomon le aulad ta jama del, wa humon gi Akhdimu Rabuna tan as del, ⁷ Iyal ta Israel amulu shar gedam ta Rabuna wa humon nesitu Yahweh Rabuna tomon. Humon abidu Baal wa Asherah. ⁸ Rabuna zalan ma Iyal ta Israel, wa huwo wodi humon fi iden ta Cushan-Rishathaim melik ta Aram Naharaim. Iyal ta Israel Akhdim Cushan –Rishathaim tamaniya sena. ⁹ Zaman iyal ta Israel kore le Rabuna, Rabuna rasul zol ashan bi saidu Israel, wa zol de bi ankizu humon. Wa zol de yahu Othniel jena ta Kenaz(aku ta Caleb al suker) ¹⁰ Huwo indu Roho ta Rabuna wa huwo yahu Gadi fi Israel wa huwo ruwa ashan bi haribu. Rabuna wodi le huwo nusra did Cushan- Rishathaim melik ta Aram. Othniel intesir le Cushan-Rishathaim. ¹¹ Israel geni fi salam arbeyiin sena. Yala biga Othniel jena Othaniel jena ta Kenaz mutu. ¹² Wa baad dak, iyal ta Iyal ta Israel tani mara amulu shar fi gidam ta Rabuna, wa Rabuna wodiguwa le Eglon melik ta Moab did Israel. ¹³ Eglon lemu sawa ma Ammoniin wa Amalekiin wa humon haribu, Israel,wa humon silu mumtalakat ta medina ta nakhil. ¹⁴ Iyal ta Israel akhdimu Eglon melik ta Moab tamantasar sena. ¹⁵ Zaman iyal ta Israel kore le Rabuna, Rabuna wodi le humon, Ehud jena ta Gera, al Benjamin rajil al abu Shamal. Iyal ta Israel rasulu huwo ashan bi wodi salam tomon le Eglon Melik ta Moab. ¹⁶ Ehud amulu Isala le huwo seaf al kasuma tou seniin wa tuwil hara huwo rubutu tehet kurayiin tou wa huwo kati ma gumash. ¹⁷ Huwo wodi hadiya ta salam le Eglon melik ta Moab. (Eglon rojul semin) ¹⁸ Baad ma Ehud wodi hadiya ta salam, nas al gedimu wa arfa hadiya de fat. ¹⁹ Yala biga le Ehud zaman huwo wosulu fi mahal al kutu fogo sanamal amulu gerib le Gilgal, huwo reja wara. Wa kelimu ya melik tai ana indu kabara al seri le inta, Eglon kelim askut! Yala nas kulu al gi akhdim hueo de tala bara, ²⁰ Biga Ehud ja le huwo, melik gi geni bara fi gurfa al fok al barid. Ehud kelim, ana jibu le inta kabara min Rabuna, melik gum fok min ras kursi tou. ²¹ Ehud medu iden tou ta shamal wa silu seaf min kura tou ta yemin wa huwo atanu melik fi batna. ²² Kasab ta seaf de ruwa lahadi juwa: kasuma ta seaf de tala lahadi fi dahar tou, wa shaham tala fogo. Ehud ma tala seaf de min batna ta melik. ²³ Biga Ehud tala bara wa gofulu abuwab al ta gurfa al fok fir as tomon. ²⁴ Baad ma Ehud ruwa, Khudam ta melik ja, humon ainu abuwab ta gurfa al fok mogful, biga humon fekiru gal huwo gi akudu raha fi gurfa al fok al barid. ²⁵ Humon biga hawil shedid lahadi humon kelim gal humon ma gi kutu bala fi shokol tomon, ashan lahadi hasa melik ma akder fata bab ta gurfa al fok. Biga humon silu mufta wa fata humon ligo melik tomon waga tehet meit. ²⁶ Zaman khudam del gi intezir, humon gi istagrab humon bi amulu shunu, Ehud tefes huwo ruwa min jambu mahata surat ta asnam del, wa biga huwo jere fi Seiral. ²⁷ Zaman huwo wosulu, huwo afuku buruji ta gurun ta koruf fi jebel ta Ephraim. Biga iyal ta Israel nezil ma huwo min jebel. Wa huwo yahu kan gidam tomon. ²⁸ Huwo kelim le humontal kum wara ana ashan Rabuna gi ruwa demiru ada takum Moabiin, wa humon ma deir ai zol keli gata bahar. ²⁹ Biga fi zaman dak humon katulu gerib ashara alf min rujal ta Moab, wa kan humon kulu rijal al gowiin. Ma fi zol wahid jere. ³⁰ Biga fi yom dak Moabiin tehet iden wa guwa ta Israel, wa Israel akudu raha le mudad tamaniin (80)sena. ³¹ Baad Ehud ja Gadi shamgar jena ta anatt al al huwo katulu sutumiya(600) rijal min Philistiin ma kasab al gi istakdimu le bagara.wa huwo Kaman kalisu Israel min kutura.